یئنی بوناب

ویکی‌پدیا، آچیق بیلیک‌لیک‌دن
پرش به ناوبری پرش به جستجو
İmam Huseyn Meydani

یئنی بوناب (تازا بیناب) (زعفران شهری - مرندشهری نین بینابی) ایران اؤلکه سی نین شهرلریندن بیری دیر. بۇ شهر دوغو آذربایجان اوستانی نده هابئله مرند بؤلگه‌سی نده یئرلشیب دیر. بۇ شهر 1383 اینجی ایلده کندن دن شهر چئوریلیب دیر.[۱]

جغرافیایی یئر[دَییشدیر]

تازا بیناب شهری، مرند بولگه‌سی‌نین مرکزی بولومونده و مرند شهرینین گون چیخان یندا واقیع اوْلوبدور . بۇ شهر مرند شهر ایله 10 کیلومئتیر آراسی واردیر.هابئله بۇ شهر تبریز شهرینین قوزای دوغوسوندا یئلشیب و تبریزله 72 کیلومئتیر آراسی واردیر. بۇ شهر، شهرداری روتبه بندیلیغیندا نومره بیر روتبه سی واردیر. تازا بیناب شهری قوزای دان زنوز، گونئی دن صوفیان، گون چیخان دان ورزقان و گون باتان دان مرنده محدود اولور.[۲][۳]

یئنی بیناب ین آدی[دَییشدیر]

تازا بیناب، شهره چئوریلمه دن اونجه "بیناب" آدی لا تانینیردی. آنجاق شهره چئوریله ندن سوْنرا "تازا بیناب" (بیناب جدید) آدلاندی.[۲][۳]

تاریخ[دَییشدیر]

بو شهرین چوخلو تاریخ سل سابیقه سی واردیر. نئجه كی بۇ شهرین آلادر آدلا اوْلان منطقه سینده اوْلان قبریستان لیغ لار بونو گورسدیر كی بۇ منطقه ضحاكین سربازلارینین اوتوراقیمیش . ولی بۇ منطقه طمعكار آداملارین الینن محفوظ قالمیییب و موجویزسیز قازینتیلارلا بۇ منطقیه آسیب ووروبدور.[۲][۳]

اقلیم[دَییشدیر]

تازا بیناب داغیلیق منطقه ده یئرلشیب و بونا گوره ده هاواسی سویوق و موعتدیل دیر. یاز فصلینده گوزل و ماراغلی هاواسی اوچون، چوخلو قوناق لار قبول ائدیر.[۲][۳]

آدام‌لار[دَییشدیر]

اهالی[دَییشدیر]

1385 اینجی ایلین نوفوس سایی سیندا، بۇ شهرین 1236 عائیله ائو و 4430 نفر اهالی واری دیر. اونلارین 2095 نفری كیشی و 2335 نفری آروادیمیش.[۴]

ایش[دَییشدیر]

بو شهرین جماعتینین غالیب ایشی اکین چی لیک دیر، بونونلا برابر فرش توخویورلار . تازا بیناب آذربایجان منطقه سینده بیرجه منطقه دیر کی اوندا زعفران اکیلیر و بوشهرین زعفرانی چوخ مشهور و بیردانادیر . بونا گوره ده بۇ شهری زعفران شهری ده آدلاییب و بۇ شهردن هر یئره زعفرانی سوقت آپاراللار.[۲][۳]

گورملی یئرلر[دَییشدیر]

بیناب شهرینین چوخلو گورملی یئرلری واردیر. اونلارین یاب ان آدلیم لاری نین آدی بئله دی: 1-بینابین تورپاخ سدی 2-آلادر دره سی 3علی داشی 4-بینابین داغلاری 5-آذا قاپی و.....[۲][۳]

بیلیم یوردلار[دَییشدیر]

بیناب شهرینین بیلیم اماکینی چوخ ده ییرلر ولی عیبارتدیلر : 2دانا قیز مدرسه سی 2دانا اوغلان مدرسه سی 1 دانا دا پیام نور بیلیم یوردو 2 الی 3 دانا دا مهد کودک بۇ شهرده فعالیت ائله ییرلر. همیده بۇ شهرین کیتابخاناسیدا جورلانماغدادیر.[۲][۳]

سیاست[دَییشدیر]

تازا بیناب شهری، شهره چئوریلندن سوْنرا ایکی شهرداری اوْلوب: 1- میر ارشد مؤمنی 2- موهندیس حسین طهمزی (ایندیکی شهردار)

بو شهرین ایندیکی شورالاری نین آدلاری بئله دیر: 1- جواد آتشبار 2- حبیب پهلوانی 3- حسن هرمزدی 4- یحیی پورسعید 5- رضا سنبلی[۲][۳]

قایناقلار[دَییشدیر]

  1. مركز پژوهش‌های مجلس شورای اسلامی- اصلاحات تقسیماتی در استان آدربایجان‌شرقی
  2. ۲٫۰ ۲٫۱ ۲٫۲ ۲٫۳ ۲٫۴ ۲٫۵ ۲٫۶ ۲٫۷ بناب نیوز، شهر بناب جدید ( بناب مرند )
  3. ۳٫۰ ۳٫۱ ۳٫۲ ۳٫۳ ۳٫۴ ۳٫۵ ۳٫۶ ۳٫۷ وب‌سایت شهر بناب جدید، بناب جدید در گذر تاریخ
  4. [۱] ایرانین آمار مرکزی