حسن ابن علی
| حسن ابن علی | |||||
|---|---|---|---|---|---|
| مجتبی[۱] | |||||
 حسن ابن علی عربی یازیدا | |||||
| شاه‌لیق | ۶۶۱-۶۶۱ | ||||
| قاباقکی | علی ابن ابیطالب | ||||
| شیعه‌لرین ۲اینجی ایمامی | |||||
| قاباقکی | علی ابن ابیطالب | ||||
| واریث | حسین ابن علی | ||||
| سونیلرین بئشینجی خلیفه‌سی | |||||
| واریث | حسین ابن علی | ||||
| دوغوم |
۱ دسامبر ۶۲۴ CE (15 Ramadhan AH 3 in the ancient (intercalated) Arabic calendar)[۲][۳] مدینه، حجاز | ||||
| اولوم |
۱ آوریل ۶۷۰ میلادی (۴۵ یاش) (5 Rabi' al-awwal AH 50)[۴][۵] مدینه، اومویلر خیلافتی | ||||
| دفن | بقیع، مدینه، عربیستان | ||||
| حیات یولداشلاری |
لیست
| ||||
| اوشاقلار |
لیست
| ||||
| |||||
| قبیله | قریش (بنی هاشم) | ||||
| آتا | علی ابن ابیطالب | ||||
| آنا | فاطمه الزهرا | ||||
| دین | ایسلام | ||||
حسن ابن علی یادا ایمام حسن، علی و فاطمه‌نین بیرینجی اولادیدیر کی اوچونجو هیجری ایلی‌نین شعبان آیی‌نین آراسیندا مدینه شهرینده آنادان اوْلوبدور. او شیعه‌لرین ایکینجی ایمامی و سونیلرین بئشینجی خلیفه‌سیدیر کی سگگیز آی خلافت و ۱۰ ایل ایمامت ائدیبدیر. البته سونیلرین بیر تعدادی اونو سونونجو راشد خلیفه بیلیرلر و بیر تعدادی‌دا بۇ موضوعنو قبول ائدمیرلر.
ایچینده‌کیلر
خلافت[دَییشدیر]
علی‌نین کوفه‌دن ابن‌ملجمین الیله اؤلمه‌گیندن سوْنرا، حسن خلیفه عنوانیندا سئچیلدی؛ اما شامین والی‌سی -معاویه- بۇ مقامی قبول ائتمه‌ییب، حسنین ساواشینا گئدیر. کوفه‌نین لشگری معاویه‌نین جانبیندن ریشوه‌ایله توتوقلانیب و بۇ ترتیب‌ایله ساواشدان وازگئچیرلر و حسن مجبور اولور صولح ائتسین. او بۇ باره‌ده دئییر: «اگر ایکی بارماقلاریمین اندازه‌سینده وفالی یولداشیم اولسایدی، صولح ائتمزدیم».
ایمامت[دَییشدیر]
حسن خلافتدن ال‌چکندن سوْنرا مدینه‌یه قاییتدی. معاویه اوْنا بیر نامه یازیب و اوندان ایسته‌دی کی خوارجین علیهینه اوْلان ساواشدا، اونونلا ال‌بیر اولسون؛ اما حسن اونون جاوابیندا دئدی کی تکجه ایسلام اومتی‌نین آراسیندا آرامیشین حاکیم اولماسی اوچون صولح ائدیبدیر و هئچ موسلمان‌ایله ساواش ائدمه‌یه‌جکدیر. او مدینه‌ده آرام بیر یاشاییشا صاحیب اوْلوب و سیاسی ایشلرده دیخالت ائله‌میردی.
اؤلوم[دَییشدیر]
حسن ۵۰-جی هجری ایلی‌نین صفر آیی‌نین ۷ یادا ۲۸-ین‌ده مدینه شهرینده وفات ائتدی و اونون جنازه‌سینی بقیع قبرستانیندا -پئیغمبرین مسجیدی‌نین کاناریندا- تورپاغا تاپیشیردیلار. او قرارایدی پئیغمبرین کاناریندا دفن اوْلونا کی عایشه بۇ ایشین قاباغینی آلدی. حسنین آروادی -جعده- یزیدیله ازدیواج ائتمک وعده‌سی‌ایله -کی معاویه مطرح ائتمیشدی- بالا زهر قاتیب، اونو حسنه وئریب و اونو مسموم ائتدی.
عاییله[دَییشدیر]
ام‌بشیر (زید، ام‌الحسن و ام‌الحسینین آناسی)، خوله (حسن مثنانین آناسی)، ام‌الحق (حسین اثرم، طلحه و فاطمه‌نین آناسی)، نفیله (عمرو، عبدالله و قاسمین آناسی)، صافیه (عبدالرحمنین آناسی) و جعده، حسنین ان اونملی آرواد‌لاریدیرلار. حسنین ۱۵ اولادی واریمیش کی اونلارین سگگیزی اوغلان و یئدیسی‌ده قیز‌ایمیشللر. زئید، حسن مثننی، عمرو، قاسم، عبدالله، عبدالرحمن، حسین اثرم و طلحه اونون اوغلانلاری و ام‌الحسن، ام‌الحسین، فاطمه (سجادین آرواتی)، فاطمه (آیریسی)، ام‌عبدالله، ام‌سلمه و رقیه اونون قیزلاریدیرلار.
قایناقلار[دَییشدیر]
- ↑ Imam Hassan as.
- ↑ Shabbar, S.M.R. (1997). Story of the Holy Ka’aba. Muhammadi Trust of Great Britain. 30 October 2013 tarixində istifadə olunub.
- ↑ Shaykh Mufid. Kitab Al Irshad. p.279-289 Archived 27 December 2008 at the Wayback Machine..
- ↑ Hasan b. 'Ali b. Abi Taleb Archived 1 January 2014 at the Wayback Machine., Encyclopedia Iranica.
- ↑ ۵٫۰ ۵٫۱ Suyuti, Jalaluddin. تاریخ الخلفاء.
