قارا گونه

قارا گؤنه دده قورقود کیتابی‌نین قهرمانلاری‌نین بیری، قازان بَی-یین قارداشیدیر.

قارا گؤنه دده قورقود کیتابیندا

دده قورقود کیتابی‌نین قازان بَی اوغلو اوروزون دوستاق اولماسی بوْیوندا، قازان بَی-ی یاردیم اۆچون گلن اوْغوز بَیلرین سیرالایاندا قارا گؤنه ایلک یئرده دۇورود. قارا گؤنه کیتابدا بئله توْصیف اوْلونور:

بۇ محلده اوْغوز ارنلری بیر-بیر یئددیلر. گؤره‌لیم، خانیم، کیملر یئددیلر. قارادره آغزیندا قادر آللاه وئرن، قارا بۇغا دریسیندن پشگینین دریسی اوْلان، آجیغی تۇتاندا قاراداشی کۆل ائیله‌ین، قارا بیغین یئددی یئرده انسه‌سینه دۆشن، قازان قارداشی قارا گؤنه چاپار یئددی: -چال قیلینجین قارداش قازان، یئددیم! دئدی. اوْنون آردینجا خانیم، گؤره‌لیم، کیملر یئددی. دمیرقاپی دربندده کی دمیر قاپینی قاپیب آلان، آلتمیش توتام آلا گوندرین اۇجوندا ار بؤگوردن، قازان کیمی پهلوانی بیر ساواشیندا اۆچ کز آتیندان ییخان، سلجوق اوْغلو دلی دوْندرا چاپار یئددی: -چال قیلینجین آغام قازان، یئددیم! - دئدی.