باسدیرما
باسدیرما — اتین موختلیف ادویات و دوزلا قورودولماسی ایله حاضیرلانان یئمک. باسدیرما قدیم تورک یئمگی‌دیر. باسدیرمانین ایلک حاضیرلانیشی نین اورتا آسیا هون‌لارینا مخصوص اولدوغو بیلینیر.
تاریخی و اتیمولوژیسی
[دَییشدیر]باسدیرما تورک دیلینده گوجلو باساراق سیخما دئمکدیر.[۱]اورتا آسیادا یاشایان تورک‌لر آتین اتینی آیاق‌لارییلا سیخاراق باسدیرما حاضیرلاییردیلار. بو باسدیرمانین ایلک حاضیرلانیشی حساب اولونور. باسدیرما ان چوخ تورکیه‌نین قیصریه شهرینده حاضیرلانیلیر.[۲]
قورودولموش اتین تکنولوژیسی‌نین، اتین ارمنیستاندان چینه و هیندیستانا ایخراجی اوچون اینکیشاف ائدیلدیگینه اینانیلیر.[۳]بیزانس دؤورونده باسدیرما آپوْکت آدلانیردی.[۴] آپوْکت سؤزونون معناسی دوزلو ات دئمکدیر. شام‌دا ارمنی‌لر ان باجاریقلی باسدیرما دوزلدیجی‌لری کیمی تانینیر.[۳] [۵]
حاضیرلانیشی و ایستیفاده‌سی
[دَییشدیر]
باسدیرما ایلک اؤنجه دوزلانیر. داها سونرا سویلا یویولاراق 15 گون عرضینده قوروماغا قویولور. داها سونرا قان و دوز اتدن چیخاریلیر و اونا موختلیف ادویه‌لر وورولور. حاضیرلانیشیندا اساساً دوه، قوزو، کئچی و جامیش اتیندن ایستیفاده ائدیلیر.[۶]
باسدیرما بیر سحریئمگی اولاراق تورکیهده 22 نؤوعده مؤوجوددور. ان مشهورو قیصریه باسدیرماسی‌دیر.[۷]داها آز راست گلینن بالکان باسدیرماسی ساده‌جه دوزلانیر و قورودولور.[۸]
یونان‌دا قیصریه باسدیرماسی کاپادوکیا یونان‌لاری طرفیندن تانیدیلدی. یونان‌لار باسدیرمانی سوسیس کیمی بیشیریرلر.
عراق‌دا باسدیرما سحر یئمگی اوچون ایستیفاده اولونور، قیزاردیلمیش یومورتا ایله بیشیریلیر. عادتاً قصاب‌لار طرفیندن حاضیرلانیر.
اتک یازی‌لار
[دَییشدیر]- ^ Ramesh C. Ray, Montet Didie (August 21, 2014). Microorganisms and Fermentation of Traditional Foods. CRC Press. səh. 264. ISBN 9781482223088.
- ^ Georg Weber, Alfred Baldamus (1923): Lehr- und Handbuch der Weltgeschichte, II. cild. (Almanca).
- ^ ۳٫۰ ۳٫۱ David Underwood, Irina Petrosian: Armenian food. Fact, fiction & folklore. Second edition. Yerkir, Bloomington/IN 2006, p. 112-114f. ISBN 9781411698659. Access date 25 May 2016.
- ^ Andrew Dalby, Tastes of Byzantium. The Cuisine of a Legendary Empire. Tauris, London and New York 2010, p. 63, 71.
- ^ Bruce Kraig: Turkish American food. In: Andrew F. Smith (ed.): The Oxford encyclopedia of food and drink in America. Second edition. Oxford University Press, Oxford 2013, p. 502. Access date 25 May 2016. “When the Ottomans settled in Istanbul they also adopted a number of Byzantine dishes, one of which was a form of cured beef called paston and which the Turks called pastirma […] It became and remains a specialty of Kayseri in Cappadocia in west central Turkey.”
- ^ Maria Kaneva-Johnson: The Melting Pot. Balkan Food and Cookery. Prospect Books, 1995. ISBN 0-907325-57-2. p. 62
- ^ Sami Zubaida, Richard Tapper, Claudia Roden: A Taste of Thyme. Culinary cultures of the Middle East. Tauris, London and New York 1994, p. 35 & 39.
- ^ Wright, Clifford A. (2012-01-17). Best Stews in the World: 300 Satisfying One-Dish Dinners, from Chilis and Gumbos to Curries and Cassoulet. Harvard Common Press. ISBN 978-1-55832-787-0.