قاچاق نبی

قاچاق نبی
آد	قاچاق نبی
دوْغوم تاریخ	1854 آشاغی موللو، قوبادلی،آذربایجان
اؤلوم تاریخ	12 مارس 1896
اؤلوم سببی	خیانت‌له اؤلدورولموش

قاچاق نبی (1854، آشاغی موللو، قوبادلی رایونو – 1896) — آذربایجانین خالق قهرمانی19. عصرین 2. یاریسیندا آذربایجاندا  " قاچاق حرکاتی " نین فعال ایشتیراکچیسی. 

یاشاییشی

  زنگه‌زور و ناخچیواندا قورخمادان پارتیزان ساواشی آپاران قاچاق نبی 1854-جو ایلده زنگه‌زور قزاسی نین آشاغی موللو کندینده (ایندیکی قوبادلی رایونونوندا) آنادان اولموشدور. 

     1896-جی ایلین مارس آییندا نبی کربلادان دؤنرکن تورکیه ایله ایران سرحدی آراسیندا اولان لارنی کندینده روس جاسوس‌لاری طرفیندن اوّلجه دن حاضیرلانمیش پوسقونون قوربانی اولموشدور. نبی‌نین خاطیره سی ایندی ده آذربایجان خالقی نین قلبینده یاشاییر. اونون قهرمان‌لیغینی عکس ائتدیرن داستان‌لار، نغمه‌لر، شعیرلر سؤیله‌نیلیر. 

عاییله‌سی

  نبی یوخاری موللو کندیندن اولان هجر خانیملا عاییله قورموشدور. هجر خانیم دا اؤز حیات یولداشی نبی ایله چیگین-چیگینه، آت بئلینده حاقسیزلیغا قارشی موباریزه آپارمیشدیر.     

  نبی‌نین حیات یولداشی هجر خانیملا یاناشی بالدیزی مهری خانیم دا بو موباریزه ده یاخیندان ایشتیراک ائتمیشدیر.   

  قاچاق نبی نین آتاسی آلی کیشی عاییله‌سینده کی  چتین‌لیک‌لری نظره آلاراق اونو آشاغی موللو کندینده کی  بیر وارلی‌یا موزدور وئریر. یئرلی مولکدار کندلی‌لرین تورپاق‌لارینی توتماق ایسته‌ییردی. نبی بونا دؤزمه‌ییب مولکدارا موقاویمت گؤستریر. بوندان سونرا قاچاق دوشور. اؤزو کیمی ناراضی کندلی‌لردن دسته دوزلدیر. اونون دسته‌سی ناخچیوان و زنگه‌زور قزالاریندا قاچاق‌لیق ائدیر. او، کندلی‌لری ظولومکارلاردان مودافیعه ائدیردی. مولکدارلارین وار دؤولتینی آلاراق کندلی‌لره پایلاییردی. آروادی هجرده قاچاق نبی نین سیلاحداشی ایدی. تزار حؤکومتی 20 ایل قاچاق نبی‌نین دسته‌سینی محو ائتمگه چالیشمیشدیر. لاکین مقصدینه نایل اولا بیلمه میشدی. سوندا 1896-جی ایلده مارسین 12-ده ساتیلمیش ایکی خاین غفلتاً نبی‌یه هوجوم ائده رک اونو اؤلدورموشدولر.    

عاییله‌سی 

  آتاسی – آلی کیشی 

  آناسی –مهری 

  قارداش‌لاری – مهدی، مجید 

  حیات یولداشی – هجر 

  اوشاقلاری –اسماعیل، خلیل، احمد، زینب، یحی

حاقیندا

•   قاچاق نبی داستانی، 1938 (ه.ه.طاهیروو). 
•  " قاچاق نبی "  داستانی، 1941 (اهلیمان آخوندوو). 
•  " قاچاق نبی "  داستانی، 1961 (ه.آخوندوو). 
•  " قاچاق نبی نین تاریخی " ، نشر: 2011 (بهلول بهجت). 
•  " قاچاق نبی "  پیئسی (سلیمان رستم). 

فیلموقرافی

•  " آتلاری یهرله‌یین (فیلم، 1985) "  

قایناق

•   حاجی نریمان اوغلو،  " ائلین بو گونونده گلیدین، نبی " ، آیدین‌لیق قزئتی، 1988. 
•   حاجی نریمان اوغلو،  " یادداش " ، گنج‌لیک ژورنالی، مای 1989. 
•   حاجی نریمان اوغلو، قوبادلی‌سیز 16 ایل،  " نورلان " ، 2009. 
•   بهلول بهجت، قاچاق نبی نین تاریخی، (وثیقه و سندلر اوزره)، باکی، چیراق، 2011، 288 سه 
•  " قاچاق نبی نین اؤلوموندن 115 ایل اؤتور "  مقاله سی، بوتؤو آذربایجان قزئتی. 16 مارت 2011. №09(97). ص.16. 
•  " تاریخی خالق قهرمانی – قاچاق نبی "  (ازرب.). qubadli-ih.gov.azسایت. 2015-10-09 تاریخینده آرشیولشدیریلیب. ایستیفاده تاریخی: 2015-10-09.