حضرت مهدی
حجت بن حسن (حضرت مهدی، قایم، بقیه‌الله، حجت‌الله، منتظر، غایب، صاحب‌الامر، موعود، ولیعصر، اباصالح و منصور) شیعه‌لرین اون‌ایکینجی ایمامیدیر کی ۲۵۵ اینجی هیجری ایلینین شعبان آیینین آراسیندا سامیرا شهرینده آنادان اولوبدور. اونون آتاسی ایمام عسکری -شیعه‌لرین اون‌بیرینجی ایمامی- و آناسیدا نرجیسیدیر.
ایمام عسکرینین شهادتیندن سونرا، شیعه‌لرین آراسیندا ایمامت موضوعسوندا بؤیوک ایختیلاف یاراندی. اون‌ایکی‌ایماملی شیعه‌لرین عقیده‌لری اساسیندا، مهدی بئش یاشیندا ایمامته چاتدی. او ۲۶۰ اینجی هیجری ایلیندن ۳۲۹ اونجو هیجری ایلینه قدر، شیعه‌لریله ناییبلرین توسوطیله ایرتیباطدایدی و بو دووران، صوغرا غیبتی آدلانیر. صوغرا غیبتیندن سونرا ظوهور زامانینا قدر، او کوبرا غیبتده‌دیر. دییلیب دیر بو حضرت بیر، گون کیمی دیر کی بولوت لارین دالیسیندادیر و بیر گون ایشیخلاناجاخ.
