قازان بَی

ویکی‌پدیا، آچیق بیلیک‌لیک‌دن
(سالور قازان-دن يوْل‌لاندیریلمیش)
پرش به ناوبری پرش به جستجو

قازان بَی (قازان بک، قازان خان، اۇلاش اوْغلو سالور قازان) اۇروزون آتاسی، قاراگونه‌نین قارداشی. دده قورقود کیتابی‌نین ایکی، اۆچ، دوْققوز، اوْن بیر بوْيلاریندا ایشتیراک ائدیر.[۱][۲][۳] بایاندور خانین قیزی بورلا خاتون قازان بَی-ین خانیمیدیر.

قازان بَی دده قورقود کیتابیندا[دَییشدیر]

سالور قازانین ائوی‌نین یغمالانماسی دده قورقود کیتابی‌نین ایکینجی بویو اولاراق سالورقازانین آدی ایله باغلیدیر. بۇ بویدا قازان بَی بئله گؤستریلیر[۴][۵][۶]:

" بیرگۆن اۇلاش اوْغلو، تۇلو قۇشون یاوروسی، بئزه مسکین اۇمودی، آمت سۇیونون آسلانی، قاراچوغون قاپلانی، قوْنور آتین آیاسی، خان اوروزون آغاسی، بایندر خانین کؤیگوسی، قالین اوغوز دؤلتی، قالمیش ایگیت آرخاسی، سالور قازان یئریندن دۇرموشدۇ.[۷] "

قازان بَی ایکینجی بوْیدا اوْوا چیخان زامان گۆرجیستان شاهی شوکلی ملیک ائوین-یۇردون تالان ائدیر. قازان بَی یۇخو گؤره‌رک ائوینه دؤنوب ماجرانی بیلیب کافیرلر گئدن یوْلو سوْروشا-سوْروشا گئدیر. سۇدان سوْروشوب کئچندن سوْنرا قۇردا راست گلیر:

" بو کز بیر قوردا توش اولدی. قورد یوزی مبارکدیر. قورد ایلن بیر خبرلشیم دئدی. گؤره‌لیم، خانیم، نه خبرلشدی. قازان آیدر:

قارانقو آخشام اوْلاندا گۆنو دوْغان!
قارایله یاغمور یاغاندا ارکیمی دۇران!
قره قوْچ آتلاری کیشندیرن!
قیزل دوه گؤردو گۆنده قۇیروق چیرچیب قامچیلایان!
آرخاسینی وۇروب برک آغیلین آردین سؤکن!
قارما اؤکج سیمیزین آلیب تۇتان!
قانلی قۇیروق اۆزوب چاپ-چاپ اۇدان!
آوازی قابا کؤپکلره غوْغا سالان!
چاخماخلیجا چوْبانلاری دونله یۆگوردن!
اوْردومون خبرین بیلیر میسَن، دئگینن منه!
قره باشیم قۇربان اوْلسون، قۇردوم، سنه!دئدی.

"

قایناقلار[دَییشدیر]

  1. حاجیف, توفیق (۲۰۰۴). -Dədə Qorqud kitabı ensiklopedik lüğət (آذربایجان تورکجه‌سی (لاتین)). باکی: Öndər nəşriyyat, ۲۰۵.
  2. Tofiq Hacıyev (۲۰۱۲). QAZAN XAN (آذربایجان تورکجه‌سی (لاتین)). Öndər Nəşriyyat. یوخلانیلیب ۱۲ اوکتوبر ۲۰۱۵.
  3. Tofiq Hacıyev (۲۰۱۲). ULAŞ OĞLI SALUR QAZAN (آذربایجان تورکجه‌سی (لاتین)). Öndər Nəşriyyat. یوخلانیلیب ۱۲ اوکتوبر ۲۰۱۵.
  4. قورقود, دده (۱۶-جی عصر). کتاب دَدَم قورقود علی لسان طایفه اوغوزان (درسدن نوسخه‌سی) (تورکجه), ۳۵-۳۶.
  5. فرزانه, محمدعلی (۱۳۸۵۸). دده قورقوت کیتابی -کتاب دده قورقوت- (بازنویسی از روی متن اصلی) (تورکجه-فارسجا). تهران: انتشارات فرزانه, ۳۹.
  6. زارع شاهمرسی, پرویز (۱۳۹۲). کتاب دده قورقود (درسدن یازقیسی), اول. تهران: انتشارات تک درخت, ۲۷.
  7. " درسدن نوسخه‌سینده:بر کون اولاش اوغلی، تولو قوشک یاوری، بزه مسکین اومودی، امت صوینک اصلانی، قره جوغک قپلانی، قوکر اتک ایاسی، خان اوروزک اغاسی، بایندرخانک کویکوسی، قالن اوغوزک دولتی، قالمش یکت ارخاسی، سالور قزان یرندن طورمشدی "
    .