یئددی برکت

ویکی‌پدیا، آچیق بیلیک‌لیک‌دن
پرش به ناوبری پرش به جستجو

یئددی برکت آذربایجان تورکلرینین اوغوز و یا نوروز بایرامیندا حاضیرلادیقلاری بیر سوفره‌دیر و اسطوره تفککورو ساییلیر. [۱] [۲]

یئددی برکت ساییلانلار[دَییشدیر]

۱. گؤی برکتی: قرآن ایله آینا

۲. سو برکتی: سو ایله بالیق

۳. یئر برکتی: قووورغا، قوورلانمیش بوغدا و یا مرجی

۴. حئیوان برکتی: بویانمیش یومورتا

۵. آغاج برکتی: آلما، اییده (قیرمیزی بویالی اولمالیدیر)

۶. آل‌وئر برکتی: سیککه

۷. گؤیَرتی برکتی: گؤی گؤیرتمک [۳]

یئددی برکت ایله ائدیلن ایشلر[دَییشدیر]

1. قرآنی اوخویوب، آینایا باخارلار.

2. ایل دؤنمه‌میشدن اؤنجه، خالقیمیز بیرلیکده یاسین سورهسینی اوخویور و سویا پوفله‌ییرلر. ایل دؤننندن سوْنرا ایسه بو سویو ایچرلر. بو ایشله، سو برکتی انسان وجودونا گلر.

3. بوغدا ایله مرجینی قوووروب، ایل دؤنندن سوْنرا یئیرلر. سمنی حاضیرلایانلار ایسه سمنی یئیرلر. دئمک اولار، بونلاری یئمکله، یئر برکتی اینسانین وجودونا داشینار.

4. یومورتانی سویا سالیب، اوجاق اوستونده سویو قاینادارلار، سو قاینارکن، یومورتا بویالی اولسون دئیه، سویون ایچینه ده، بیر نئچه تئل، قیرمیزی سوغان قابیغی آتارلار. بو یومورتانی یئمکله، حئیوان برکتی انسانا داشینار.

5. آلما و اییده کیمی تر-تزه و قیرمیزی مئیوهلری یئمکله، آغاج برکتی انسانا گلیر.

6. سوفرهیه سیککه قویوب، سوْنرا ایلی باشاباش اونو ساخلاماق، آل‌وئر برکتینی آرتیرار دئیرلر.

7. گؤیرتی گؤیرتمک و سوْنرا ایل دؤنندن نئچه گون سوْنرا اونو چؤله آتماق، کئچن ایلدن یئنی ایله گؤیرمه‌نین آردیجیل اولماسینا اینانیلیر. [۴]

قایناقلار[دَییشدیر]

  1. وراوی سایتی
  2. 4بای، 4 فصل - ناصر منظوری -1393
  3. 4بای، 4 فصل، ناصر منظوری، 1393
  4. همین قایناق، صص 73-74