ماشین آذربایجان فوتبال کولوبو یا دا ماشین تبریز فوتبال کولوبو و یا ماشینچی فوتبال کولوبو (آنادولو تورکجه‌سی: Maşin Tebriz Futbol kulübü، فارسجا: باشگاه فوتبال ماشین‌سازی تبریز، اینگیلیسجه: Machine Tabriz Football Club)، ایرانین اسکی فوتبال تاخیملاریندان بیری، و آذربایجانین ان اسکی فوتبول تاخیمی‌دیر.[۲] بۇ کلوب ۱۳۴۷-جی گونش ایلینده تأسیس اوْلونوبدور.
بو کولوبون تاریخی تبریز ماشین‌قاییرما فابریکاسی‌نین تأسیس اولماقیندان قاباغا یئتیشیر. ۱۳۴۷-اینجی گونش ایلی نین آخیرلرینده، تبریز شهری نین اویونچولاریندان بیر قوُروپ تشکیل وئریب و بیر فوتبال تاخیمی قوردولار کی اؤز شهرلرینده فوتبال اویناسینلار و اؤز شهرلرینده فوتبال اویناماغا دوام وئرسینلر. بو تاخیمین آدی بونا گؤره کی اویونچولاری‌نین چوخونلوغو ماشین‌قاییرما فابریکاسی‌نین ایشچی‌لری‌ایدیلر، بو آدا معروف اولدو. ائله بو ایلده ده ماشین‌قاییرما فابریکاسی تبریزین قراملک محلله‌سینده، چکسلواکی اؤلکه‌سی‌نین کؤمکلیگی‌ایله دوزلیردی. بو ایکی ایلده کی فابریکا دوزَلمه‌کده‌ایدی، تاخیمین خرجلری و هزینه‌لری‌نین چوخو، اویونچولارین اؤز طرفیندن تأمین اولوردو و تاخیم اؤز فعالیّتینه دوام وئریردی.[۴]
۴۰-اینجی اون‌ایلی‌نین سون ایللرینده تبریزین ماشین‌قاییرما فابریکاسی، تأسیس اولدو و تبریزین ماشین‌قاییرما صنعتی قوُروبو گنچ‌لرین ساغلام و سلامت اولماقلارینا اوچون و جاوان‌لارین روحیه‌سی تقویت اولماغا گؤره و شور و نشاط و شادلیق یاراتماق ایشچیلرینه خاطیر، ۱۳۴۸-اونجو گونشلی ایلینده رسماً «تبریز ماشین‌قاییرما کولتورل و ایدمان کولوبو» نو تأسیس ائله‌دی. بو ایلدن سونرا ماشین‌قاییرما فوتبال تاخیمی اؤز فعالیّتی‌نی ماشین‌قاییرما فابریکاسی نین تحت نظرینده باشلادی و اؤز یاشامینا دئوام وئردی و بو فابریکا ماشین‌قاییرما فوتبال تاخیمی‌نی یاریم‌حیرفه‌لی صورتی‌ایله ایداره ائتدی و بو تاخیمین حامی‌سی و آرخاچی‌سی عونوان‌ایله اؤزون تانیتدیردی. بو تاخیم تأسیس اولماقیندان آز بیر زاماندان سونرا ائلیه بیلدی کی تبریزین او بیری‌سی تاخیملاریندان کی غالیباً محلاتی صبغه‌سینه صاحیب‌ایدیلر، قاباغا گئچ‌سین. بو تاخیم اؤز آدین دیللره سالدی و معروف بیر تاخیمه تبدیل اولدی و او چاغین آدلیم اویونچولاری‌نین چوخو بو تاخیما قوشولدولار. بو شرایطده کی بعضی بؤیوک اویونچولار ائلیه بیلمه‌میشدیلر کی ماشین تاخیمینه قوشولالار، بیر ایلدن سونرا یانی ۱۳۴۹-اونجو گونش ایلینده چالیشدیلار کی بیر موستقیل تاخیم اؤزلرینه قورالار و چوخ دانیشمالار و چالیشمالار ائتدیلر تیراختورقاییرما فابریکاسی‌نین مودیرلر و ایداره‌چیلرایله دانیشدیلار و اونلاری قانع ائتدیلر کی یئنی بیر تاخیم قورالار تیراختور آدیله، و نهایت‌ده بو ایشی یاپا بیلدیلر و مووفّق اولدولار کی تیراختور تبریز فوتبال کولوبونو قورالار و تبریزین ماشین تیمینه جیدّی بیر رقیبه هم ایدمان نظریندن هم ایقتیصادیات نظریندن تبدیل اولدولار.
جمشید خطیبی
ایندیکی مووسوم
