بهرام اسدی
 | بیلیکلیکین بیرلشدیرمهسینه کؤمک ائتمک اۆچون بو مقاله-دن دیگر مقالهلره داها چوْخ باغلانتی لازیمدیر. (مئی ۲۰۱۷) |
بهرام اسدی، اورمیه لی یازار، آراشدیرماچی و شاعیردیر. بهرام اسدی، اورمیه ده هم ده "یاز" یایین‌ائوی‌نین مدیریدیر.[۱]
یاشاییشی و ادبی چالیشمالاری
[دَییشدیر]بهرام اسدی، ۱۳۴۳-نجو گونش ایلی اورمودا دوغولوبدور. ایلک و اوْرتا تحصیلاتینی بۇ شهرده بیتیرندن سوْنرا تربیت مۆعلیم تحصیلی آلیب ۱۳۶۵-دن بویانا مۆعلیم اوْلوبدور. قاباقجادان آرا-سیرا یازیلاری اولسا دا ۱۳۶۴-دن جدّی شکیلده یازماغا دؤنوب و او زاماندان بری بیر چوْخ شعرلر و مقاله‌لرین مؤلفی اوْلوبدور. اثرلری مۆختلیف نشریه‌لرده چاپ اوْلوب و اونلاری توپلوم حالدا کتابلارینا توپلاییب. ۸ ایل بویوندا(۷۰-۷۷) اورمونون شعر و ادبیات درنه‌گینین هیئت امنا عضوی و او درنه‌گین آپاریجیسی کیمی چالیشیبدیر. چاغداش تۆرکجه یازانلارین چوخو ایله علاقه‌سی اوْلوب و اونلاری یاخیندان تانی‌ییب، اونلارلا گؤروشوبدور. او، بیر چوْخ ادبی- هنری برنامه‌لرده بولونوب چیخیش ائدرک، بیر نئچه اورمو نشریه‌سینده تۆرکجه صحیفه آچیب نئچه ایل اونلاری دولدوروبدور. اورمونون رادیو- تلویزیونو ایله أمکداشلیق ائدیب و چوخلو برنامه‌لرینده آپاریجی، یازان، کارشناس و مشاور کیمی فعالیت ائتمیشدیر. بهرام اسدی ۱۳۸۲-نجی ایلدن یاز نشریاتین یولا سالیب و بۇ نشریاتدا اؤزونون و آیری یازارلار و شاعیرلرین اثرلرین نشر ائتدیرمیشدیر.[۲] بهرام اسدی، گنج شاعیر احمد اسدینین آتاسی دیر.
چاپ اولونموش اثرلری
[دَییشدیر]۱- آختاریش لار و آراشدیرمالار
۲- آذربایجان اوْغلویام (شعر توپلوسو)
۳- آذربایجان بایاتیلاری(کؤچورمه)
۴- آذربایجانین آشیق داستانلاریندان
۵- آشیق مکتبینده (شعر توپلوسو)
۶- اوچوروم (شعر توپلوسو)
۷- اولینهای ادبیات آذربایجان
۸- ایران آشیقلاری
۹- ایل آخیر چرشنبه‌لر (کؤچورمه)
۱۰- باباطاهرین دیوانی (ترجمه)
۱۱- تۆرکجه‌‌نی قورویاق (رسم‌الخط)
۱۲- حیوانلاری تانییاق (اوشاق شعرلری)
۱۳- دده قورقوت داستانلاری (۴ جلد)
۱۴- دده‌میز قورقوت(۱۲ داستانین متنی)
۱۵- دونیا تقویم‌لری و تورک تقویمی
۱۶- دویغولارین بندی (شعر توپلوسو)
۱۷- شعر تونقالی(۱۰۰ نفر غربی آذربایجان شاعیرلری)
۱۸- شعرلر و شاعیرلر(شعر توپلوسو)
۱۹- عرفان مجلسینده (شعر توپلوسو)
۲۰- علی علیه‌السلامین دیوانیندا اخلاقی نؤکته‌لر(شرح و ترجمه)
۲۱- غمنامه(شعر توپلوسو)
۲۲- کلاس شعر
۲۳- گون چیخدی (اوشاق شعرلری)
۲۴- لیریک شعرلر
۲۵- مجموعه مقالات
۲۶- مقاله‌لر
۲۷- موللا پناه واقف دیوانی
۲۸- موللا ولی ودادی دیوانی
۲۹- نسیمی دیوانی
۳۰- یاشیل بایراغین آلتیندا (شعر توپلوسو)
۳۱- یاغدی یاغیش‌لار (اوشاق شعرلری) [۳]
بیر شعر نمونه‌سی
[دَییشدیر]ایللر بیزه گؤر نئیله‌دی
زامان قوجالمیسان دئدی
ایللر بیزه گؤر نئیله‌دی
عؤمروموزو اودوب یئدی
ایللر بیزه گؤر نئیله‌دی
قار یاغدیردی باشیمیزا
اون سپدیردی قاشیمیزا
ایل آرتیردی یاشیمیزا
ایللر بیزه گؤر نئیله‌دی
باهاریمیز اوْلدو پاییز
عؤمروموزدن قالدی فاییز
ای ایللریم، آزدی ساییز
ایللر بیزه گؤر نئیله‌دی
آلنیمیزا سالدی قیریش
یول گئدیریک قاریش-قاریش
حاضرلاش اجل‌له باریش
ایللر بیزه گؤر نئیله‌دی
اللریمیز اسیر داحی
گؤز بیلمه‌ییر مسیر داحی
ایللر بیزی کسیر داحی
ایللر بیزه گؤر نئیله‌دی
ایللر بیزه آغارتدی گؤز
آغزیمیزدا یول آزیر سؤز
اؤزگه گؤرسنیر بیزه اؤز
ایللر بیزه گؤر نئیله‌دی
ائللر بیزه خوجا دئدی
گئده‌جکسیز حاجا دئدی
ایللر بیزه قوجا دئدی
ایللر بیزه گؤر نئیله‌دی.
قایناقلار
[دَییشدیر]
.jpg){kind=small} | بو تورک ادبیاتی ایله باغلی مقاله، بیر قارالاما مقاله دیر. بونو گئنیشلندیرمکله ویکی‌پدیایا کؤمک ائده بیلرسینیز. |
- Articles with too few wikilinks from مئی ۲۰۱۷
- All articles with too few wikilinks
- Articles covered by WikiProject Wikify from مئی ۲۰۱۷
- All articles covered by WikiProject Wikify
- آذربایجان تورکجهسینین ادبیاتی
- تورک ادبیاتی قارالامالاری
- آذربایجانلی شاعیرلر
- اورمولو شاعیرلر
- اورمیهده دوغولانلار
- اورمیهلیلر
- بؤلمه:تورک یازیچیلار
- تورک شاعیرلر
- کیمسهلر