تیراختور آذربایجان فوتبال کولوبو

ویکی‌پدیادان، آچیق بیلیک‌لیک‌دن
(تراختور-دن يوْل‌لاندیریلمیش)
تیراختور فوتبال کولوبو
بۆتون آدتیراختور آذربایجان فوتبال کولوبو
لقب(لر)تیراختورچولار[۱]
قیرمیزی‌ قوردلار[۲]
قۇرولوش۳۰ نوْوامبر ۱۹۷۰؛ ۵۳ ایل قاباق (۱۹۷۰-۱۱-30)
ایستادیومسهند ایستادیومو
یئر یئرلشیمی۶۸٫۸۳۳[۳][۴]
مالیکایران محمدرضا زونوزی مطلق
ایداره‌چیایران هوشنگ نصیرزاده
باش مشقچیایسپانیا پاکو خمز
لیگخلیج فارس سوپر لیگی
۱۴۰۱–۰۲۴–جو
وئب‌سایتکولوبون وب‌سایتی
ایندیکی مووسوم

تیراختور فوتبال کولوبو، تبریز شهریندن ایران سوپر لیگینده ایشتیراک ائدن بیر فوتبال تاخیمی‌دیر. تاخیم، تیراختور آذربایجان کولتور ایدمان ایقتیصادی کولوبونون فوتبال تاخیمی‌دیر. تیراختور فوتبال کولوبونون ائو صاحیبلیگی یاپدیغی یئر سهند ایستادیومودور. تاخیم ۱۹۷۰ تاریخینده ایران تیراختورقاییرما شیرکتی طرفیندن قۇرولدو. ۲۰۱۸-جی ایلدن محمدرضا زونوزی مطلق تاخیمین مالیکی دیر.

تراختور تاخیمی ۱۳۸۰–۸۱ ایللره‌جن ایرانین سوپر لیگینده توپ اوْیناییردی، آنجاق او ایلدن، آشاغا دسته‌یه دوشوب و ۷ ایل گؤزلمکدن سوْنرا ۱۳۸۸-جی ایلینده یئنیدن ایرانین سوپرلیگینه قاییتدی.[۵] تراختور ۱۳۹۰–۹۱-جی ایلینده لیگده ایکینجی تاخیم (نائیب قهرمان) چیخاراق آسیا قهرمانلار لیگی‌نه یول تاپدی.[۶]

تاریخ[دَییشدیر]

آد[دَییشدیر]

تاخیم اؤز آدینی اونون رسمی حامی‌سی تبریزین تراختور تؤره‌ین اؤره‌تیم ائوی آدیندان گؤتورموشدور. تبریز تیراختورقاییرما شیرکتی بو تاخیمین ایلک حامی‌سی‌ایمیش. (اینگیلیسجه: tractor) سؤزجوگون ایران تؤرکلری «تیراختور» یا «تراختور» یا «تیرختور» دئییرلر. بونا گؤره یانداشلار اؤز سئویملی تاخیملارینی یالنیز تۆرکجه آلقیش‌لاییرلار. یانداشلار تاخیمین آدینی تراختور یازماق ایسته‌ایرلر و کؤینکلر و بایراق‌لارینا تراختور یازیرلار، آنجاق بیر سیرا واختلار، امنیتی قووّه‌لر خ یازیلی بایراق‌لار و کؤینک‌لری‌له استادیومون ایچینه گئتمه‌یه یول وئرمیرلر.[۷][۸]

ایران ایسلام اینقیلابیندان اؤنجه[دَییشدیر]

تیراختور فوتبال کولوبو-جام تخت جمشید ۱۳۵۴.

تراختور ۱۳۵۴-جی ایلینده جام-ی تخت-ی جمشیده صعود ائتدی. او ایل تراختور ۱۶ تاخیمین ایچینده ۱۶-اینجی اوْلوب سوقوط ائتدی. اونلار بیرایلدن سوْنرا، ۱۹۷۸-اینجی (میلادی) ایلده (۱۳۵۷ ه‍. ش)، یئنی دن ایرانین سوپرلیگی‌نده ایشتیراک ائتدی‌لر و بئشینجی اوْلدولار. بۇ ایللرده تراختورون باش مشقچی‌سی حسین فیکری ایدی و اویون‌چولاردان پرویز مظلومی، عباس کارگر، ابراهیم کیان طهماسبی و... بۇ تاخیمدا اوْیناییردیلار.[۹] تراختور ۱۹۷۹–اینجی ایلده‌ده (۱۳۵۷ه‍. ش) سوپرلیگده حاضیرایدی و یاریشمالار دورمادان اونجه ۹-اونجوایدی. بۇ ایلده ایران ایسلام اینقیلابی باش توتدوغوندان یاریشمالار دوردورولدو.[۱۰] بۇ تاخیم ۱۹۷۸ – اینجی ایلده (۱۳۵۶ ه‍. ش) حذفی جام دا فینالا چاتدی آنجاق ملوان بندر انزلی تاخیمی‌نین اؤنونده اوتوزوب و ایکینجی یئری توتدو.[۹]

۱۳۶۰ ایل‌لرینده[دَییشدیر]

