بالکان ساواشلاری
بالکان ساواشلاری — عثمانلی ایمپیراتورلوغونین ۴ بالکان دؤولتینه قارشی ۱۹۱۲-۱۹۱۳-جو ایللرده آپاردیغی ساواش (۸ اۇکتوبر ۱۹۱۲ - ۲۹ سپتامبر ۱۹۱۳). مۆحاریبه‌نین اصل سببی بولغاریستانلا صربیستاننین بالکانلاردا آرتان فعالیّتی اوْلموش‌دور.
تاریخی
[دَییشدیر]
۱۹۱۱-جی ایلده ایتالیا عثمانلی ایمپیراتورلوغونا مۆحاریبه اعلان ائتدی و تئزلیک‌له تریپولینی و دودکانیس آدالارینی ایشغال ائتدی. بۇنونلا عثمانلیلار سیخیشدیریل‌دی، بولقاریستان، صربیستان و یونان تۆرکیه‌یه قارشی مۆحاریبه‌ده اؤز قوه‌لرینی بیرلشدیردیردیلر. اوْنلار عثمانلی اراضی‌سین‌ده‌کی بعضی اراضیلری ایشغال ائتمه‌یه اۆمید ائدیردیلر. تۆرکیه تئزلیک‌له مغلوب ائدیل‌دی، لاکین صربیانین گذشته گتمه‌سینه اۆمید بسلین بولقارلار ماکدونیانی اله کچیرمه‌یه ادعا ائتدیلر. بئله‌لیک‌له، بیرینجی بالکان مۆحاریبه‌سیندن سوْنرا، ۱۹۱۳-جو ایلده ایکینجی بالکان ساواشی باش وردی. بۇ مۆحاریبه‌ده صربیستان، یونان، رومانی و عثمانلیلار بولغاریستانین اۆزرینه هۆجوم ائده‌رک اوْنو مغلوب ائتدیلر. آدریاتیک دنیزی اۆزرینده داغ‌لیق اؤلکه اوْلان آلبانی اساساً موسلمان اهالی‌سینه مالیک اوْلماقلا برابر هم ده آوروپانین ان گئری‌ده قالمیش بؤلگه و ایدی. صربلر هر ایکی بالکان مۆحاریبه‌سین‌ده اوْنون بیر حیصّه سینی ایشغال ائتدیلر، لاکین یونانلار دا اوْنون دیگر حیصّه سینه ادعا ادیردیلر. صۆلحو قورویوب ساخلاماق اۆچون بؤیوک دؤولتلر موستقیل آلبانی کراللیغینین یارانماسینین طرفداری ایدیلر. بالکان مۆحاریبه‌لری دؤیوشن بۆتون طرفلری مۆحاریبه‌نین نتیجه‌لرین‌دن ناراضی سالدی، بۆتون بونلار ۱۹۱۴-جو ایلده صرب میللت‌چیلری طرفیندن اوتریش تاختینین ولی عهدی هرسوق فردیناندین اؤلدورولمه‌سی و بیرینجی دونیا ساواشینین باشلانماسی ایله نتیجه لندی.
_cholera_patients_arriving.png)
2.jpg)
