تاغار(اؤلچو بیریمی)

تاغار — چکی اؤلچو بیریمی.

عومومی معلومات

آز ایشلنن چکی بیریملریندن اولان تاغار، قایناقلاردان گؤروندوگو کیمی، آذربایجاندا اون دؤرد-اون سککیزینجی عصرلرده ائلخانیلر و خانلیقلار دؤورونده داها چوخ ایستیفاده اولونموشدور. تاغار و تاغارباشی آدلانان وئرگیلرین مؤوجودلوغو دا بو فیکری تصدیقله‌ییر. تاغاردان داها چوخ آرپا،بوغدا، داری، دویو و س. دنلی بیتکیلرین محصوللارینی اؤلچمک اۆچون ایستیفاده ائدیلمیشدیر.

آیری-آیری قایناقلاردا تاغارین ثابیت اولمادیغی گؤستریلیر؛ تاغارین تبریزده 295 ک‌ق-آ، شاماخی خانلیغیندا 400 ک‌ق-آ برابر اولدوغو، دیگر خانلیقلاردا ایسه 240-600 ک‌ق آراسیندا دییشدیگی آیدین گؤرونور. بعضی قایناقلاردا ایسه تاغارین کونکرئت اولاراق 83،2 ک ق-آ برابر اولدوغو حاقیندا بیلگیلر واردیر.

خالقیمیزین یادداشیندا "بیر تاغار داری‌نین یئرینده هرلنه بیلمیر" دئییمی وار. بیزجه، بو بیر تاغار توخوم سپیلن ساحه‌نی یوخ، بیچیلنده بیر تاغار محصول گؤتورولن ساحه‌نی گؤستریر و ساحه اؤلچوسو یوخ، یئنه چکی بیریمی یئرینده ایشله‌نیر. چونکی تاغارین ساحه اؤلچوسو کیمی ایشلندیگینه هئچ بیر قایناقدا راست گلینمیر.

قایناق

آذربایجان ائتنوقرافیاسی، باکی-2007، "شرق-غرب" نشریاتی. اوچ جیلدده. 3. جیلد. ص. 460. ایسبن 978-9952-34-152-2