اریتره
| اریتره State of Eritrea |
|||
|---|---|---|---|
|
|||
.svg) |
|||
| باشکند | اسمره | ||
| رسمی دیل | Tiqrinya, عربی دیل، اینگیلیس دیلی | ||
| گروه(های) نژادی | tiqrinya -55%, tiqre -30%, saho -4%, kunama -2% ,bilen -2%. | ||
| پول بیریمی | تایرا | ||
| اینترنت دومینی | .ng | ||
اریتره — آفریقا قیطعه‌سینین شرقین‌ده دؤولت. اریتره باشکندی (پایتختی) اسمره دور. ۴٬۴۰۱٬۰۰۹نفوسا صاحیب دیر. رسمی دیلی عرب دیلی ایله اینگیلیس دیلی دیر.[۱]
جوغرافییاسی
[دَییشدیر]شرقی آفریقانین قوزئین‌دا یئرلشه‌ن اؤلکه. غربده سودان، گونئی‌دا اتیوپی و گونئی-شرق‌ده جیبوتی ایله همسرحددیر. اؤلکه‌نین شرقی و قوزئی-شرقی قیرمیزی دنیزی ساحلی بویونجا اوزانیر. باشکندی آسمرهدیر.
تاریخی
[دَییشدیر]اریتره ایتالیا طرفین‌دن ایشغال ائدیل‌دی و رسمی اولاراق ۱ ژانویه ۱۸۹۰-جی ایلده بۇ اؤلکه‌نین موستملکه‌سینه چئوریل‌دی. ایتالیا ایکینجی دونیا محاربه‌سین‌ده مغلوب اوْلدوق‌دان سوْنرا اریتره ۱۹۴۱-جی ایلده‌ن ۱۹۵۲-جی ایله قدر بیرلشمیش میلتلر تشکیلاتی-نین حمایه‌سینه وئریلمیش‌دیر. او زامان اؤلکه‌نین بایراغی بوتون رسمی دایره‌لرده دالغالانیردی. ۲ دسامبر ۱۹۵۰-جی ایلده بیرلشمیش میلتلر تشکیلاتی-نین قراری ایله اتیوپییا بیرلشدیریل‌دی. ۱۹۵۱-جی ایلده‌ن ۱۹۶۲-جی ایله قدر اتیوپینین موختار بؤلگه‌سی اولاراق قال‌دی. خالقین ناراحات‌لیغی بۇ قرارا قارشی آرت‌دی و اریتره ۳۰ ایل بویونجا اتیوپی حکومتینه قارشی دیره‌ن‌دی و بۇ دیرنیش ۱۹۹۱-جی ایلده بیت‌دی. ۱۹۹۳-جو ایلده بیرلشمیش میلتلر تشکیلاتی-نین قراری ایله اریتره موستقیل‌لیک الده ائتدی. اؤلکه چوخمدنیت‌لی و ایکیدین‌لی‌دیر. مۆعاصیر اریتره نین آدی ایلک دفعه ایتالیان ایشغال‌چیلاری طرفین‌دن ایستیفاده ائدیلمیش‌دیر.
اهالی‌سی
[دَییشدیر]۶٬۲۳۳٬۶۸۲ نفر. اؤلکه‌ده یاشایانلارین ۵۵٪ تیگرینیا، ۳۰٪ تیگرئ، ۴٪ ساهو و دیگر ائتنیک قروپلاردیر.
ایقتصادیاتی
[دَییشدیر]اریتره دا اهالینین اکثریتی (۸۵٪) اکینچی‌لیک و حئیواندارلیقلا مشغول‌دور. اهالینین اوچده ایکی‌سی اوتوراق و یاری-اوتوراق، قالانی کؤچری حیات سورور. اؤلکداخی‌لی هاسیلاتی ۵۵۰ میلیون دوللار اولاراق حساب‌لانیر. آدامباشینا دوشه‌ن میلّی گلیر ۱۵۰ دوللاردیر. اؤلکه‌نین ایقتصادی دورومو آغیردیر.
تحصیل
[دَییشدیر]اریتره دا تحصیل بئشمرهه‌له‌لی‌دیر: آنا مکتب، ایبتدایی مکتب، ایلک مکتب، اورتا مکتب و بیلیم یوردو. ایبتدایی، ایلک و اورتا مکتب‌ده تخمیناً ۲۴۵٫۰۰۰ مکتب‌لی تحصیل آلیر. تحصیلین شوعاری وطن، آنا دیلی‌دیر.
مدنیتی
[دَییشدیر]بو اؤلکه تیجارت و آلوئر اۆچون دونیانین باغلانتی نقطه‌سی‌دیر. اریتره مدنیتین‌ده ایتالیان مدنیتینین ایزلرینی گؤرمک اولار. بۇ گون اؤلکه‌ده ایتالیان مطبخیندن فایدالانمیش کافه لر فعالیت گؤستریر.
ایستینادلار
[دَییشدیر]- ^ Central Intelligence Agency - CIA - The World Factbook
قایناق‌لار
[دَییشدیر]آفریقا بیرلیگی | ||
|---|---|---|
گونئی آفریقا • آنقولا • اتیوپی • اریتره • الجزاییر • اوقاندا • بوروندی • بنین • بوتسوانا • بورکینافاسو • تانزانیا • توقو • تونیس • اوْرتا آفریقا جومهوریتی • کنقو دموکراتیک جومهوریتی • جیبوتی • چاد • رواندا • زامبیا • زیمبابوه • سائوتومه و پرنسیپ • فیل دیشی ساحیلی • سنقال • سودان • جنوبی سودان • سومالی • سیشل • سیرالئون • سوازیلند • غربی صحرا • غنا • کامرون • کونقو جومهوریتی • کنیا • کومور آدالاری • کیپ ورد • قابون • قامبیا • قینه • اوستوایی قینه • قینه بیسائو • لسوتو • لیبریا • لیبی • ماداقاسکار • مالاوی • مالی • میصر • موريتانی • ماوریتیوس • موزامبیک • نامیبیا • نیجر • نیجریه |  | |
