کونیستانتین ویرژیل قئورقیو
| کونیستانتین ویرژیل قئورقیو | |
|---|---|
 | |
| دوْغوم تاریخی | ۱۵ سپتامبر ۱۹۱۶ رومانی |
| اؤلوم تاریخی | ۲۲ ژوئن ۱۹۹۲ (۷۵ یاشیندا) پاریس ، فرانسه |
| میلیت | رومانیالی |
| مرازلیق | پاریس پاسی قبیریستان‌لیغی |
| پئشه | یازیچی |
| یازیچیلیق ساحه‌سینین شوهرتی | "ساعات 25" رومانی |
| تاثیر قویموش | {{{تاثیر قویموش}}} |
کونیستانتین ویرژیل قئورقیو (رومانی: Constantin Virgil Gheorghiu]؛ 15 سپتامبر 1916-جی ایلده رازبویئنی، رومانی - 22 ژوئن 1992-جی ایلده پاریس، فرانسه) رومانی یازیچیسی ایدی، ان چوخ 1945-جی ایلده یازدیغی "ساعت 25" رومانی ایله تانینیر.
یاشامی[دَییشدیر]
کونیستانتین ویرژیل قئورقیو رومانی‌نین رازبویئنی شهری‌نین والئا آلبا کندینده آنادان اولوب. آتاسی اورتودوکس کشیشی ایدی. ان یاخشی طلبه اولان قئورقیو، 1928-جی ایلدن 1936-جی ایلین ژوئنینه قدر کیشیناودا اورتا مکتبده اوخویوب، سونرا بوخارست بیلیم‌یوردوندا و هئیدلبرق بیلیم‌یوردوندا فلسفه و ایلاهیات اوزره تحصیل آلیب.
او، محمد پئیغمبرین ترجومه‌یی-حالینی یازمادان اوّل عرب دیلینی و عرب مدنیتینی اؤیرنمک اوچون سعودیه عربیستانینا سفر ائدیب و اورادا قالیب. کیتاب رومانی دیلیندن فرانسه دیلینه و ایراندا فارس دیلینه، پاکیستاندا ایسه اوردو دیلینه ترجومه ائدیلمیشدیر؛ تأسوفله ، بو کیتاب هئچ واخت اینگیلیس دیلینه ترجومه اولونماییب. اونون هیندی دیلینه ترجومه‌سی هیندیستاندا "تانیمادیغمیز پئیغمبر" آدی ایله 2020-جی ایلین ژانویه‌سینه کیمی چاپ اولاجاغی گؤزله نیلیردی.
1942-1943-جو ایللرده ژنرال ایون آنتونسکونون حاکیمیتی دؤورونده قئورقیو رومانی خاریجی ایشلر وزیرلیگینده سفیرلیک کاتیبی وظیفه‌سینده چالیشیب. 1944-جو ایلین آقوستوندا شوروی قوشون‌لاری رومانی‌یا داخیل اولاندا او، سورگونه گئتدی. ایکینجی دونیا ساواشی نین سونوندا آمریکا قوشون‌لاری طرفیندن حبس اولوندو و نهایت 1948-جی ایلده فرانسه‌ده مسکون‌لاشدی. بیر ایل سونرا "ساعات "25 (فرانسه: La vingt-cinquième heure; اینگیلیس: The Twenty-Fifth Hour) رومانینی نشر ائتدی. اسیرلیکده اولارکن یازیلمیشدیر.
قئورقیو 23 مئی 1963-جو ایلده پاریسده رومانی اورتودوکس کیلیساسی‌نین کشیشی تعیین ائدیلیب. 1966-جی ایلده رومانی پاتریگی یوستینیان مذهبی و ادبی فعالیتینه گؤره اونو رومانی پاتریارخلیغی‌نین خاچی ایله تلطیف ائدیب.
پاریسده، پاسی قبیریستان‌لیغیندا دفن اولونوب.