احد شیخلاری و علیرضا نیک‌مهر
باغ شومال، تبریز

۱۳۶۰-اینجی ایل‌لرده ایران لار عیراق آراسیندا دویوش باشلاماق‌لا، ایرانین سوپرلیگی تعطیل اوْلدو و تکجه اوستانی یاریشمالار کئچیریلیردی. او زامان‌لار تراختور تبریزین فوتبال لیگینده اوْیناییردی. ۱۹۸۷-اینجی ایلده (۱۳۶۵ ه‍. ش)، تراختور و ماشین‌سازی فوتبال کلوب‌لارینین اویونچولاریندان تشکیل اوْلونان دوغو آذربایجان اوستانینین تاخیمی، اوستانی فوتبال اویونلاریندا فینالا چاتدی، اوتوزوب ایکینجی اوْلدو. او ایللرده احد شیخلاری، حسین قوی فکر، غلام‌رضا باغ‌آبادی و امیرداداش ضیایی تراختورون آدلیم اویونچولاریندان‌ایمیش‌لار. بۇ اویونچولار ایرانین میلّی فوتبال تاخیمیندادا اوْیناییردیلار. بۇ ایللرین سوْنوندا واسیلی قوجا، رومانیالی مشقچی‌سی تراختورا گلدی.[۹] ۱۹۹۰ (۱۳۷۰) ایل‌لری و ۲۰۰۰ (۱۳۸۰) ایل‌لرینین اولی واسیلی قوجا، تراختورون پایه تاخیم‌لارینی نظارت آلتینا آلدی و کلوبون اساس ایشلرینه خیدمت ائتدی. تراختور دییشیلدی و اوغورلو ایللر کئچیردی.[۹][۱۱] اونلارین ایرانین سوپرلیگینده بیرینجی قوروپ‌دا ایستیقلال و کیشاورز تاخیمیندان اۆسته بیرینجی اوْلدولار، آنجاق پلئی آف اویونوندا پاس تاخیمینا اوتوزوب اۆچونجو اوْلدولار[۱۲] . بۇ سونوج، تراختورون ان بؤیوک اوغورو ساییلماقدادیر. بۇ ایللرده کریم باقری، سیروس دین محمدی و حسین خطیبی تراختورون اویونچولاری‌ایمیش‌لر.[۹] ایسماعیل حیلالی و علی باغمیشه بۇ تاخیمدان ایرانین میلّی فوتبال تاخیمینا یول تاپدی‌لار. ۱۹۹۵-اینجی ایل‌ده (۱۳۷۳)، تراختور جام حذفی‌نین فینالینا ایکینجی دفعه اولاراق یول تاپدی، آنجاق بهمن تاخیمی‌نین اونونده اوتوزوب ایکینجی اوْلدو. بۇ ایلدن سوْنرا تاخیمین اؤنملی اویونچولاری تاخیمدان گئتدی‌لر و بئله‌لیک‌له تاخیمین ضعیف‌له‌مه‌سی باشلادی. محمدحسین ضیایی، قوجانین یئرین تۇتدو و تاخیمین اویونچو-مشقچی‌سی اوْلدو. تراختور ۲۰۰۱– اینجی ایل‌ده (۱۳۷۹)، لیگ‌ده سوْنونجو اوْلدو، بونا باخمایاراق ایرانین فوتبال فدراسیونونون حوکمو ایله، سوپرلیگده قالدی. تراختور ۲۰۰۳–۲۰۰۲ (۸۱–۸۰) ایلینده رضا وطن‌خواه و محمود یاوری نین مشقچی‌لییی‌له یئنی‌دن لیگ‌ده سوْنونجو اوْلدو و آشاغا دسته‌یه یئندی.[۹]

بیرینجی دسته‌ده اولان ایللر: ۲۰۱۰–۲۰۰۳(۱۳۸۸–۱۳۸۱)[دَییشدیر]

سیروس دین موحممدی

تراختور یئددی مؤوسومو ایران فوتبالینین بیرینجی دسته‌سینده کئچیرتدی و ائله‌یه بیلمه‌دی سوپرلیگده اویناسین. تراختور بۇ یئددی ایلده، تکجه بیر دفعه پلئی‌آفا چاتدی و شیرین فراز کیرمانشاه تاخیمینا اوتوزماق‌لا سوپرلیگه قالخا بیلمه‌دی. بۇ ایل‌لرده ارنست میدِندروپ، فرشاد پیوس و احد شیخلاری تراختورون باش مشقچی‌سی‌لریندن اوْلوب‌لار. سونرا فراز کمالوند ۲۰۱۰–۲۰۰۹ (۸۸–۱۳۸۷ ه‍. ش) مؤوسومونده تراختورو سوپرلیگه قایتاردی.[۹]

سوپرلیگه قالخماق[دَییشدیر]

تراختور ۸۸ – ۸۷ مؤوسومو ایران فوتبالینین بیرنیجی دسته‌سینده اوینایان سوْنونجو اویونوندا ۱۵٫۰۰۰ یانداش‌ین حوضورویلا ائله‌یه بیلدی آلومینیوم-ی هورموزگان تاخیمینی ۲ قول‌لا اوتا و ۵۴ خال‌لا مۆستقیم صورتده ایرانین سوپرلیگ‌ینه قالخا. بۇ ایل‌ده ناصر شفق تراختورون پرزیدنتی و فراز کمالوند بۇ تاخیمین باش مشقچی‌سی ایدی. بۇ اویوندا تراختورون قول‌لارین امیر موحیببی و مسعود ابطحی وورموشدولار. او ایل شاهین بوشهر فوتبال کلوبو، تراختورون دالیجا قره به قره گلیردی و سون اویوندا ۲ هئچه دئیهیم-ی اهوازی اوتسادا ائله‌یه بیلمدی تراختورو قاباق‌لاسین، و تکجه پلئی‌آفا یئتیشدی.[۱۳]

سوپرلیگه قالخان‌دان سوْنرا[دَییشدیر]

تراختور سوپر لیگه قالخان‌دان سوْنرا اول ایل‌ده (ایرانین سوپر لیگینین ۹-اونجو دوررو) یئددینجی[۱۴] و ایکینجی ایل (ایرانین سوپر لیگینین ۱۰-اونجو دوررو) بئشینجی رۆتبه‌نی قازاندی. همین ایل تراختور تاخیمی اخلاق ساری‌دان ان یاخشی تاخیم سئچیلدی.[۱۵]

یانداشلار[دَییشدیر]

سهند ایستادیومو.

تراختورون یانداشلاری ایران فوتبال کلوبلاری یانداشلاری آراسیندا ان چیلغینلاری ساییلیرلار. ایندی بۇ کلوب ایراندا یاشایان تورک‌لرین کیملیک موباریزه‌سینین سیمگه‌لریندن بیرینه چئوریلیب‌دیر. کلوبون یانداشلاری سئویملی تاخیملارینا گئدیش اویونلاریندا دا، تراختورون قوناغی اوْلدوغو تاخیمین ایستادیومونا آخیشماق‌لا، بؤیوک یاردیمچی اولورلار؛ اوزل‌لیکله تهرانین ایستیقلال و پیروزی فوتبال تاخیملاری‌لا گئدیش اویونلاریندا، تهرانین ۱۰۰ مینلیک آزادی ایستادیومونا توپلاشان یانداشلارین ان آزی یاریسی تراختورو آلقیشلاییر.

