کوقالیماویا ۹۲۶۸ ساییلی اوچوشو
کوقالیماویا ۹۲۶۸ ساییلی اوچوشو روس هاوایولو شیرکتی کوقالیماویا (روسجا. Когалымавиа) طرفیندن میصرین شرم الشیخ شهرینین هاوا آلانیندان روسیه نین سن پترزبورگ شهرینده کی پولوکوو هاوا آلانینا گئدن اوچوشدور. 2015 اوکتوبر آیی نین 31نجی گونونده گرچکلشن اوچوشدا، اوچاق سینا یاریم آداسی گؤیونده اولاندا اوچاق و اوچوش گؤزلمه مرکزلری ایله رادیو سیقناللار کسیلدی. میصر هاواچیلیک قورومونون آچیقلاماسیندا اوچاغین دوشدویو اعلام اولوندو. اوچاق موسکو ساعاتی ایله ساعات 7:13 ده دوشوب. اوچاق ایرباس A321-231 مودئلینده ایمیش. اوچاقدا 217 یولجو و 7 یول قوللوقجوسو وار ایمیش و اوزوجولوکله هامیسی جانلارین الدن وئردیلر. اوچاقداکیلارین 214 نفری روسیهلی و 3 نفری ده اوکراینلی ایمیشلر. بو اوچاق دوشوشو آجی اولایی، میصر اؤلکه سی ایچینده باش وئرن ان پیس قضادیر. عئینی زاماندا ایرباس A321 مودئللری ایچینده ده ان اؤلومجول قضادیر.
داعیش تئرور قورومو ادعاسی
[دَییشدیر]
بو اوچاغین دوشوشوندن سونرا، سینا یاریم آداسیندا داعیش تئرور قورومونا باغلی اولان بیر قروپ، اوچاغی گؤیده ووروب، و روسیه نین سوریه ده کی موسلمانلاری بومباردیمان ائتمکلرینین انتقامی نی آلدیقلاری نی ادعا ائتدیلر.[۱] باشقا طرفدن روسیه و میصر رسمی لری دئدیلر کی اوچاق اوجا بیر هوندورلوگه یئتیشمیش ایمیش و داعیش تئرور قروپلاریندا یوخاری هوندورلوکده کی بیر اوچاغین روس اولدوغونو تانییب و راکتله وورماق تکنولوژیلری یوخدور.[۲]
قایناقلار
[دَییشدیر]- آنادولو تورکجه سی و انگلیزجه ویکی پدیا صفحه لری