کورشاد

ویکی‌پدیا، آچیق بیلیک‌لیک‌دن
پرش به ناوبری پرش به جستجو

کۆرشاد، (؟-639) - بیر گؤی تورک شاهزاده‌سیدیر. اۇشاقلیقدا آدی "شۇ تیگین" اوْلموش، "قارا خاقان" طرفیندن "کۆر شاد" چاغریلدی.

یاشاییشی[دَییشدیر]

چین اوْردوسوندا ژنرال وظیفه‌‌سینه‌جن یۆکسلمیش بیر گؤی تورک شاهزاده‌سیدیر. کۆرشاد، شرقی گؤی تورک خاقانی شیبی خاقانین اوْغلودور. عمیسی چۇلا خاقانین چینه تسلیم اوْلماسیندان سوْنرا چینده حربی رۆتبه قازانیر. تؤلیس خاقانین کیچیک قارداشیدیر. اوْ قارداشینا نیفرت ائدیردی و امپراتورا قارداشی‌نین عصیان ائتمک اۆزره اوْلدوغونو دئدی. جیئشئشوای 639-جۇ ایلین آوقوستوندا تزه‌لیکجه اؤلن تؤلیس خاقانین اوْغلو آشینا هوْلوْکو ایله 40 نفردن عبارت بیر قروپلا، امپراتورو شهرده گیروْو گؤتورمک پلانینی حاضیرلاییر. آنجاق باسقین پلانی حاضیرلاندیغی گۆن اوْلان 19 مای 639-جۇ ایلده دهشتلی بیر فێرتینا و یاغیش باشلادیغیندان چین امپراتورو سارایدان چێخمیر. بۇنا قارشیلیق پلانین پوْزولماسینی ایسته‌مه‌ین کۆرشاد و اوْنون دوْستلاری سارایا باسقین ائدیرلر. اۇزون سۆرن چارپیشما نتیجه‌سینه یۆزلرله چینلی کئشیکچی مهو ائدیلسه ده، کۆرشاد دوْستلاری‌نین بؤیوک بیر حیصه‌‌سینی ایتیریر و سارایدان چکیلمک مجبوریتینده قالیر. سارایدان آتلاری اوْغورلایاراق شهردن چێخیب وئی چایینی کئچیرلر و چین اوْردوسو طرفیندن قێریلیرلار.

عصیاندان سوْنرا[دَییشدیر]

امپراتور عصیاندان گؤی تورکلری سربست بۇراخیر و یئنیدن خاقانلیق قۇرمالارینا ایجازه وئریر. خۇایخوای شاهزاده‌سی آشینا سیموْنو کیلیبی خاقان آدی ایله خاقان اعلان ائدیر. تؤلیس خاقانین اوْغلو آشینا هوْلوْکو ایسه سۆرگون ائدیلیر.

قایناقلار[دَییشدیر]

  • آذربایجان جۇمهوریتی تۆرکجه‌سی ویکی‌پدیاسی‌نین ایشلدنلری طرفیندن یارانمیش«Kürşad»، مقاله‌سیندن گؤتورولوبدور. (‏۱۰ نوْوامبر ۲۰۱۷ تاریخینده یوْخلانیلیبدیر).

گؤرونتولر[دَییشدیر]