تیراختورچولارین ایراندا اولان فارس عیرقچیلیکی‌نین اعتیراضینا گتیردیغلری بیر بنر.

ایراندا فوتبال ایستادیومونا تاماشاچی توپلاماق رکوردو دا تراختورا مخصوص‌دور. ایرانین یۆکسک فوتبال لیگی‌نین اویونلاری چرچیوه‌سینده تراختورون تبریزین دوغما سهند ایستادیوموندا شیرازین فجر فوتبال کلوبونا قارشی کئچیردیگی اویوندا استادیومونون توتوموندان داها آرتیق یانداش گلیب و بعضی قایناقلارا گوره، سایی ۱۱۰میندن ۱۵۰مین آراسی اوْلان بۇ یانداشلار، اوز دوغما تاخیملارینی حتتا قیراغداکی تپه‌لرین اوستونه چیخاراق، آلقیش‌لاییبلار. تبریزین سهند ایستادیومونون (یادیگار ایمام) بۇ تاخیمین هر اویونونا تاماشا ائتمک اۆچون، اورتام دورومدا ۶۰مین نفر یانداش توپلاشیر. رسمی آمارلار اساسیندا تراختور یانداشلاری ۱۳۸۷–۱۳۸۸و۱۳۸۹–۱۳۹۰ اینجی ایلده ایران تاخیملاری آراسیندا ان چوخ تاماشاچی‌لی تاخیم تانیندی.[۱۶][۱۷][۱۸] جان توشاک تیراختور-سایپا اویونونان سورا ددی: یانداشلار بیزه بویوک دستک اولدولار و تیراختورچیلاری لیورپول یانداشلارینا اوخشتوردی. [۱]

قادین یانداشلار[دَییشدیر]

قادینلار

ایراندا قادینلارا فوتبال اویونلارینا تاماشا ائتمک اۆچون ایستادیوما گئتمک قاداغان‌دیر. بهانه کیمی ایستادیوملاردا کیشی فوتبال یانداشلاری‌نین بعضاً اخلاق‌دان کنار یامانلار سسلندیرمه‌سی گؤسته‌ریلیر. آنجاق تراختور یانداشلارینین ایران فوتبال کلوبلاری یانداشلاری آراسیندا همده ان نظملی-اینتیظاملی یانداشلار ساییلیرلار. بونا گوره‌ده کلوبون قادین یانداشلاری ایستادیوما گیرمک قاداغاسی اوْلدوغونا گوره، سئویملی تاخیملارینی اویونلارینا ایستادیوم اطرافینداکی تپه‌لرین اۆزرینه چیخاراق، تاماشا ائدیرلر. آمّا بۇ عنعنه‌نین باشقا شهرلرده‌ده یاییلاجاغیندان تشویشه دوشن پولیس، سون واختلار بونا قارشی جیددی موباریزه آپاریر؛ حتتا تاخیمین بیر نئچه قادین یانداشی حبس ائدیلمیش و اونلاردان بیر داها فوتبال اویونلارینا تاماشا ائتمک اۆچون اطراف تپه‌لره قالخمایاجاقلاری حاقّیندا ایلتیزام آلیندیغدان سوْنرا، آزاد بوراخیلمیشلار.[۱۹][۲۰]

اۇرمو گؤلو و تیراختور[دَییشدیر]

تراختورون یانداش‌لاری تکجه اوز دوغما تاخیم‌لارینی آلقیش‌لاماق‌لا کیفایتلنمه‌ایب، آذربایجانین بوتون توپلوم‌سال سورون‌لاری‌نا اوز موناسیبت‌لری‌نی بیلدیرمه‌یه، حاق‌سیزلیق‌لارا قارشی ائعتیراض سس‌لرینی اوجالتماغا چالیشیرلار. حاضیردا بئله سورون‌لاردان بیری، گونئی آذربایجانین سیمگه‌لریندن بیری ساییلان اورمو گؤلونون گئت-گئده قوروماسی‌دیر. تراختورون ۱۳۸۹اونجو ایلینده کئچیردیگی ائو اویون‌لاریندان بیرینده ایستادیوم‌دا «اورمو گؤلو سس‌لنیر، سوسوزام هارای هارای» شوعاری سس‌له‌ندی. بونون نتیجه‌سی اولاراق، ۱۳۹۰اینجی ایلین فروردین آیینین اون‌اۆچونده تبریزدن، اورمودان و گونئی آذربایجانین دیگر بؤلگه‌لریندن اوْلان یوزلرله تراختور یانداشی‌نین هر بیری اورمو گولونون اوستونده‌کی کورپودن گوله بیر قاب سو توک‌دولر. بوندان سوْنرا اورمو گؤلونه گلن هر بیر آدام جیددی پولیس یوخلانیشیندان کئچیریلیر و بعضی معلومات‌لارا گؤره بۇ گونه‌جن بۇ کامپانییایا قوشولماق ایسته‌یه‌ن ۱۰۰دن آرتیق تراختور یانداشی مووققتی گؤز آلتینا آلینیب‌دیر.[۲۱]

شوعارلار[دَییشدیر]

تیراختور و گؤستریش فولاد کولوبونون بیرلیک پوستری

فوتبالدان اۆستون شوعارلار[دَییشدیر]

تراختورون یانداش‌لارینی بعضاً ایسپانیا'نین کاتالونیا اوستانی‌نین بارسلونا فوتبال کولوبو'نون یانداش‌لاری‌له موقاییسه ائدیرلر. کاتالان دیلی ایسپانیادا قاداغان اوْلوندوق‌دان سوْنرا، بارسلونانین یانداش‌لاری بۇ تاخیمین هر ائو اویونوندا دوغما کمپ نیو ایستادیومونا آخیشاراق، کاتالانجا میلّی شوعارلار سسلندیرمه‌گه باشلامیش‌لار. حاضیردا ایران تۆرک‌لریده هم تیراختورون همده تبریزین باشقا فوتبال کلوب‌لاری ،شهرداری، گؤستریش پولاد و ماشین ین ائو اویون‌لاریندا ایستادیوملاردا میلّی شوعارلار سسلندیریرلر. تیراختورون یانداش‌لاری‌نین تئز-تئز سسلندیردیک‌لری بعضی شوعارلار بونلاردیر:

  • یاشاسین آذربایجان.
  • اَل اَله وئرَروخ شامپیون اولاروخ.
  • یِئل یاتار، توفان یاتار، یاتماز تیراختور بایراغی.
  • آذربایجان وار اولسون، ایستَه‌مَه‌یَن کور اولسون.
  • آذربایجان یوردوموز، تیراختور بوزقوردوموز.
  • تۆرک دیلینده مدرسه، اولمالی‌دیر هر کسه.
  • تۆرک‌لَرین ایفتیخاری، تیراختور تیراختور.
  • آذربایجان دیاریمیز، تیراختور ایفتیخاریمیز.
  • آذربایجان قیزلاری، گؤیلرین اولدوزلاری.
  • آذربایجان سنی بیگانه‌لر دیلدن سالا بیلمز.

