عربیستان یاریم آ‌دا‌سی

ویکی‌پدیا، آچیق بیلیک‌لیک‌دن

عربیستان یاریم آ‌دا‌سی ((عربجه: شبه الجزيرة العربية‎))- جنوب-غربی آسیادا یاریم‌آدا. ساحه‌سینه گؤره دۆنیا‌دا ان بؤیوک یاریم آدا‌دیر.


شرق‌ده فارس خلیجی و عومان کؤرفزی، جنوب‌دا عرب دنیزی و عدن کؤرفزی، غرب‌ده قیزیل دنیز ایله کاپسام اوْلونوب.

ژئولوژی جهت دن یاریما‌دا یئرین عرب طبقه‌سینی تشکیل ائدیر. واختی ایله اوْ آفریقا کونتیننتال کۆتله‌نین بیر قیسمه تینی تشکیل ائدیب. عربیستان یاریم آدا‌سی تماماً صحرالارلا اؤرتولوب. اوْنون شیمال حیصّه ‌سینده نفود، جنوب حیصّه ‌سینده ایسه روب ال-خالی صحرالاری یئرلشیر.

عربیستان یاریماداسیندا و اطرافین‌داکی آدالاردا عربیستان، یمن،عومان، ایمارات، بحرئین، قطر، کویت یئرلشیر. یاریم آدایا یاخین اراضی‌ده میصر، ايسرائيل، اوردون و عراق یئرلشیر.

جوغرافی خۆصیّتلری[دَییشدیر]

عربیستان یاریم آدا‌سی آسیا قیطعه‌سینین جنوب-غربینده بؤیوک یاریم آدا اوْلماقلا آسیا‌دان ایران کؤرفزی واسطه‌سی‌له آیریلیر. بۇ یاریم آدا هیند اوقیانوسینین بیر حیصّه ‌سینی و اوْنونلا علاقه دار سوریه-عربیستان صحرا‌سینی بیرلشدیریر. عربیستان یاریم آدا‌سی، عربیستان دنیزی، قیرمیزی دنیز و ایران کؤرفزی ایله اۆچ طرف‌دن کاپسام اوْلونوب. عربیستانین ساحه‌سی سینای یاریما‌دا‌سی و سوریه سرحدلری‌نین داخیل ائتمک‌له ۳.۱۵۸.۰۰۰ km²-دیر. بۇ دا آوروپا قیطعه‌سینین اراضیسینین ۲۵%-نه برابردیر. یاریما‌دانین بؤیوک حیصّه ‌سی صحرا‌دیر. یاشیل واهه‌لر و محصولدار توْرپاقلار چوْخ آزدیر. عربیستان‌دا هئچ بیر بؤیوک چای یوْخدور.چونکی حَددیندن آرتیق قیزان قوم سولاری تئز قۇرودور. عربیستان‌دا ائله ایللر اوْلور کی، هئچ یاغیش یاغ‌میر. عربیستان‌دا ان محصولدار توْرپاق ساحه‌لری یمن‌ده، قیرمیزی دنیزین جنوب-غرب ساحللرینده یئرلشیر. اوْنا گؤره بۇ ویلایت همیشه محصولدار و اها‌لی‌سی چوْخ اوْلموش‌دور.