سوباتان

ویکی‌پدیا، آچیق بیلیک‌لیک‌دن
پرش به ناوبری پرش به جستجو
سوباتان

سوباتان (لاتین الیفبادا: SuBatan) — آذربایجانین تالیش داغلارینداکی یئرلشن بیر گؤزل یایلاق دیر. سوباتان اردبیل اوستانینین هیر بؤلومونده اوْلان نوئور گؤلونون گونئی‌دوغوسوندا یئرلشیب و بو گؤل‌دن ۱۷ کیلومتر فاصیله‌سی وار، هابئله تالیش بؤلگه‌سینین لیسار بؤلومونون قوزئی‌باتی‌سیندا یئرلشیب و لیساردان ۲۵ کیلومتر فاصیله‌سی وار. سوباتان دنیزلره نیسبت، ۱۹۰۰-۱۹۷۰ مئترلیک هوندورلوکده (اوجالیق‌دا) دیر. سوباتانین کندی‌ده سوباتان یایلاغی‌نین قونشولوغوندادیر. سوباتان قونشولوغوندا نئچه بالاجا مئوسیملیک (فصلی) اوبا واردیر، یایلار دولار قیشلار بوشالار. اوبالار دان قوری‌دره، بین یوردی قالاسی، گنج‌خانا، ورزان، گزنه هونی و ... دن آد آپارماق اولار. سوباتان دا یاشایانلارین چوخونلوغو آذربایجان تورکلری دیرلار و یایلاردا اوردا مال حئیوان ساخلاماقلا چالیشارلار. سون ایللرده سوباتان دولانمالی (توریستی) بیر یئر تانینیر و داها مشهور اولماغا گؤره ، سوباتاندا یایلیق بیر بازار آچیلیب و دولانماق صنعتی‌نین یاخشی گلجه‌یی اولابیلر.

آد

سوباتانین آدی ایکی تورکجه سؤزجوک‌دن عیبارت اوْلور؛ سو + باتان. سوباتان یایلاغیندا چوخلو بولاق‌لار وار و بۇ بولاق‌لارین سویو یئر اۆزونده جریان تاپان‌دان سوْنرا یئر ایچینده باتیر، بو سببلره گؤره بۇ یایلاغی سوباتان آدلاندیریبلار.[۱][۲]

سوباتانین دولانمالی و گؤرمه‌لی یئرلری

  • باتمان‌بولاق، سوباتان و آسبومار آراسیندا یئرلشیب
  • سوباتان بازاری
  • اسکی دؤنملردن قالمیش گنجخانا کؤهولو
  • لیساردان باش چیخاردان سالسال قاناتی (کانی) نین باش‌بولاغی
  • آت چاپدیرما آلانی
  • سوباتان ۴ کیلومتر باتی‌سیندا اولان ورزان شلاله‌سی
  • ماهار شلاله سی
  • ساری‌بولاغ دا یئرلشن کاندی کئت و اوردا کی داشلی قویولار

یئرلی یئمکلر

آذربایجانین باشقا یئرلری کیمی، سوباتان دا یئمه‌لی و گلنکسل اؤزل غذالار واردیلار: پندیر ویسوج، قوورما، سوجا دیله، قورتماج، سیرجینا، کله پیلو، پته، قوزلی بیریان، و ...

گؤرۆنتۆلر

سوباتان دوغاسینا تهلوکه‌لر

سوباتان گون گونه آدلیملانماسی و اردبیل اوستانینه گلن دولانان و توریستلرین چوخالدیغینا گؤره ، سوباتانا گؤزله نیلمز سایی دا گزنلر گلیر و اورداکی توریسم آلت یاپیمی‌نین اولمادیغینا گؤره ، سوباتان چؤللرینه حددن آرتیق آشقال و پلاستیک قالینتیلار تؤکولور و بو منطقه‌نین دوغاسینا (طبیعتینه) بؤیوک بیر تهلیکه یاراتمیشدیر.

قایناقلار


اتک‌یازی