یاسوکند

یاسوکند
نقشه اوستونده یئری یاسوکند بیلگی‌لر
اساسی قویولوب	۱۳۷۲
اهالی	۴،۸۴۶ نفر (۱۳۹۵)
سوی و دیل	آذربایجان تورکجه‌سی
مذهب و دین	موسلمان شیعه

یاسوکند شهری کۆردوستان اوستانی و بیجار شهرستانینین شهرلریندن اوْلاراق کرانی بخشینین مرکزی دیر. کرانی بؤلومو قوُزئی‌دن تکاب بؤلگه‌سی، دوْغودان زنجان اوستانی، گۆنئی‌دن سیلیتان بؤلومو و باتی‌دان دیواندره بؤلگه‌سی ایله قوْنشودور.بوُ شهر ۱۳۸۵-جی ایلین آمارلاری‌نین اساسیندا ۳٫۸۴۶ نفر جمعیتی واریدی. بوُ شهرین خالقی آذربایجان تۆرکجه‌سینده دانیشیرلار.

آد

یئرلی اهالی بوُرا یاسی‌کند دئییرلر. یاسی یانی چوخور هابئله یاسلی آنلامیندا دا تعبیر ائدیب‌لر

خالق

دیل

یاسوکند شهری‌نین خالقی تۆرکجه دانیشیرلار.

سوی

بوتونلوکده کۆردوستان اوستانی‌نین دوْغو بؤلگه‌لرینده یئرلشن تۆرکلر باخیما گلن آوشار طایفالاریندان دیرلار کی ایندیلیکده بیجار شهرین قوُزئینده نئچه کنده مالیک دیرلر.

جمعیت

ایل	جمعیت
1331	3,000
1352	2,871
1385	3,846

یاسوکند شهرین ۱۳۸۵-جی آمارلاری‌نین اساسیندا ۳٫۸۴۶ نفر جمعیتی وار ایمیش هابئله سوُسوزلوق اثرینده بوُ شهرین جمعیتی ۷۰۰۰ نفردن ۳۰۳۰ نفره آزالیب‌دیر و خالقین تهران و زنجانا کؤچمه‌لری چوْخالیب‌دیر.

سیاست

ایندیلیکده یاسوکند بیجار بؤلگه‌سینین کرانی بؤلومونون مرکزی دیر.هابئله بیجار نوماینده‌سی بوُ شهرین شهریستان اوْلماغیندان خبر وئریب و او دئمیشکن یاسوکند شهریستانی ۱۰-جو دؤلتین سونوناکیمین قورولاجاق دیر. بوُ ایش هله گؤرونمَیب‌دیر. یاسوکند شهری‌نین جامع و تفصیلی طرحی ۱۲/۱۰/۷۸ده اوْلان هيأت وزيران، «شوراي‌عالي شهرسازي و معماري ايران» توپلانتی‌سیندا ۳-جو وزارت آبادانی و مسکن آدین مسکن شهرسازی دییشمه نین ایکینجی یاساسی‌ایلا ویزارتخانا الیله تعین و تصویب اولونوب.

شهر سورون‌لاری

ایجازه‌سیز تیکینتی‌لر

یاسوکند شهرینین اؤنملی سورون‌لاریندان بیری ایجازه‌سیز تیکینتی‌لردیر. بوندان باشقا آیری بیر پیس دوُروملار بوُ شهرین گئری‌ده قالماغینا داوام وئریر. هابئله بوُ شهرده جیب تئلفونون آنتن وئرمه‌مزلیگی و دیجیتال شبکه‌سی دیر.ائله‌جع بوُ شهرین یوْلو و ایشیغی اؤنملی سورون‌لاردان‌دیر کی بیجار بؤلگه‌سینین مسئول‌لاری اؤز وئردیگی سؤزلره عمل ائتمه‌ییب‌لر.

هاوا دورومو

هاوا باخیمیندان یاسوکندین هاواسی سوْیوق و داغلیق دیر. هاوانین اوْرتالاما درجه‌سی ان ایستی آی‌دا ۳۲ درجه اولاراق، ان سوْیوق آی‌دا ایسه ۶ درجه سانتیگیراددیر. یاغینتی باخیمیندان ایللیک یاغینتی‌ میقداری ۳۲۰ میلی‌متر و نیسبی روطوبتی ایل‌ده ۶۴٪ دیر.

ایقتیصاد و اکین

منطقه‌نین هاوا دوُرومونا باغلی اوْلاراق، بورادا اکینچیلیک دَمیَه‌دیر. شهرین مۆختلیف یئرلرینده و اطرافیندا ساحه‌لی اۆزوم باغلاری یئرلشیب‌دیر. بوُ باغلارین محصولو قوْنشو بؤلگه‌لره‌ده گؤندریلیر. بوُ باغلار شهر اهالی‌سینین ایقتیصادینا اؤنملی گلیردیر. یاسوکندین اۆزومو اوْ بیری‌سی منطقه‌لره گؤره یاخشی کئیفیتی وار. یاسوکندین اوزومدن باشقا اَن اؤنملی اکین محصوللاری بوُنلاردیر: بوُغدا، آرپا، اۆزوم، آلما، آرمود، اریک.

گؤرمه‌لی و تاریخی یئرلر

• عقیل ایمامزاده‌سی
• یاسوکند حامامی