عثمان باتور

ویکی‌پدیا، آچیق بیلیک‌لیک‌دن
(عوثمان باتور-دن يوْل‌لاندیریلمیش)
پرش به ناوبری پرش به جستجو
Osman Batyr (Islamuly)
Osman batur.jpg
دوْغوم 1899
Koktokay County, Altay Prefecture, سین کیانگ اویغور
اؤلوم ۲۹ آوریل ۱۹۵۱(1951-04-29)
اورومچی, سین کیانگ اویغور
تشکیلات [[File:|23x15px|border |alt=|link=]] Second East Turkestan Republic
 Mongolian People's Republic
 چین جومهوریتی (۱۹۱۲–۱۹۴۹)
ساواشلار

عثمان باتۇر (قازخجا. .Оспан батыр; وسپان باتیر; تورکجه: Osman Batur;چینجه: 欧斯曼·巴图尔;-) دوْغۇ تۆرکۆستاندا فعاليیّت گؤسترميش اينقيلابچي ایدی.

یاشاییشی[دَییشدیر]

عوْثمان باتۇر مۆستقيل‌ليک مۆجاديله‌سينه 1911-جي ايلده 22 ياشيندا باشلاييب. اصل آدي عوْثمان ايسلام‌اوْغلۇدۇر و قازاخ تۆرکۆدور. 1899-جۇ ايلده آلتايين گؤک‌توْغاي بؤلگه‌سينده دۆنيايا گليب. کيچيککن باباسيندان ديني تحصيل آليب. هله 12 ياشيندا ايکن آت مينمه‌سي، سيلاح تۇتماسييلا ديقّتلري چکيب. اوْ دؤنمين قهرمانلاريندان اوْلان بؤکئ باتۇر اوْنۇ دسته‌سينه گؤتۆرۆب.

ايکينجی دۆنيا مۆحاريبه‌سی دؤنمينده چينليلر دوْغۇ تۆرکۆستانا تضييقلريني آرتيريبلار. مسجيدلره هۆجۇم ائديب، اينسانلاري حاقسيز يئره کۆچه‌لرده گۆللله‌ييبلر. اعتيراض ائدنلره مين جۆر ايشگنجه وئريبلر. اۇيغۇرلارين عيناديني قيرماق اۆچون ائولره هۆجۇم ائديب، سيلاحلاري توْپلاييب، گۆناهسيز اينسانلاري حبسخانالارا آتيبلار.

عوْثمان باتۇر بۆتۆن بۇ حاقسيزليقلاري گؤزلري ايله گؤردۆکدن سوْنرا سيلاحا ساريليب. "بۇ گۆن سيلاحلاريميزي آلانلار صاباح دا جانيميزي ايسته‌يه‌جکلر" دئيه‌رک سيلاحيني تحويل وئرمه‌ييب، داغلارا چيخيب. چوْخ کئچمه‌دن اوْنۇن دسته‌سينه حاقسيزليقلا قارشيلاشميش ديگر تۆرکلر ده قوْشۇلۇر و چينليلره هۆجۇم ائتمگه باشلاييرلار. وۇر-قاچ تاکتيکاسييلا بۆتۆن آلتايي چينليلردن تميزله‌ييبلر. چوْخ قيسا زاماندا عوْثمان باتۇرۇن دسته‌سينده‌کيلرين سايي 30 مينه چاتير. 22 اييۇل 1943-جو ايلده عوْثمان باتۇر بۇلغۇن شهرينده قازاخ تۆرکلري‌نين خاني ائلان ائديلير. اوْ، اۇسانمادان، يوْرۇلمادان دۆشمنه قارشي مۆباريزه‌سيني داوام ائتديرير. بير مۆدّت سوْنرا ايسه مۆوقّتي آلتاي خالق جۆمهۇريتي‌نين پرئزيدئنتي سئچيلير.

چينده ايقتيدارا گلن کوْمۇننيستلر زنگين قيزيل ياتاقلاريني اله کئچيرمک اۆچۆن دوْغۇ تۆرکۆستانا تضیقي آرتيريرلار. بؤلگه‌يه مۆعاصير سیلاحلارلا تجهيز ائديلميش مينلرله عسگر گؤندريرلر.

اؤلۆمۆ[دَییشدیر]

عوْثمان باتۇر و عسگرلري 1949-جۇ ايلده دار بير داغليق بؤلگه‌يه سيخيشديريلير. يانيندا 3-4 مين آدامي قالير. چينليلر 1951-جي ايلده هۆجۇم ائده‌رک عوْثمان باتۇرۇن قيزي آزپايلا بيرليکده قادينلاري اسير آليرلار. عوْثمان باتۇر کامامبال داغي اطرافيندا چوْخ آز بير قووّه ايله چينليلره هوجۇم ائتسه ده، سیلاحلاري قۇتارديغيندان اسير دوشور. اوْنۇ تۇنک هۇانق شهرينه آپاريرلار. دۆشمن اوْ قدر آلچاقدير کي، ايگيدليکله موستقيل‌ليک مۆباريزه‌سي آپاران بير خالقين ليدئرينه حؤرمت گؤسترمير، عوْثمان باتۇرا ايشگنجه وئره‌رک شهرده گزديريرلر. 29 آپرئل 1951-جي ايلده اوللجه قوْللاريني و قۇلاغيني کسير، سوْنرا اعدام ائديرلر.

بۇنۇنلا دا ايش بيتمير. يئگانه قارداشي دليخان ايسلام اوْغلۇ، حيات يوْلداشي، 18 ياشلي قيزي، 14 ياشلي اوْغلۇ، آنالاري مامئي خاتۇنۇن گؤزلري قارشيسيندا دوْغراناراق اؤلدۆرۆلۆرلر.

دوغو تۆرکۆستانليلار 29 آپرئلي - عوْثمان باتۇرۇن شهيد اوْلدۇغۇ گونو "گونشين سؤندۆگو گۆن" آدلانديريرلار.

حقيقتاً ده بير ميلّتين آزادليقدان محرۇم اوْلۇنماسي گۆنشينين سؤنمه‌سي کيمي بير شئيدير. آمّا عوْثمان باتۇر کيمي ايگيدلر يئتيشديرن بير ميلّتين گۆنشي سؤنمه‌يه‌جک و موستقيل‌ليک آرزۇسۇ اصلا بيتمه‌يه‌جک.

قایناقلار[دَییشدیر]