ال یازما

ال‌یازما ـ تاریخی و ادبی دَیَری اولان ال ایله یازیلمیش کیتاب، سند، نامه و باشقا یازی شَکیللری.

اورتاآسیا تورکلری اَلیازما اصطلاحی یئرینه، گئنل‌لیکله قوْل‌یازما عنوانینی قوللانیرلار.

محمد فضولی دیوانیندان بیر ال یازما

تۆرکجه ال یازمالار

تۆرکلرین اۆچ قاره‌ده حاکمیتلری اۆچون تۆرکجه ال یازمالار آسیا، آفریقا و اوروپا کیتابخانالاریندا و ال یازما مجموعه‌لرینده ساخلانیر. بو ال یازمالارین بیر قیسمی ایران کیتابخانالاریندا (ملّی کیتابخانا، مجلیس کیتابخاناسی، آستان قدس رضوی کیتابخاناسی و ...) موجود دور. ایراندا تۆرکجه ال‌یازمالارین تانیماغیندا بؤیوک مۆشکوللرین بیری، بو یازمالارا کاتالوق یازانلارین تۆرکجه باشارمایانلارا تاپشیریلماسی ساییلیر.

ایران کیتابخانالاریندا تۆرکجه الیازمالارین سایی

ایران کیتابخانالاریندا ساخلانیلان تۆرکجه اَلیازمالارین سایی ۵۰۰۰ اَلیازمادان آرتیق تخمین ائدیلیر. بو اَلیازمالارین بیر بؤلوْمۆ شادی آیدین‌ین یازدیغی ایران کیتابخانالاری تۆرکجه یازمالار کاتالوْغوندا تانیتدیریلمیش. بیر بؤلوْمۆنون ده دئتایلاری یوسف بیگ‌باباپورون یازدیغی، دونیا کیتابخانالاریندا تورکجه یازمالار کاتالوغوندا وئریلمیش.

ایراندا ساخلانان تۆرکجه ال یازمالارین موضوعلاری

ایراندا ساخلانان تۆرکجه ال یازمالار موضوع اساسیندا بو بؤلوملرده دیرلر:

1. ایسلام
2. عیرفانلا فلسفه
3. ادبیات
4. تاریخ ایله جوغرافی
5. طب
6. نوجوم

ائشیگه باغلانتی

• تۆرکیه بؤیوک ملّت مجلیسی، کیتابخانا و آرشیو باخانلیغی
• ایران مجلیس کیتابخاناسینین دیجیتال ال یازمالار آرشیوی Archived 2016-11-21 at the Wayback Machine.
• آستان قدس رضوی کیتابخاناسینین دیجیتال ال یازمالار آرشیوی Archived 2016-11-22 at the Wayback Machine.
• ایران ملّی کیتابخاناسینین دیجیتال ال یازمالار آرشیوی Archived 2013-10-22 at the Wayback Machine.