تهراندا کئچیریلن اویون‌لاردا بعضاً تهران کلوب‌لاری‌نین یانداش‌لارینین تورک‌لره قارشی سَسلندیردیکلری ایریقچی شوعارلارا تیراختور یانداش‌لاری‌نین وئردیک‌لری جاوابین نتیجه‌سینده، تبریز تاخیمی جَزالاندیریلیب و ائو اویون‌لاری‌نین بیر نئچه‌سی‌نی یانداش یاردیمی اوْلمادان، تاماشاچی‌سیز ایستادیومدا کئچیرمه‌لی اوْلوب‌دور.[۲۲][۲۳][۲۴][۲۵]

فوتبالا جوشغو قاتان فرقلی شوعارلار[دَییشدیر]

  • تیراختورون غلبه قازانماسیندان و یا مغلوب اولماسیندان آسیلی اولمایاراق، اونلار سئویملی تاخیم‌لارینی آلقیش‌لاییرلار. حتتا تاخیم اوزو قول یئیه‌نده استادییوندا «عئیبی یوخ، عئیبی یوخ» سسلری ائشیدیلیر.
  • جوْشغو و هیجان قالخدیقجا و تاخیم سالدیریب قولا یاخینلاشاندا دئییرلر: «تیراختور حمله ائله، جیریق یئرین تاپمیسان».
  • تیراختورا داها جوش جوشغو وئرمک ایچین، «هئی هئی» دئییلیر.
  • تیراختور یانداشلاری هر قونودا باشقا تاماشاچیلارلا فرقلی دیرلار. رقیب تاخیم اویونچولاری واخت کورلایاندا، یئره اوزانیب اؤزلرینی مصدومیته ووراندا، دئییرلر: «عشقعلی تابوت گتیر، ائششک اؤلوب تئز گتیر».

مارشلار[دَییشدیر]

تراختور ایران‌دا اؤزونه مخصوص مارش و ماهنیلاری اوْلان ایلک فوتبال کلوبلارینداندیر. بۇ مارشلاردان «باریش کوْر قوروپو» نون یازیب ایفا ائتدیگی «یاشا، یاشا تراختور» ماهنی‌سی فوتبال کلوبۇ طرفیندن رسمی مارش کیمی قبول ائدیلمیش‌دیر

تراختور فوتبال کلوبونون فوتبال آکادمی‌سی[دَییشدیر]

موردادآیی‌نین ایکینجی بولوموندن، فوتبال آکادمی‌سی‌نین قورماغی اۆچون پلان‌لار توکولوب و حاضیرلیق‌لار آپاریلیب و شهریور آیی‌نین ۱ -یندن (۱۳۹۰ گۆنش ایلی/۲۰۱۱ میلادی) رسمی صورت‌ده کیلاس‌لاردا آد یازماق باشلانیب. مهر آیی‌نین ۸-ایندن ۱۲۰ اویرنجی‌له آکادمی‌نین باشلانیش توره‌نی کئچیریلیب.

تراختور فوتبال کلوبونون فوتبال آکادمی‌سی ایراندا، آسیا فوتبال کونفدراسیونون قانون‌لاری اساسیندا تشکیل تاپمیش ایلک آکادمی‌دیر.[۲۶]

اویون‌چولار[دَییشدیر]

مسعود شجاعی، بیرینجی کاپیتان.

ایندیکی اویونچولار[دَییشدیر]

یوخلاما تاریخی: ۱ آپریل ۲۰۲۱

ایستفاده اوْلونمیش بایراقلار فیفا طرفیندن تایید اوْلوب و مومکوندور بعضی اویونچولارین ایکی وطنداشلیقلاری اوْلموش اولا.

شوماره یئر آد
1 ایران GK محمدرضا اخباری
2 ایران DF ابوالفضل رزاق‌پور
3 ایران DF محمدرضا خانزاده
4 ایران DF هادی محمدی
5 ایران DF عبدالله حسینی
6 ایران MF اکبر ایمانی
7 ایران MF سامان نریمان جهان
8 ایران MF شاهین ثاقبی
9 ایران FW علی دشتی
10 ایران MF پیمان بابایی
11 ایران FW سعید واسعی


18 ایران MF علی فتحی
13 ایران MF آرش قادری
22 ایران GK ناصر سالاری
شوماره یئر آد
69 ایران GK رضا سیف احمدی
24 ایران MF محمدمهدی قنبری
15 ایران MF رضا دهقانی
33 ایران FW محمد عباس‌زاده
44 ایران DF عرفان سیدی ۲۱آلت
48 ایران MF محمد خرم
17 ایران DF عبدالله ناصری
28 ایران GK علی نجفی
37 ایران FW هادی حبیبی نژاد
77 ایران DF محمد مسلمی‌پور
78 ایران MF سعید ایرانخواه ۲۱آلت
97 ایران MF بهزاد سلامی ۲۱آلت
99 ایران FW محمد قادری ۲۱آلت
  • ۱۹آلت = ۱۹ یاشدان آشاغا اویونچو
  • ۲۱آلت = ۲۱ یاشدان آشاغا اویونچو
  • ۲۲آلت = ۲۲ یاشدان آشاغا اویونچو
  • ۲۳آلت = ۲۳ یاشدان آشاغا اویونچو

سون مووسوملر[دَییشدیر]

کولوبون نتیجه‌لری سون ۱۰ ایلده.

