احمد ذکی ولیدی توغان

ویکی‌پدیا، آچیق بیلیک‌لیک‌دن



احمد ذکی ولیدی توغان
Zeki Velidi Togan monument SPb.jpg
آیری آدلار احمد ذکی احمدشاه اوغلو ولیدوْو
قیسا بیلگی تاریخچی، یازیچی و سیاستچی
میللیت تورک
تحصیل وین بیلیم یوردو (فلسفه دوکتورلوغو)
دوْغوم تاریخ ۱۸۹۰-جی میلادی ایلین دسامبر آیینین اونوندا
دوْغوم یئر باشقوردیستانین کؤزنینده (بو گونکی ایشیمبایسکی رایونو)
اؤلوم تاریخ ۱۹۷۰-جی میلادی ایلین جولای آیینین ۲۶-سی (۷۹ یاشدا)
اؤلوم یئر تورکیه، ایستانبول

احمد ذکی ولیدی توغان (باشقورد تورکجه‌سی: Әхмәтзәки Вәлиди Туған) ایگیرمینجی یوز ایللرین بؤیوک تاریخچی‌سی[۱]، یازیچی‌سی و فیلسوفی دیر. ولیدی توغان تورکولوژونون آدلیملاریندان[۲] دیر و باشقیر تورکلرینین اینقیلابیندا و قورتولوش ساواشیندا باشچی‌لیق ائدنلردن ایدی.

یاشاییشی[دَییشدیر]

ولیدی ایلک تحصیل چاغیندا روس دیلین اؤرگشمگه باشلادی، آناسی یانیندا فارسجانی و اورتا مکتبده، دایی‌سی حبیب نجارین مدرسه‌سینده عربجه‌نی اؤرگشدی. ۱۹۰۹-جی ایلدن باشلایاراق ولیدی قازاندا مدرسه‌لرده اؤگرتمن‌لیک ائدیب، ۱۹۱۵-جی ایلدن ایکی ایل بویونا دومانین موسلمان میلّت وکیللریندن حیمایت ائدن دفترین اۆیه‌سی اولدو. ۱۹۱۱-جی ایلین سونوندا تورک و تاتار تاریخی کیتابین یازماقلا آدلینلاشدی. تحقیق اوچون ۱۹۱۳-جی ایلده فیرغانایا و ۱۹۱۴-جی ایلده بوخارایا گئدیب، فیرغانادا یوسیف خاص حاجیب یازان قوتادغو بیلیک کیتابینین بیر ال یازماسین تاپدی. ولیدی ۱۹۱۷-جی ایلده میلّت مجلیسینه سئچیلیب شریف ماناتوْولا بیرلیکده باشقورد شوراسینا اساس قویدی. اورتا آسیادا باسماچی قالخینیشینین و تورکوستان میلّی بیرلیگینین باشچی‌لاریندان ایدی. توغان ۱۹۲۵-جی ایلده حمد الله صبحی، فؤاد کؤپرولو، ریضا نور و یوسوف آق‌چوْرا چاغری‌سی ایله تورکیه‌یه گئتدی.

قایناقلار[دَییشدیر]

  1. Censorship and History:1914-1945:Historiography in the Service of Dictatorships, Antoon De Baets,The Oxford History of Historical Writing: Volume 4: 1800-1945, ed. Stuart Macintyre, Juan Maiguashca and Attila Pók, (Oxford University Press, 2011), 138, 147.
  2. Literary History: Towards a Global Perspective: Notions of Literature Across Times and Cultures, Vol.1, ed. Anders Pettersson, (Gmbh & Co., 2006), 299.