آریستوْکراتییا

ویکی‌پدیا، آچیق بیلیک‌لیک‌دن
پرش به ناوبری پرش به جستجو

Aristocracy یا آریستوْکراتییا - (یۇنانجا -آریستوس-یاخشی، عالیجناب + کراتوس-حاکمیت)- دؤولتی ایداره ائتمه فوْرمالارین‌دان بیری، دؤولت حاکیمییتین‌ین ایمتیازلؽ کۆبار آزلؽغؽن الین‌ده جمعلشدیگی ایداره‌چی‌لیک فوْرماسؽدؽر.

حاققؽن‌دا[دَییشدیر]

تاریخی ادبیات‌دا آریستوْکراتییا تئرمینی ان چوْخ آشاغؽداکی واریانتلاردا ایضاح اوْلۇنۇر: ۱.جمعیتین ایمتیازلؽ طبقه‌لری، تانؽنمؽش نسلین نماینده‌لری (رومادا پاتری‌سیلر، روسییادا بویارلار، زادگانلار، پولشادا پانلار، شلیاختاچؽلار، آذرجایجان‌دا خانلار، بیگلر، آغالار و باشقالاری). ۲.دؤولت ایداره ائتمه فوْرماسی-بۇرادا عالی حاکیمییت تانؽنمؽش نسلین نماینده‌لرینه مخصوص‌دۇر. آنتیک سیاسی فیکیر تاریخین‌ده آریستوْکراتییا پلاتون و آریستوتئل طرفین‌دن ایداره ائتمه فوْرماسی کیمی تحلیل ائدیلمیش‌دیر، اوْنا ان یاخشؽ ایداره ائتمه نؤع کیمی باخمؽشلار. بۇ زامان حاکیمییت اصیل‌زاده‌لرین الین‌ده جمعلشمیش اوْلۇر. بۇ ایداره‌چی‌لیک فوْرماسی قۇلدارلؽق جمعیتین‌ده مؤوجود اوْلمۇش‌دۇر. آنتیک دؤورلرده ایلک دفعه قدیم رومادا، ایسپارتادا بۇ کیمی ایداره ائتمه فوْرماسی مؤوجود اوْلمۇش‌دۇر. ۳. آریستوْکراتییا آنلایؽشی مۆعاصیر دؤورده عقلی و معنوی اۆستۆن‌لۆیۆ اصالان‌دؽران ائلیتیست قاورام کیمی ده قبۇل اوْلۇنماق‌دادؽر.