تورک دوشمنلیگی
تورک دوشمنلیگی و یا تورکوفوبیا[۱] (آلمانجا: Türkenphobie, اینگیلیسجه: Turkophobia, روسجا: Tюркофобия, فارسجا: ترک ستیزی، لاتین تورکجه: Türkofobi, تورکیه تورکجه‌سی: Türk karşıtlığı و قدیم یونانجا: φόβος – "قورخو" سؤزلریندن) و یا آنتی‌تورکچولوک (آلمانجا: Türkenfeindlichkeit, اینگیلیسجه: Anti-Turkism, روسجا: Антитюркизм, تورکیه تورکجه‌سی: Türk düşmanlığı, قدیم یونانجا: ἀντι – "قارشی" و "تورک" سؤزلریندن) — تورک خالقلارینا، اونلارین مدنیتینه و تاریخی ایرثینه قارشی دوشمنچیلیک، نیفرت، آیری‌سئچکی‌لیک و یا غرض حیسّلرینی و ایفاده‌لرینی تصویر ائتمک اوچون ایستیفاده ائدیلن ترمین، اتنوفوبیانین ایستیقامتی.[۲][۳] بونون عکسی تورک‌سئورلیک‌دیر.
تورک دوشمنلیگی همیشه تورک خالقلارا یوخ،[۴][۵][۶] بالکان یاریم‌آداسیندا یاشایان موسلمان‌لارا، خوصوصاً ده بوشناک‌لار، آلبان‌لار، پوماک‌لار و توربِش‌لره، ائلجه ده تورک دیاسپورونا ایستیقامت‌لندیریلیر.[۷][۸][۹][۱۰] همچنین، ایندیکی دؤورده تورک‌خالقلارین نوماینده‌لری یونان، آلمان، بلژیک، بولقاریستان، چین، لهیستان، ارمنیستان، آمریکا، سوئد، دانمارک، فرانسه، اوتریش، ایران و روسیه کیمی اؤلکه‌لرده عیرقچی هوجوم‌لارا معروض قالیرلار.[۱۱]
تورک دوشمنلیگی ایسلام دوشمنلیگی /ایسلاموفوبیا ایله یاخیندان علاقه‌لی‌دیر. اصلینده، موعاصیر تورک دوشمنلیگی‌نین اؤزو ایسلام دوشمنلیگینه اساسلانیر.[۱۲] ایسلام دوشمن‌لری‌نین تورکلری هدفله‌مه‌سی نین باشقا بیر سببی تورکیه پرزیدنتی رجب طیب اردوغانین ایسلامچی سیاستی دیر.[۱۳] تورک دوشمن‌لری‌نین اهمیتلی حیصه‌سی مسیحیدیر و مسیحی میلّییتچی‌لیگی فلسفه‌سینی تعقیب ائدیر. تورک دوشمن‌لری تورکیه‌نی اوروپا اؤلکه‌سی حساب ائتمیر،[۱۳] ایستانبول شهری‌نین (تاریخاً کونستانتینوپول؛ یونانجا. Κωνσταντινούπολις/ Konstantinoupolis لاتین. Cōnstantīnopolis) " گئرچک صاحیب‌لری اولان مسیحی‌لره گئری قایتاریلماسی "نی آرزولاییرلار.[۱۴]
دیگر طرفدن، تورک دوشمنلیگی تورک میّلیتچی‌لر (تورکچولوک و یا تورانچی‌لیغین طرفدارلاری) و آپولوگت‌لر طرفیندن تورک خالقلارین تنقیدینه قارشی پروپاقاندا کیمی ایستیفاده ائدیلیر.
همچنین باخ
[دَییشدیر]اتک‌یازی‌لار
[دَییشدیر]- ^ Laçınər, Sədat. Bir başka açıdan İngiltere (türk). USAK Books. 2001. səh. 9. — ISBN 975-6769-19-X — ISBN 9789756769195
- ^ ibaridiyan, Gerard C. Modern Armenia: people, nation, state (ingilis). Transaction Publishers. 2004. səh. 193. ISBN 978-0-7658-0205-7.
One consequence of the shift from anti-communism to anti-Turkism was that an important segment of the Diaspora lived through moments ...
- ^ Xəlidi, Rəşid. The origins of Arab nationalism(ingilis). Columbia University Press. 1991. səh. 18.ISBN 978-0-231-07435-3.
In the first place, Arabist ideology, including a bitter anti-Turkism, was fully formulated long before the Young Turk revolution
- ^ MakKarti, Castin. The Turk in America (ingilis). 15 avqust 2010. ISBN 978-1-60781-013-1. İstifadə tarixi:2015-09-06.
- ^ "The Muslim World League Journal" (ingilis). iyun 1995. İstifadə tarixi: 17 mart 2019.
- ^ Füller, Qraham E. From Eastern Europe to Western China (ingilis). Rand Corporation. 1 aprel 1993.ISBN 978-0-8330-1374-3.
- ^ MakKarti, Castin. The Turk in America (ingilis). 15 avqust 2010. ISBN 978-1-60781-013-1.
- ^ Sahu, Acaya Kumar; Maharac, Bric. Sociology of diaspora (ingilis). 2007. ISBN 9788131601013.
- ^ Oqan, Kristin L. Communication and Identity in the Diaspora (ingilis). 2001. ISBN 978-0-7391-0269-5.
- ^ Brah, Avtar. Cartographies of Diaspora (ingilis). 15 sentyabr 2006. ISBN 978-0-203-97491-9. İstifadə tarixi:2015-09-06.
- ^ "Türklere Irkçı Saldırı". www.hurriyet.com.tr (türk).Hürriyet.
- ^ "Christchurch attack inspired by hatred of Turkey – Turkish politicians". ahvalnews.com (ingilis). Ahval News
- ^ Şahin, Ayşə. "Why is Turkey at the heart of the Christchurch terrorist's anger?". trtworld.com(türk). TRT World.
- ^ Harris, Meri. "Turkey's Continued Siege of Constantinople: Insulting Celebration of Greek Bloodshed on May 29". greece.greekreporter.com(ingilis). Greek Reporter.