بستان‌آباد

ویکی‌پدیا، آچیق بیلیک‌لیک‌دن
پرش به ناوبری پرش به جستجو
بستان‌آباد
Bostan abad.jpg


نقشه اوستونده یئری
بستان‌آباد در ایران قرار گرفته‌است
بستان‌آباد
بستان‌آباد
بیلگی‌لر
اهالی ۲۱٬۷۳۴ نفر (۲۰۱۶)
سوی و دیل آذربایجان تورکجه‌سی
مذهب و دین موسلمانشیعه
ایجرا نوماینده‌سی دکتر وحدتی
بلدیه باشچی‌سی دکتر کوهستانی


بوستان آوا شهری فارسجا: بستان‌آبادشرقی آذربایجان اوستانینین شهرلریندن بیری دیر. بو شهرین آدی کئچمیش‌ده اوجان اولوب.

اوجان یادا بستان‌آوا تبریز شهری نین گونئی دوغو سوندا، تهران - تبریز و اردبیل - تبریز یولوندا یئرلشیب. سینیرلاری قوزئی دن هئریسه (قاراداغ ماحالی)، گونئی دن سراسکنده (هئشتری ماحالی)، دوغودان آلان بیراوغوش ماحالی و سارابا باتی دان تبریزه، گونئی دوغودان مییاناو تورکمنچایا و گونئی باتی دان ماراغایا قاویشیر.

بوستان آوانین فاصله سی تبریزدن ۵۰ کیلومئتیر، اردبیل دن ۱۵۵ کیلومئتیر و مییانادان ۱۰۰ کیلومئتیر دیر.

Bostan-Abad.jpg

اوجانین هوندورلوگو دنیزلر سطحیندن ۱۶۷۹-۱۷۴۰ مئتیر و ساحه سی ۲۹۶۹-۳/۲۸۵۰ کیلومئتیر مربع دیر کی دئمه لی اوستان ساحه سینین یوزده ۴/۶ فاییزینی شامیل اولور. 1395اینجی ایلین نوفوس سایی سی نا اساساً اوجان شهری نین 21.734 باش اهالیسی وارایمیش.[۱][۲]

کئچمیشی[دَییشدیر]

بوگونکو بوستان آوا شهری، اسکی اوجان شهرینین حودود لاریندا تیکیلمیش دیر.اوجان شهری تخمینا ۹۰۰ ایل بوندان اونجه تورک سلوجقلار طرفیندن سالینیب و سونرالار موغول ائلخانلاری اونو یایلاقلیق باشکند کیمی سئچمیشلر.اوجان شهری زامان زامان، تورک و موغول حوکومدارلارینین، ها بئله بی لرینین و خاتون لارینین ان سئودیکلری یئرلردن بیری اولموشدور. دئمه لی اوجان گئچمیشده محتشم و شانلی بیر شهرجیک اولوب؛ آنجاق سونرا لار صفوی دوورونون ایلک چاغ لاریندا، عوثمانلی لار هوجومو و زلزله نتیجه سینده، قاباقکی وارلیلیغینی ایتیریر و بیر داها اونو الده ائده بیلمیر. بوگونکو بوستان آوا آدلانان شهریسه، آدلیم اوجان شهرینین تام شیکلده ییخیلماسیندان تقریباً یوز ایل سونرا،آفشار چاغیندا، بیر کند اولاراق تورک قاراداغلی و سارابلی(شقاقی) کوچری طایفالارینین طرفیندن، اوجان چایینین جیواریندا تیکیلیبدیر.گئچن اون ایللیک لرده ده بوستان آوا کندی گئدگئده قاباغا گئتمیش و آرتیق شهره چئوریلمیشدیر.