مووسوم یئر MP W D L GF GA GD Pts حذفی کاپی قهرمانلار
لیگی
اوستون قول وورانلار (قوللار) مشقچی (لر)
۱۳۹۸–۹۹ ۴ ۳۰ ۱۴ ۸ ۸ ۳۱ ۲۳ ۵۰ GS تورکیه دنیزلی ایران الهامی
۱۳۹۷–۹۸ ۵ ۳۰ ۱۴ ۱۰ ۶ ۴۲ ۲۵ +۱۷ ۵۲ ۱/۱۶ فینال ایرلند ایستوکس ایران دژآگه ولز توشاک بلژیک لیکنز
۱۳۹۶–۹۷ ۱۰ ۳۰ ۸ ۱۰ ۱۲ ۲۸ ۳۳ ۳۴ ۱/۴ فینال GS ایران پهلوان ایران ایران‌پوریان ایران گل‌محمدی تورکیه ساغلام
۱۳۹۵–۹۶ ۳ ۳۰ ۱۵ ۱۱ ۴ ۳۸ ۲۴ +۱۴ ۵۶ ایکینجی ایران حاتمی برزیل ادینهو ایران قلعه‌نویی
۱۳۹۴–۹۵ ۴ ۳۰ ۱۳ ۱۲ ۵ ۴۳ ۲۷ +۱۶ ۵۱ یاری فینال ۱/۸ فینال کامرون نانگ ایران ایران‌پوریان پورتوقال اولیویرا ایران قلعه‌نویی
۱۳۹۳–۹۴ ۲ ۳۰ ۱۷ ۷ ۶ ۵۸ ۳۴ +۲۴ ۵۸ ۱/۱۶ فینال GS برزیل ادینهو ایران نریمان جهان ایران خطیبی پورتوقال اولیویرا
۱۳۹۲–۹۳ ۶ ۳۰ ۱۱ ۱۳ ۶ ۳۹ ۳۳ ۴۵ قهرمان GS ایران انصاری‌فرد ایران دقیقی ایران جلالی پورتوقال اولیویرا
۱۳۹۱–۹۲ ۲ ۳۴ ۱۸ ۱۱ ۵ ۵۵ ۳۲ +۲۳ ۶۵ ۱/۸ فینال GS ایران سیدصالحی پورتوقال فلاویو لوپز(۱۰) پورتوقال اولیویرا
۱۳۹۰–۹۱ ۲ ۳۴ ۱۹ ۹ ۶ ۵۷ ۳۲ +۲۵ ۶۶ ۱/۱۶ فینال پورتوقال فلاویو لوپز(۱۰) برزیل توسی(۸) ایران قلعه‌نویی
۱۳۸۹–۹۰ ۵ ۳۴ ۱۵ ۱۲ ۷ ۴۲ ۲۹ +۱۳ ۵۷ ۱/۸ فینال ایران علی‌زاده عراق کرار ایران کمالوند

مووسوملار[دَییشدیر]

موسوم لیگی روتبه حذفی کاپی آسیا قهرمانلار لیگی توضیح
۱۳۴۹–۵۰ تبریز لیگی ۱جی بئله بیر ریقابت یوخیدی قالخمادی
۱۳۵۰–۵۱ تبریز لیگی ۱جی قالخدی
۱۳۵۱–۵۲ ایکینجی لیگ ۳جی
۱۳۵۲–۵۳ ایکینجی لیگ ۱جی قالخدی
۱۳۵۳–۵۴ سوپر لیگ ۱۶جی فینال دوشدو
۱۳۵۴–۵۵ ایکینجی لیگ ۲جی ۱/۸ فینال قالخدی
۱۳۵۵–۵۶ سوپر لیگ ۵جی برگزار اولمادی
۱۳۵۶–۵۷ سوپر لیگ اویونلار یاریمچیلیق قالدی
۱۳۵۷–۵۸ برگزار اولمادی
۱۳۵۸–۵۹ برگزار اولمادی
۱۳۵۹–۶۰ تبریز لیگی ۱۰جی دوشدو
۱۳۶۰–۶۱ تبریز ایکینجی لیگی ۱جی قالخدی
۱۳۶۱–۶۲ تبریز لیگی ۶جی
۱۳۶۲–۶۳ تبریر لیگی ۷جی
۱۳۶۳–۶۴ تبریز لیگی ۱جی
۱۳۶۴–۶۵ تبریز لیگی ۲جی
۱۳۶۵–۶۶ تبریز لیگی ۳جی
۱۳۶۶–۶۷ تبریز لیگی ۲جی
۱۳۶۷–۶۸ تبریز لیگی ۲جی
۱۳۶۸–۶۹ سوپر لیگ ۴جی ۱/۴ فینال
۱۳۶۹–۷۰ برگزار اولمادی ۱/۸ فینال
۱۳۷۰–۷۱ سوپر لیگ ۱۰جی برگزار اولمادی
۱۳۷۱–۷۲ سوپر لیگ ۳جی برگزار اولمادی
۱۳۷۲–۷۳ سوپر لیگ ۸جی فینال
۱۳۷۳–۷۴ سوپر لیگ ۹جی ۱/۸ فینال دوشدو
۱۳۷۴–۷۵ ایکینجی لیگ ۱جی ۱/۸ فینال قالخدی
۱۳۷۵–۷۶ سوپر لیگ ۱۱جی ۱/۸ فینال
۱۳۷۶–۷۷ سوپر لیگ ۹جی برگزار اولمادی
۱۳۷۷–۷۸ سوپر لیگ ۱۱جی ۱/۸ فینال
۱۳۷۸–۷۹ سوپر لیگ ۶جی ۱/۱۶ فینال
۱۳۷۹–۸۰ سوپر لیگ ۱۲جی ۱/۸ فینال
۱۳۸۰–۸۱ سوپر لیگ ۱۴جی ۱/۴ فینال دوشدو
۱۳۸۱–۸۲ بیرینجی لیگ ۳جی ۱/۳۲ فینال
۸۳–۱۳۸۲ بیرینجی لیگ ۸جی ۱/۱۶ فینال
۱۳۸۳–۸۴ بیرینجی لیگ ۵جی ۱/۱۶ فینال
۱۳۸۴–۸۵ بیرینجی لیگ ۲جی ۱/۴ فینال
۱۳۸۵–۸۶ بیرینجی لیگ ۱جی ۱/۳۲ فینال پلی‌آفا قالخدی
۱۳۸۶–۸۷ بیرینجی لیگ ۴جی ۱/۱۶ فینال
۱۳۸۷–۸۸ بیرینجی لیگ ۱جی ۱/۴ فینال قالخدی
۱۳۸۸–۸۹ سوپر لیگ ۷جی ۱/۱۶ فینال
۱۳۸۹–۹۰ سوپر لیگ ۵جی ۱/۸ فینال
۱۳۹۰–۹۱ سوپر لیگ ۲جی ۱/۱۶ فینال
۱۳۹۱–۹۲ سوپر لیگ ۲جی ۱/۸ فیال گروه مرحله‌سی
۱۳۹۲–۹۳ سوپر لیگ ۶جی قهرمان گروه مرحله‌سی
۱۳۹۳–۹۴ سوپر لیگ ۲جی ۱/۴ فینال گروه مرحله‌سی
۱۳۹۴–۹۵ سوپر لیگ ۴جی یاریم فینال ۱/۸ فینال
۱۳۹۵–۹۶ سوپر لیگ ۳جی فینال قالخمادی
۱۳۹۶–۹۷ سوپر لیگ ۱۰جی ۱/۴ فینال گروه مرحله‌سی
۱۳۹۷–۹۸ سوپر لیگ ۵جی ۱/۱۶ فینال قالخمادی
۱۳۹۸–۹۹ سوپر لیگ ۴جی قهرمان گروه مرحله‌سی

