یئر
یئر یا دا یئرکوره‌سی (لاتینجه: Terra) گونش سیستمینده گونشه ان یاخین اوچونجو سیارهدیر. گونش سیستمینده‌کی بئشینجی بؤیوک سیّاره‌دیر. زهره و مریخ سیّاره‌لرینین آراسيندا يئرلشیر. حیاتین اولدوغو بیلینن تک سیّاره‌دیر. یئرین سطحی ۵۱۰ میلیون موربع کیلومتردیر. بونون ۳۶۲ میلیون موربع کیلومتری و یا ۷۱ %-ی اوقیانوس، ۱۴۸ میلیون موربع کیلومتری و یا ۲۹ %-و قورو اراضیلرین پایینا دوشور[۱]. یئر سطحینین شومال یاریمکوره‌سینده قورولوغون ساحه‌سی عومومی اراضینین ۳۹.۴ %-و، سویون ساحه‌سی ایسه ۶۰.۶ %-سینی تشکیل ائدیر. جنوب یاریمکوره‌سینده قورولوغون ساحه‌سی ۱۹ %، سویون ساحه‌سی ایسه ۸۱ % دیر. قورولوغون ساحه‌سی قوزئی یاریمکوره‌سینده گونئی یاریمکوره‌سینه نیسبت ۱۰.۴ % آرتیق‌دیر. سویون ساحه‌سی ایسه عکسینه، قوزئی یاریمکوره‌سینده گونئی یاریمکوره‌سینه نیسبت ۱۸،۴ % آزدیر. یئر سطحینده سو ایله قورو غئیری-برابر پایلانماقدان باشقا، قوزئی و گونئی یاریمکوره‌لرینده ده غئیری-برابر پایلانمیشدیر.[۲]
یئر کوره‌سینین یارانماسی[دَییشدیر]
ائدیلن آراشدیرمالار نتیجه‌سینده یئرین یاشی ۴،۴۶۷ میلیارد ایل اولاراق حسابلانمیشدیر و عؤمرونو اوّلدن تاماملامیش بیر جاوان-تیپ اولدوزون داغیلمیش آرتیقلارینین و اولدوزلار آراسی مادّه‌نین بیر مرکز اطرافیندا دؤنه‌رک گئتدیکجه یوغونلاشماسییلا مئیدانا گلمیشدیر.
قایناقلار[دَییشدیر]
اینگیلیسجه ویکی‌پدیاسی‌نین ایشلدنلری طرفیندن یارانمیش«Earth»، مقاله‌سیندن گؤتورولوبدور. (۵ اوْکتوبر ۲۰۱۵ تاریخینده یوْخلانیلیبدیر).
