باسات

ویکی‌پدیا، آچیق بیلیک‌لیک‌دن
پرش به ناوبری پرش به جستجو

باسات دده قورقود کیتابی‌نین داش اوْغوز بَیلریندن اوْلان، باسات تپه گؤزو اؤلدوردویو بوْیونون ایکی اصلی شخصیتدن بیری، تپه گؤزو اؤلدورن قهرماندیر.

باسات دده قوْرقود کیتابیندا[دَییشدیر]

باساتین اوْغوز ائلی کؤچرکن دۆشوب آسلان الی ایله بؤیومه‌سی دده قوْرقود کیتابیندا بئله تصویر اوْلوبدور:[۱][۲][۳][۴][۵]

" مگر خانیم، بیرگۆن اوْغوز اوْتورارکن اۆستونه یاغی گلدی، گئجه‌ایله هۆرکوب (قوْرخوب)، کؤچدو. قاچیب گئدرکن آروز قوْجانین اوْغلانجیغی دۆشموش، بیر آسلان تاپیب، گؤتوروموش بسله‌میش.

اوْغوز گئنه ایاملا گلیب یۇردونا قوْندو. اوْغوز خانین ایلخی‌چیسی گلیب خبر گتیردی، آیدر: -خانیم! قامیشلیقدان بیر آسلان چیخار، آت وورار. اپول-اپول یوروشی آدامی کیمی، آت باسیبان قان سوْمورار. آروز آیدر:-هۆرکدویونوز (قوْرخدوغونوز) وقتین دۆشن منیم اوْغلانجیغیمیدیر بلکه؟ -دئدی. بگلر میندیلر، آسلان یاتاغی اۆزه‌رینه گلدیلر. آسلانی قالدیریب اوْغلانی تۇتدولار. اۇروز اوْغلانی آلیب ائوینه گتیردی. شادلیق ائتدیلر، یئمه-ایچمه اوْلدو. آما اوْغلانی نه قدر گتیردیلرسه، دۇرمادی، گری آسلان یاتاغینا واردی. گئری تۇتوب گتیردیلر. ددم قوْرقوت گلدی، آیدر: -اوْغلانیم! سن انسانسان، حئیوانلا مصاحب اوْلما! گل یاخشی آت مین، یاخشی ایگیدلرله بیرگه چاپ. -دئدی. اۇلو قارداشین آدی قییان سلجوقدور، سنین آدین باسات اوْلسون. آدینی من وئردیم، یاشینی آللاه وئرسین. -دئدی.[۶]

"

بیر-بیری ایله ساواشاندا تپه گؤز باساتین کیم اوْلدوغو سوْروسا قاباغیندا بۇنلاری ائشیدیر:

" اوْلدوغوم یئر یۇردوم منیم گۆن اوْرتاجدیر،
قارانلیق ایچره یول آزسام، اومودوم آللاه
قاباغدا بایراق گؤتورن خانیمیز بایاندور خان
قیرغین گۆنو اؤنده گئدن آلپیمیز سالور اوْغلو قازان
آنامین آدین سوْروشسان: قابا آغاج
آنامین آدین سوْروشسان:قوْغان آسلان
منیم آدیم سوْروشسان: آروز اوْغلو باسات-دیر
-دئدی.[۷]
"

قایناقلار[دَییشدیر]

  1. قورقود, دده (۱۶-جی عصر). کتاب دَدَم قورقود علی لسان طایفه اوغوزان (درسدن نوسخه‌سی) (تورکجه).
  2. فرزانه, محمدعلی (۱۳۸۵۸). دده قورقوت کیتابی -کتاب دده قورقوت- (بازنویسی از روی متن اصلی) (تورکجه-فارسجا). تهران: انتشارات فرزانه, ۱۵۷–۱۵۸.
  3. زارع شاهمرسی, پرویز (۱۳۹۲). کتاب دده قورقود (درسدن یازقیسی), اول. تهران: انتشارات تک درخت, ۱۰۹.
  4. اسماعیل‌زاده دوزال, رسول (۱۳۷۸–۱۹۹۹). دده قورقود داستانلاری اوشاقلار و جوانلار اوچون مۆعاصیر آذربایجان دیلینده, اول (تورکجه). تهران: انتشارات بین‌المللی المهدی, ۱۹۷–۲۰۰. آی‌اس‌بی‌ان: ۷-۲۳۳-۴۷۲-۹۶۴.
  5. محسنی, عزیز (۱۳۸۱). دده قورقود (تورکجه). انتشارات تابان, ۲۰۰–۲۰۱.
  6. " درسدن نۆسخه‌سینده:مکر خانم بر کون اغوز اوتوررکن، اوستنه یغی کلدی. دون ایچنده اورکدی، کوچدی. قپوب کیدرکن، اروز قوجه نک اوغلنجغی دشمش، بر اصلان بولپ کوترمش، بسلمش. اغوز کنه ایامله کلوب، یوردنه قوندی. اغوز خانک ایلقجسی کلوب، خبر کتوردی. ایدر. خانم سازدن بر اصلان چقر ات اورر. اپول اپول یوریشی ادم کبی، ات بصوبن قان سمورر. اروز ایدیر. خانم اورکدکمز وقتن دوشن منم اوغلنجغم در بلکه دیدی. بکلر بندیلر. اصلان یتاغی اوزرنه کلدیلر. اصلانی قالدرب، اوغلانی طوتدیلر. اروز اوغلانی الوب ایونه کتوردی. شادلیق ائتدیلر. یمه ایچمه اولدی اما اوغلانی نقدر کتوردلرسه طورمدی. کرو اصلان یتاغنه واردی. کرو طوتب کاتوردلر. ددم قورقود کلدی. ایدر. اوغلانم سن انسانسن، حیوانله مصاحب اولمغل. کل یخشی آت بین. یخشی یکترلریله اش یورت دیدی. اولو قرداشک ادی قیان سلجکدر. سنک ادک بساط اولسون. ادکی من ویردیم، یاشوکی الله ویرسون دیدی. "
  7. " درسدن نۆسخه‌سینده:قلارده قوپارده یرم کون اورتاج. قرکو دون ایچره یول ازسم، اموم الله. قبا عالم کوترن خانم بایندر خان، قریش کونی اوکدین دپن، الپمز سالور اوغلی قزان. اتام ادین صورر اولسک، قبا اغاج. اتام ادین دیرسک، قغان اصلان. منم ادم صوررسک، آروز اوغلی بساط در دیدی. "