ایفتیخارلار[دَییشدیر]

تیراختورون شامپیونلوقو حذفی کاپیندا

رسمی عونوانلار[دَییشدیر]

۲-جی یئر, گوموش میدال(لار) ایکینجی (۳): ۹۱–۱۳۹۰، ۹۲–۱۳۹۱، ۹۴–۱۳۹۳
3rd place, bronze medalist(s) اوچونجو (۲): ۹۶–۱۳۹۵، ۱۳۷۱
1st place, gold medalist(s) شامپیون (۲): ۱۴–۲۰۱۳، ۹۹–۱۳۹۸
۲-جی یئر, گوموش میدال(لار) ایکینجی (۳): ۱۳۵۵، ۹۵–۱۹۹۴، ۱۷–۲۰۱۶
۲-جی یئر, گوموش میدال(لار) ایکینجی (۱): ۱۳۹۹
1st place, gold medalist(s) شامپیون (۱): ۸۸–۱۳۸۷
1st place, gold medalist(s) شامپیون (۱): ۷۵–۱۹۷۴
۲-جی یئر, گوموش میدال(لار) ایکینجی (۲): ۷۷–۱۹۷۶، ۹۶–۱۹۹۵
1st place, gold medalist(s) شامپیون (۱): ۱۹۹۲
1st place, gold medalist(s) شامپیون (۱): ۸۵–۱۹۸۴
1st place, gold medalist(s) شامپیون (۱): ۸۲–۱۹۸۱

رسمیتسیز عونوانلار[دَییشدیر]

  • هیندوستان MILLS International Cup
1st place, gold medalist(s) شامپیون (۱): ۱۹۹۵
  • هیندوستان DCM Trophy
1st place, gold medalist(s) شامپیون (۱): ۹۶–۱۹۹۵[۲۷]
  • ایران سرداران شهید کاپی
1st place, gold medalist(s) شامپیون (۲): ۱۹۹۵، ۱۹۹۶
  • ایران شهدا کاپی
1st place, gold medalist(s) شامپیون (۲): ۲۰۱۴، ۲۰۱۷

شخصلر[دَییشدیر]

ایندیکی مشقچیلر[دَییشدیر]

موقع ایشلین
باش مشقچی کروواسی زوونیمیر سولدو
کومک مشقیچی ایران محمد شجاعی
ایران علیرضا دهقانی
فیتنس مشقچی‌سی ایران هاشم خدادادی
قولر مشقچی‌سی رومانی آلین دینجا
آنالیزچی ایران بهزاد بئشتامی
تکنیک مشقچی‌سی ایران عباس چمنیان
تیم مودورو ایران حسن آذرنیا

مودورلر[دَییشدیر]

یئری ایشلین
مالیک محمدرضا زنوزی مطلق
مودور میرمعصوم سهرابی
مودور معاوینی کاظم محمودی
ایداره هئیتینین صدری عباس الیاسی
ایداره هیئتینین عوضولری

علیرضا نوین
محمدجواد دولفکار
غفور کارگری
دارا غضنوی
محمدعلی مجتهدی
سعیدعباسی

طرفدارلار باشچی‌سی اسماعیل قلیچ‌خانی
آکادمی مشقچی‌سی صادق پورحسینی

آسیا رئکوردی[دَییشدیر]

آسیا کولوب قهرمانی / آسیا قهرمانلار لیگی[دَییشدیر]

۲۱ ژانویه ۲۰۱۹
ریقابت اویون قازانماق برابرلیک اوتوزماق GF GA GD قازانماق%
آسیا قهرمانلار لیگی ۳۶ ۹ ۹ ۱۸ ۳۹ ۵۲ −13 0۲۵٫۰۰

Legend: GF = Goals For. GA = Goals Against. GD = Goal Difference.

آسیا کولوب قهرمانی / آسیا قهرمانلار لیگی
مووسوم دوور حریف ائو ائشیک علا.
۲۰۱۳ قروپ مرحله‌سی
(قروپ آ)
ایمارات الجزیره ۳–۱ ۰–۲
قطر الجیش ۲–۴ ۳–۳
عربیستان الشباب ۰–۱ ۰–۱
۲۰۱۴ قروپ مرحله‌سی
(قروپ س)
عربیستان الاتحاد ۱–۰ ۰–۲
قطر الدحیل ۰–۱ ۰–۰
ایمارات العین ۲–۲ ۱–۳
۲۰۱۵ قروپ مرحله‌سی
(قروپ د)
اؤزبکیستان نسف قارشی ۱–۲ ۱–۲
ایمارات شباب الاهلی ۱–۰ ۲–۳
عربیستان الاهلی ۲–۲ ۰–۲
۲۰۱۶ قروپ مرحله‌سی
(قروپ س)
ایمارات الجزیره ۴–۰ ۱–۰
اؤزبکیستان پاختاکور ۲–۰ ۰–۱
عربیستان الهلال ۱–۲ ۲–۰
Round of 16 ایمارات النصر ۳–۱ ۱–۴ ۴–۵
۲۰۱۸ قروپ مرحله‌سی
(قروپ آ)
ایمارات الجزیره ۱–۱ ۰–۰
عربیستان الاهلی ۰–۱ ۰–۲
قطر الغرافه ۱–۳ ۰–۳
۲۰۲۱ قروپ مرحله‌سی
(قروپ ب)
اؤزبکیستان پاختاکور ۰–۰ ۳–۳
ایمارات الشارجه ۰–۰ ۰–۲
عراق هاوا قوه‌لری ۱–۰ ۰–۰

