ناماز
ناماز بیر سیرا دینلرده یاسالانمیش عیبادت و تاپینما بیچیمیندندیر.
| سریالین بیر حیصهسی |
| ایسلام دا |
|---|
 |
سؤزجوگون کؤکو
[دَییشدیر]تورکجه
[دَییشدیر]کؤکونونو تورکجه بیلنلر، اونو نوْم سؤزجوگویندن آلینمیش بیلیرلر کی آنلامی دین، شریعت و یوْل اوْلور. بۇ سؤزجوک دیوان-لغاتالترکده ایشلنمیشدیر: "بۆتون دینلره وئریلن آد، ‹تنگری نوْمو›[=تانری دینی]".
فارسجا
[دَییشدیر]بو سؤزجوگون کؤکون فارسجا، نمیدن فعلیندن آلینمیش بیلیرلر کی آنلامی اگیلمک، بئلینی اَیمک و تعظیم ائتمک اولور.
سانسکریتجه
[دَییشدیر]سانسکریتجه کؤکونو سانانلار، اونو ناماستهدن (هیندجه: नमस्ते، آنلامی: سلام) آلینمیش سؤزجوک بیلیرلر.
ناماز دینلرده
[دَییشدیر]ایسلام
[دَییشدیر]ایسلامدا ناماز مۆستحب و یا واجیب اولور. گؤندهلیک واجیب نامازلار ۱۷ رکعتدیر. نامازی موسلمانلار قیبلهیه ساری کی مکهده یئرلهشیبدیر قیلارلار. ناماز تکجه یا بیرلیکده قیلینا بیلینر.
نامازدا اول رکعتده حمد سورهسی و ایکینجی رکعتده توحید سورهسی یوْخسا باشقا سوره اوخویارلار. هر رکعتده، ۲ سجده و بیر روکوع اولار. ۲-جی رکعتده بیر قونوتون اوْلماسی دا مۆستحبدیر. نامازین ایشلری ایسلامین فیرقهلرینده بیر آز فرقلیدیر. ناماز سؤزجوگو دیل کودو اعتیبارسیز دیر. و اوندان آلینمیش سؤزجوکلر قرآن کریمده ۹۹ سفر گلیبدیر. صلاةا اۆچ آنلام یازیرلار:
- صل کؤکوندن کی آنلامی شرابی سۆزمه و بیر دۇرۇ مادّه چیخارتماغا دئییلیر.
- صلی کؤکوندن کی آنلامی اوْتدا یاندیرماق اولور.
- وصل کؤکوندن کی آنلامی باغلاماق و ایلگیلهمک اولور.
شریعته گؤره مۆسلمانلار گۆنده بئش واخت واجیب ناماز قیلمالیدیرلار. بۇنلار سحر نامازی، ناهار نامازی، ایکیندی نامازی، آخشام نامازی و گئجه نامازیدیر.
زردۆشتلوک
[دَییشدیر]زردوشتلوکده گۆنده بئش واخت ناماز قیلینیر. زردوشتلولر نامازدا بۇ شرطلری رعایت ائتمهلیدیرلر: پالتارین پیسلیکلردن تمیز اوْلماسی، مخصوص پالتارلارین گئیمهسی، دستناماز آلماق (الی دیزکدن بارماقلارین اۇجوناجا، اۆزو قۇلاقلارین آرخاسیندان چنه و باشین اوْرتاسیناجا و آیاغی اۆچ مرتبه یۇماق)، ناماز یئرینین پیسلیکلردن تمیز اوْلماسی، ناماز یئرینین غصب اوْلماماسی. هابئله ناماز ایشیغا ساری (گۆنش، آی، چیراق، اوْد) قیلینیر. زردوشتلوک نامازیندا روکوع و سجده ده واردیر. گۆنوموزده بئش چاغ نامازی عۆمۇماً موبدلر قیلیرلار و زردوشتلولرین چوْخو سادهجه سحر-آخشام دۇعالارینی اوْخویورلار.[۱]
مسحیحیت
[دَییشدیر]یهودیت
[دَییشدیر]بیرده باخ
[دَییشدیر]قایناقلار
[دَییشدیر]- ↑ سیمای نماز در آئین زردشتی و صابئی (فارسجا). پایگاه اطلاعرسانی حوزه.