صادق ضیاء نقدهی

صادق ضیاء نقدهی
آد	صادق ضیاء نقدهی
قیسا بیلگی	شاعیر
دوْغوم تاریخ	۱۳۰۱ گونش ایلی سولدوز
اؤلوم تاریخ	۱۳۷۸ گونش ایلی
میللیت	ایران تورکلریندن
تحصیل	ادبیات لیسانسی

صادق ضیاء، ضیاء تخلوصلو سولدوزلو شاعیر، موعلیم.

یاشاییش و تحصیل

رحمتلیک صادق ضیاء ۱۳۰۱-نجی گونش ایلی نقده شهرینده دونیایا گلدی. مقدماتی تحصیلاتینی مکتبخانادا باشلایاراق ۱۳۱۵-ده ابتدایی دؤوره‌نی بیتیررکن منطقه‌ده دبیرستانین اولمادیغینا گؤره تحصیلدن دایاندی. ۱۳۱۹-نجو ایلده سولدوزون فرهنگ اداره‌سینه استخدام اولاراق نقده و اورمودا مۆعلیم‌لیک وظیفه‌سینی داشیدی. او همین اثنادا تحصیلدن دایانماییب ۱۳۴۴-نجو ایلده تبریز دانیشگاهیندان ادبیات لیسانسین آلماغا نایل اولدو. ۳۷ ایل صادقانه خدمتدن سونرا ۱۳۵۶-دا تقاعد مقامینا چاتدی. یاشاییشی بویوندا شعره و ادبیاتا علاقه بسله‌ین رحمتلیک ضیا یئری گلدیکجه شعر یازماق ایله ده مشغول اولموشدور.

شعرلریندن نومونه‌

چرخین دؤورانی

وارلیغا قیل بیر تاماشا

اجل آز قالیر یاناشا

گۆن دیواردان قالخیر آشا

آمّا زامان چیخماز باشا

بیز دونیادا اوْلمایاندا.

چرخ گینه دؤورون وورار

فلک قورغوسونو قورار

بیرین قوزار بیرین وورار

اوجا داغلار گینه دورار

بیز دونیادا اوْلمایاندا.

گۆنش عالملره ساچار

قان صفت لاله‌لر آچار

گینه جیران داغدا قاچار

اوْوچو ترلان کهلیک اوچار

بیز دونیادا اوْلمایاندا.

گینه چمنلر گۆل‌له‌نر

گینه گۆللر بۆلبول‌له‌نر

صدفلی سازلار دیلله‌نر

زخمه‌ده سؤزلر بلله‌نر

بیز دونیادا اوْلمایاندا.

قایناقلار

- شعر تونقالی، ۱۰۰نفر غربی آذربایجانین چاغداش شاعری. توپلایان بهرام اسدی، اورمیه، بیرینجی چاپ۱۳۸۱، صص ۱۶۹-۱۷۰.