عظیم عظیم زاده
| عظیم عظیم زاده | |
|---|---|
 | |
| قیسا بیلگی | آذربایجان کاریکاتور صنعتی‌نین بانیسی |
| دوْغوم تاریخ |
7 آپرئل 1880 باکی‌نین نوْوخانی کندی |
| اؤلوم تاریخ |
15 اییون 1943 باکی |
عظیم‌زاده عظیم آسلان اوغلو (7 مای1880-15 اییون 1943)- آذربایجانلی رسّام، آذربایجان خالق رسّامی(1927)، امک قهرمانی01927)، آذربایجان کاریکاتورا صنعتی‌نین بانیسی.
یاشاییشی[دَییشدیر]
عظیم عظیم‌زاده 1880-جی ایلین آپرئل آییندا نوْوخانی كندینده آنادان اولموشدور. یارادیجیلیغی بویو عصرلردن بری فورمالاشان تبریز آذربایجان مینیاتور مكتبی‌نین و روس رسّاملیق مكتبی‌نین عنعنه‌لریندن بهره‌لنمیشدیر. رسّاملیغا مشهور " موللا نصرالدین " ژورنالیندا اؤز اثرلرینی درج ائتدیرمكله باشلامیشدیر. 1906-جی ایلدن " موللا نصرالدین " ، " بارابان " ، " زنبور " ، " طوطی " ، " كل نیت " و سایر ژورناللارین صحیفه لرینده ساتیریك قرافیك كاریكاتورالارینی نشر ائتدیرمكله آذربایجان ساتیریك قرافیكاسی نین اساسینی قویموشدور.
عظیم زاده نین اثرلری نین اساس مؤعوضوسونو سوسیال تضادلار، عادتلر و خالقین معیشتی تشكیل ائدیردی. جمعیتین موختلیف طبقه‌لری نین منفی عونصورلری - خسیس تاجیرلر، شارلاتانلار اونون ساتیریك قلمی نین هدفینده اولوردولار.
او، اؤز اثرلرینده منفی صورتلری گاه كسرلی یومور، گاه یومشاق كینایه ایله كسكین ساتیرا آتشینه توتوردو. چكدیگی " ایت بوغوشدورما " ، " كیشی آروادینی دؤیور " ، " وارلی ائوینده توی " ، " سو اوستونده داعوا " ، " كؤهنه باكی‌لی لار " كیمی اثرلرینده موختلیف سوسیال طبقه لره مخصوص تیپلرین ایچ اوزونو آچاراق عدالتسیزلیگه قارشی چیخیش ائدیردی. بو معنادا، او دؤورده جمعیتده كی سوسیال عدالتسیزلیكلری اؤزونده داها قاباریق عكس ائتدیرن " كؤهنه باكی تیپلری " و " 100 تیپ " اثری خوصوصیله تقدیره لاییقدیر.
ع.عظیم زاده ساتیریك شاعیر م.ع.صابیرین " هوپ هوپ نامه " سینه چكدیگی ایللوستراسییالارلا كیتاب قرافیكاسی صنعتی نین ده اساسینی قویموشدور. اونون تئاترلارا چكدیگی گئییم ائسكیزلری و دئكوراسییالار آذربایجان رسّاملیغی نین بو ساحه‌ده كی اینكیشافینا خوصوصی تكان وئرمیشدیر. اثرلری دونیانین بیر سیرا موزه‌لرینده نوماییش ائتدیریلن رسّامین ایلك فردی سرگیسی 1940-جی ایلده تشكیل اولونموشدور. باكیدا كئچیریلن بیرینجی سرگیده تاماشاچیلار رسامین 1200-دن چوخ اثرینه تاماشا ائده بیلمیشلر. 1920-1943-جو ایللرده ع. عظیم زاده آذربایجان رسّاملیق تئخنیكوموندا موعلّیم، 1932-1937-جی ایللرده ایسه دیرئكتور اولموشدور.
قالری[دَییشدیر]
قایناقلار[دَییشدیر]
|