آسیادا اوستون قول وورانلار[دَییشدیر]

روتبه اویونچو قوللار مووسوملر
۱ ایران محمد عباس‌زاده ۴ ۱
۲ برزیل قیلسون ده کاروالیو سوآرز ۳ ۱
ایران بختیار رحمانی ۳ ۱
ایران فرزاد حاتمی ۳ ۱
۳ ایران سید مهدی سیدصالحی ۲ ۱
برزیل ادینهو ۲ ۱
کامرون آلویس نانگ ۲ ۱
برزیل آقوستو سئزار ۲ ۱
ایران فرشاد احمدزاده ۲ ۲
۴ ایران اشکان دژآگه ۱ ۱
ایران مهدی تیکدری ۱ ۱
ایران کریم انصاری‌فرد ۱ ۱
ایران سعید دقیقی ۱ ۱
پورتوقال فلاویو لوپز ۱ ۱
ایران مهدی شریفی ۱ ۱
ایران سعید آقایی ۱ ۱
ایران شجاع خلیل‌زاده ۱ ۱
ایران شاهین ثاقبی ۱ ۲
ایران جواد کاظمیان ۱ ۲
ایران مسعود ابراهیم‌زاده ۱ ۲
ایران میلاد فخرالدینی ۱ ۳
ایران محمد ایران‌پوریان ۱ ۴

اَن یاخشی غلبه‌لر[دَییشدیر]

# اویونون نتیجه‌سی وورولان گل‌لارین جمعی وورولان گل‌لارین فرقی
۱ تیراختور ۶–۰ ایستیقلال خوزیستان[۲۸] ۶ ۶
۲ تیراختور ۵–۰ گهر دورود[۲۹] ۵ ۵
۳ تیراختور ۵–۰ ایستیقلال اهواز[۳۰] ۵ ۵
۴ تیراختور ۴–۰ الجزیره ایمارات[۳۱] ۴ ۴
۵ تیراختور ۴–۰ نساجی مازندران[۳۲] ۴ ۴
۶ تیراختور ۴–۱ پرسپولیس تهران[۳۳] ۵ ۳
۷ تیراختور ۴–۱ ایستیقلال تهران[۳۴] ۵ ۳
۸ تراکتور ۴–۱ راه‌آهن تهران[۳۵] ۵ ۳
۹ تراکتور ۴–۱ سیپاهان ایصفهان[۳۶] ۵ ۳
۱۰ تراکتور ۴–۱ ذوب‌آهن ایصفهان[۳۷] ۵ ۳

شخص رئکوردلاری[دَییشدیر]

۳ ژوئن ۲۰۱۹تاریخینه گوره کولوبدا ان چوخ اویونلی و ان چوخ قول ووران اویونچولارین لیستی. محمد ابراهیمی ۱۸۰ اویوندا ۳۱ قول ووروب و کولوبون ان چوخ اویون کئچیرن و ان چوخ قول ووران اویونچوسودور. بو لیسته بوتون موسابیقه‌لرین قوللاری داخیلدیر.

محمد ابراهیمی کولوبون ان چوخ قول ووران اویونچوسودور.
۱۰ اوستون قول وورانلاری
اویونچو زامان اویونلار قوللار
۱ ایران محمد ابراهیمی ۱۵–۲۰۰۹، ۱۸–۲۰۱۶ ۱۸۰ ۳۱
۲ برزیل ادینهو ۱۵–۲۰۱۴، ۱۷–۲۰۱۶ ۵۲ ۲۷
۳ ایران فرزاد حاتمی ۱۲–۲۰۱۱، ۲۰۱۸–۲۰۱۶ ۸۳ ۲۳
۴ پورتوقال فلاویو لوپز ۱۳–۲۰۱۱ ۶۷ ۲۱
۵ ایران سید مهدی سیدصالحی ۱۳–۲۰۱۲ ۳۸ ۱۹
۶ ایران کریم انصاری‌فرد ۱۴–۲۰۱۳ ۳۵ ۱۷
۷ ایران محمد عباس‌زاده ۲۰۲۰– ۲۳ ۱۳
۸ ایران اشکان دژآگه ۲۰۱۸– ۶۵ ۱۳
۹ ایرلند آنتونی ایستوکس ۲۰۱۹–۲۰۱۸ ۲۴ ۱۳
۱۰ عراق کرار جاسم ۱۱–۲۰۰۹، ۱۷–۲۰۱۶ ۷۰ ۱۳
۱۱ ایران محمد نصرتی ۱۰–۲۰۰۹، ۱۱–۲۰۱۰، ۱۴–۲۰۱۲ ۱۲۳ ۱۲
۱۲ ایران سامان نریمان جهان ۲۰۱۵–۲۰۱۴ ۴۳ ۱۱
۱۳ ایران علی علی‌زاده ۱۲–۲۰۱۰ ۴۰ ۱۰

ائشیگه باغلانتی[دَییشدیر]

قایناقلار[دَییشدیر]