جغرافیاسی[دَییشدیر]

اوجان داغلی و سویوق منطقه دیر. اونون آرخاسیندا نئچه داغ وار. قوزای دان بوزقوش داغی و موروداغ داغی باتی دان سهند(۳۷۷۲ متر)، بوزداغ (۳۶۰۵متر)، بویوک‌داغ (۲۹۶۰ متر)، دروانه‌داغ (۲۹۵۴ متر)، قاباق‌داغ (۲۹۰۴ متر)، آلتی (۲۵۶۰ متر)، شبلی(0۱۶۵۴) و حیدربابا، شهرستانین اونملی اوجالاریدیر[۳]

سیاسی بلوملر[دَییشدیر]

اوجان(بستان اوا)بؤلگه سی(فارسجا؛ شهرستان بستان اباد)، ایران ایسلام جمهوری سی نین 1382 اینجی ایلینین سیاسی بولمه لر اساسی سیندا یکی بولوم، 9 قصبه، 2 شهر و 175 کنده بولونور[۴]

بؤلگه بولوم قصبه
اوجان مرکزی قورو گول
اوجان مرکزی گونئی اوجان چای
اوجان مرکزی مئیدان چای
اوجان مرکزی شبلی
اوجان مرکزی باتی اوجان
اوجان تیکمه‌داش دوغو اوجان
اوجان تیکمه‌داش دوغو عابباس
اوجان تیکمه‌داش سهنداوا
اوجان تیکمه‌داش باتی عابباس

تاریخلی یئرلری[دَییشدیر]

1- عمارت نائب السلطنه: 1212 هـ ق تیکیلیب فقط بیر خارابه قالیب. خیرآباد و چمن اوجان یولونون کناریندا.

2- نادیر تپه سی: گویا نادیرشاه بورادا ایقامت ائدیب. اوجان شهری نین گونئیینده و مغول دوریندن قالیر.

3- قیزیل کوشک: مغول شاهلارین قصری

4- ده ییرمان تپه سی (تپه طاحونه): صبیرلی چایی و حاج آقا کندین آراسیندا یئرلشیب. بیر چوخ آثار واردیر.

5- جانقور:قدیم اوجان شهرین یئریدیر.

معروف کندلر[دَییشدیر]

  • سعیدآباد(سئیدآوا):بولگه نین اسکی و بویوک کندلریندن دیر.
  • کرگان:کند ایکی هیسسه دن عبارتدیر.بویوک و قالابالیق بیرکنددیر.
  • سئیسان: بولگه نین ان قدیم و سابقه لی کندلریندن بیری دیر. بو کند ایسلام انقلابیندان اونجه بولگه نین ان بویوک و آباد کندیمیش آنجاق اهالیسینین چوخو باهایی مسلکلی اولدوغونا گوره کند تخریب اولونوب.
  • حاج آقا:بو کند هله بوستان آوا بیر شهر کیمی اورتایا چیخمامیشدان اول، اوجان ماحالینین مرکزیمیش و بولگه نین والی لری بو کندده اقامت ائدرمیشلر.
  • آلانا: بو کند تخمیناً ۴۵۰۰ نوفوسو اولماقلا بولگه نین لاب بویوک کندی دیر.آلانا اسکی تورک دیلنده گئنیشلیک چاییرلیق آنلامیندادیر.
  • کوردکندی
  • آنباردان
  • سئییدلر نوغه دی سی( قوزو نوغه دی)
  • قره بابا
  • الخلج: تورک خلج ائلینین آدیلا ایلگی لی دیر
  • قره چیمن
  • شنگیل آوا:کئچمیشده بو کندین بویوک بی لری و خانلاری واریمیش. شنگیل آوالی قیزیل حوسئین بی، نادرشاهین بویوک باشچی لاریندان اولموشدور.
  • خوشکه ناو: شهریارین دوغولدوغو کنددیر.
  • قره چای: سهندآوا ماحالینین مرکزی کندی دیر.
  • گورآخار(گل آخور)
  • ائینه دین(عین الدین)
  • گون دوغدو
  • سیغین سره: موغول دیلینده مارال اوولاقی آنلامیندادیر.

قایناقلار[دَییشدیر]