قۇتلوق ایلتریش خاقان — ایکینجی گؤی تورک خاقانلیغینین ایلک خاقانی. ایللیگ خاقانین نسلیندن گلیردی. 681-جی ایلده اۇيغورلارا هۆجوم ائدهرک اوْنلارین يئرینی تۇتموش، 17 سرکرده ایله بیرلیکده 5000 عسگر توْپلامیش و چینه قارشی مۇحاریبهيه باشلامیشدی. 679-جۇ ایلده عصیانا قالخمیش اوْلان آشیدئ يۇانچژئنی مغلوب ائتمیشدی. ایلک ایشی چینین طرفینی تۇتان تۆرکلره هۆجوم ائتمک اوْلان ایلتریش 7 اوْغوز طایفهسینی مغلوب ائتمیشدی. داها سوْنرا آشیدئ يۇانچژئن ده اوْنون طرفینه کئچمیشدی. 683-جۆ ایلده چین والیسی وان دئمئونو اعدام ائدهرک حاکمیتینی اعلان ائتمیش، کنياز قۇی يۇان اوْنلاری ساخلايا بیلسه ده ایلتریشین اوْردولاری دؤيوشلرده چینه آغیر ضربهلر وۇرموشدو. بئله کی، تۆرک توْرپاقلارینین والیسی چژان خینشی، لی سیکيان اؤلدورولموش، ژنرال چۇی چژیبيان ایسه اسیر گؤتورولموشدو.
- آذربایجان جۆمهۇریتی تۆرکجهسی ویکیپدیاسینین ایشلدنلری طرفیندن یارانمیش«İltəriş xaqan»، مقالهسیندن گؤتورولوبدور. (۱۹ اوْکتوبر ۲۰۱۷ میلادی تاریخینده یوْخلانیلیبدیر).