  1. ^ Al Nasr fully focused on stern test in Iran with AFC Champions League quarter-finals in touching distance - Aay 24, 2016.
  2. ^ https://www.yjc.ir/fa/news/5541064
  3. ^ Yadegar-e Emam Stadium (Sahand Stadium) – StadiumDB.com.
  4. ^ ورزشگاه یادگار امام تبریز؛ اولین استادیوم بزرگ کشور بعد از استادیوم آزادی (6 April 2017). آرشیولنیب اصلی نۆسخه‌دن on 2020-09-28. یوْخلانیلیب2020-02-02.
  5. ^ قایناق خطاسی برچسب <ref> نامعتبر؛ متنی برای ارجاع‌های با نام جمهوری وارد نشده‌است
  6. ^ فارس نیوز (91/12/06). (فارسجا) تراکتورسازی چگونه آسیایی شد. فارس نیوز خبرگزاریسی. یوخلانیلیب ۲۰۱۵–۰۸-۳۱.
  7. ^ تراختور کیست؟. آرشیولنیب اصلی نۆسخه‌دن on 2010-11-23. یوْخلانیلیب2015-08-02.
  8. ^ سرخابی هستید یا طرفدار تراختور؟. آرشیولنیب اصلی نۆسخه‌دن on 2012-04-23. یوْخلانیلیب2015-08-02.
  9. ^ ۹٫۰ ۹٫۱ ۹٫۲ ۹٫۳ ۹٫۴ ۹٫۵ ۹٫۶ حدادپور، مهدی. "تراختور... شیرِ". روزنامه ورزشی گل. ۲۰ خرداد ۱۳۸۸. سال چهارم شماره ۹۶۲، صفحهٔ ۵
  10. ^ کتاب ۳۴ سال با پرسپولیس (از سال ۴۷ تا سال ۸۱)نویسنده: صداقت، فرهاد، چاپ اول، تبریز، شهریور ۱۳۸۱، صفحه ۹۱ تا ۹۴، شابک 964-06-1693-1
  11. ^ گزارش ویژه دربارهٔ پدیده سال تراکتورسازی و هوادارانش ۲۹ اسفند ۱۳۸۸، رستمی، حمید. آرشیولنیب اصلی نۆسخه‌دن on 2012-12-15. یوْخلانیلیب2015-08-02.
  12. ^ کتاب: ۳۴ سال با پرسپولیس (از سال ۴۷ تا سال ۸۱) صداقت، فرهاد، چاپ اول، تبریز، شهریور ۱۳۸۱، ص ۱۰۸، شابک 964-06-1693-1
  13. ^ تراکتور سازی تبریز به لیگ برتر صعود کرد
  14. ^ لیگ برتر نهم از نگاه آمار. آرشیولنیب اصلی نۆسخه‌دن on 2013-08-19. یوْخلانیلیب2015-08-02.
  15. ^ تراکتور سازی بهترین تیم لیگ دهم[دائمی اولو باغلانتیلی]
  16. ^ تبریزی‌ها رکورد حضور تماشاگر را شکستند، ۱۷ بهمن ۱۳۸۸، خبرگزاری فارس. آرشیولنیب اصلی نۆسخه‌دن on 2013-01-18. یوْخلانیلیب2015-08-02.
  17. ^ عزیزمحمدی: تراکتور رکوردار تماشاگران لیگ برتر است، ۲۸ فروردین ۱۳۸۹، فوتبال سه. آرشیولنیب اصلی نۆسخه‌دن on 2013-01-18. یوْخلانیلیب2015-08-02.
  18. ^ تراکتورسازی پرتماشاگرترین تیم لیگ برتر فوتبال شد، خبر گزاری مهر، مه۲۰۱۱. آرشیولنیب اصلی نۆسخه‌دن on 2013-01-18. یوْخلانیلیب2015-08-02.
  19. ^ زنان و کودکان تماشاگران ویژه تراکتورسازی و پرسپولیس، 27 فروردین 1389، خبرآنلاین
  20. ^ حضور تعدادی از هواداران زن تراکتورسازی تبریز در بازی رفت روز جمعه، یاری‌یول، تبریزسسی. آرشیولنیب اصلی نۆسخه‌دن on 2016-03-06. یوْخلانیلیب2015-08-02.
  21. ^ شعار زیبای هواداران تراکتور
  22. ^ محرومیت تراکتور دلیل اصلی کاهش آمار تماشاگر در لیگ برتر. آرشیولنیب اصلی نۆسخه‌دن on 2010-08-19. یوْخلانیلیب2015-08-02.
  23. ^ جعفری :داخل فدراسیون جریانی است که نمی‌خواهد تماشاگران تراکتور بخشیده شوند. آرشیولنیب اصلی نۆسخه‌دن on 2011-10-10. یوْخلانیلیب2015-08-02.
  24. ^ محرومیت تماشاگران تراکتورسازی بخشیده نشد[دائمی اولو باغلانتیلی]
  25. ^ نامه عباسی به کفاشیان برای بررسی رفع محرومیت تماشاگران تراکتور[دائمی اولو باغلانتیلی]
  26. ^ آکادمی فوتبال تراکتورسازی افتتاح شد، کد خبر : 52655 زمان ارسال : سه‌شنبه 12/07/1390 10:40[دائمی اولو باغلانتیلی]
  27. ^ List of winners and runners-ups of the DCM Trophy Archived 2020-10-23 at the Wayback Machine. RSSSF.com. Retrieved 20 April 2021
  28. ^ https://www.mashreghnews.ir/news/897413/فیلم-خلاصه-بازی-تراکتورسازی-۶-۰-استقلال-خوزستان
  29. ^ https://www.khabaronline.ir/photo/244910/تراکتور-تیم-دورود-را-گلباران-کرد
  30. ^ https://www.varzesh3.com/match/57323
  31. ^ https://tamasha.com/v/8Z39x
  32. ^ https://www.varzesh3.com/news/1644679/نساجی-صفر-تراکتور-4-دنیزلی-همیشه-مطمئن
  33. ^ https://www.ilna.ir/بخش-ورزشی-7/695489-وقتی-تراکتورسازی-پرسپولیس-را-تایی-کرد-ویدیو
  34. ^ https://90tv.ir/videos/خلاصه-بازی-استقلال-1-4-تراکتورسازی[دائمی اولو باغلانتیلی]
  35. ^ https://90tv.ir/videos/خلاصه-بازی-تراکتورسازی-4-1-راه-آهن[دائمی اولو باغلانتیلی]
  36. ^ archive copy. آرشیولنیب اصلی نۆسخه‌دن on 2021-01-24. یوْخلانیلیب2021-04-23.
  37. ^ https://90tv.ir/videos/خلاصه-و-حواشی-تراکتورسازی-4-1-ذوب-آهن-نود-25-بهمن[دائمی اولو باغلانتیلی]

خاریجی لینکلر[دَییشدیر]

ویکی‌آمباردا تیراختور فوتبال کولوبو ایله مربوط فایل وار.