سوریه ایچ ساواشی

سوریه ایچ ساواشی

  سوریه رژیمی سیلاحلی گوجلری

  سوریه موخالیفلری

  النوصره جبهه‌سی

  عراق و شام ایسلام دؤلتی

  سوریه دموکراتیک گوجلری

   ساواشما گئدن یادا ایختیلافلی بؤلگه‌لر

سوریه ایچ ساواشی، سوریه اینقیلابی، سوریه قیامی یا دا سوریه بؤحرانی (عربجه: الحرب الأهلية السورية)، سوریه بعث حیزبینه صادیق عسکرلر و بونلاری دستکله‌ینلر ایله بو حیزبی ایقتیداردان اندیرمک ایسته‌ین سوریه موخالیفلری آراسیندا باشلایان، سونراسیندا داعش، النوصره، و بعضی کورد، تورکمن، دروزی و سوریانی قوروپلارین دا قاتیلدیغی، سون دؤورده ایسه روسیه، ایران، آمریکا و تورکیه کیمی خاریجی گوجلرین ده داخیل اولدوغو چاتیشمالاردیر. تظاهوراتلار 15 مارس 2011-ده باشلامیش و مئی 2011 تاریخینده اؤلکه‌نین بیر چوخ یئرینه یاییلمیشدیر.

مئی 2011 تاریخینده سوریه اوردوسو قیامی باسدیرماق اۆچون تظاهوراتچیلارا آتش آچمیشدیر. آیلارجا داوام ائدن عسکری باسقینین آردیندان تظاهوراتلار سیلاحلی قیاما دؤنموشدور. چوخونلوقلا قاچمیش عسکرلر و مدنی کؤنوللولردن تشکیل تاپان موخالیف گوجلر، مرکزی بیر لیدرلیک اولمامازلیقدان دایانیشا ال وورموشلار. اؤلکه عومومیّتینده هر قصبه، کند و شهرده یاشانان چاتیشمالار غئیر-موتقارین بیر ساواشا دؤنموشدور. 2013 ایلینده حیزب الله، بشار اسده صادیق اولان گوجلرین یانیندا ساواشا داخیل اولموشدور. بشار اسد رژیمی روسیه و ایراندان عسکری و مالی دستک آلارکن، موخالیفلر قطر و سعودی عربیستاندان سیلاح دستگی آلیرلار. پاییز 2013 تاریخی اعتیبارییله بشار اسد رژیمی اؤلکه‌نین %30-40ینی و اؤلکه نوفوسونون %60ینی کونترول ائتمکده‌ ایمیش.

بیرلشمیش میلّتلر تشکیلاتینین یایدیغی معلوماتا گؤره اؤلو ساییسی 2015 تاریخی اعتیبارییله 220.000-ی آشمیشدیر. سوریه سیاسی آراشدیرمالار مرکزی، سوریه ایچ ساواشی سببییله موستقیم و یا غیر-موستقیم حیاتینی ایتیرن اینسانلار ساییسینی 2016-دا 470.000 اولاراق آچیقلامیشدیر.

قایناق‌لار

• تورکیه تورکجه‌سی ویکی‌پدیاسی‌نین ایشلدنلری طرفیندن یارانمیش«Suriye İç Savaşı»، مقاله‌سیندن گؤتورولوبدور. (26 آقوست 2016 تاریخینده یوْخلانیلیبدیر).