نوروژ

نوروژ، یادا رسمی آدیلا نوروژ شاهلیغی، اوروپانین قوزئی‌ینده یئرلشن بیر اؤلکه دیر. نوروژ ۳۸۵٬۲۵۲ کیلومتیر مساحت ایله، ۵٬۴۲۵٬۲۷۰ نفر جمعیتی واردیر. بۇ اؤلکه دوغودان سوئدله قوزئی‌دوغودان ایسه روسیه و فنلاند ایله قونشودور.

تاریخ

۸. - ۱۱. یوزایل قرن‌لری‌نین آراسیندا نروژده وایکینق‌لر آدیندا بیر قبیله حوکومت ائدیردیلر. وایکینق‌لر کی ساواشجی بیر قبیله تانینینلار، غربده بویوک بریتانیا، ایسلند، قرینلند و حتی شومالی آمریکایا قدر گئدیب اوز مستعمره‌لری‌ ائدمیشدیلر. ۱۰۰۰-جی میلادی ایلین حدودوندا مسیحی مبلغ‌لر مسیحیت دینی‌نین یایماسینا باشلادیلار. نوروژ شاهی بیرینجی هاکون مسیحیت دینی‌نی قبول ائتدی و اونون اوغلو بیرینجی اولاف نوروژده ایلک مسیحی کلیسانی قوردی. ۱۰۳۰-جو میلادی ایلینده نوروژ دانمارک‌لار الینه دوشدو و نوروژ، دانمارک شاهی‌نین قوردوغو ایمپیراتولوغونون بیر پارچاسی اولدو.

نروژین بوتونون ایلک دفعه بیر بایراق آلتینا آپاران بلوند هرالد.

۱۳۶۳-جو میلادی ایلینده نوروژین آلتینجی شاهی، هاکون دانمارکین دوردونجو شاهی والدمارینین قیزی بیرینجی مارقریت ایله ائولنیب و ایکی اؤلکه‌نی بیر بایراق آلتیندا بیرلشدیردی. آیریجا هاکون سوئدین سلطنتی عائیله‌سی‌‌نه باغیلیدیر. اونداکی اولاف بو ائولنمکین اوشاخی آز یاشدا ۱۳۸۷-جی میلادی ایلینده وفات ائتدی، بیرینجی مارقریت شاهلیقا یئتیشدی و نروژ، دانمارک و اونلارین مستعملری (فارو جزیره‌لری، ایسلند، قرینلند و فنلاند) بیرلشدیریب کالماربیرلیقی آدی آلتیندا بویوک بیر اسکاندیناوی ایمپیراتورلوغونا تبدیل ائتدی.

نروژ شاهی ایکینجی هارالد

۱۵۲۱ میلادی ایلینده نوروژ کالماربیرلیقی‌یندن چیخدی و ۱۸۲۱ میلادی ایلینه قدر نوروژ-دانمارک آدیندا دانمارک‌ایله بیر شاه‌ین طرفیندن ایداره اولونوردو. ۱۸۱۴-جو میلادی ایلینده ناپلئون ساواشلاریندا دانمارک سوئده مغلوب اولوب و مجبور اولدی نوروژی سوئده وئرسین، آما نوروژلی‌لر سوئدین بایراقی‌نین آلتیندا اولماقی ایستمیردیلر و چوخلو چالیشمالاردان سونرا ائلیه بیلدیلر اوز ایستیقلال‌لارین سوئددن آلسینلار.

بیرینجی دونیا ساواشیندا نوروژ طرفسیز قالدی آما ایکینجی دونیا ساواشیندا طرفسیز قالما نیّتی‌له ۹ آوریل ۱۹۴۰ دا نازی آلمان طرفیندن ایشغال ائدیلدی و ۸ مه ۱۹۴۵ نازی‌ آلمانین تسلیم اولماقینا قدر ایشغال آلتیندا قالدی. ۱۹۴۹ دا نوروژ ناتونون عضوی اولدو. ۱۹۷۲ و ۱۹۹۴ میلادی ایلینده اولان رفراندوملاردا نوروژ خالقی نوروژین اوروپا بیرلیقی قوشولماقین ایستمدیلر. ایندیلیکجه‌ده دونیا بیرلشمیش میلتلر سازمانی (سازمان ملل) نوروژی دونیانین اَن پیشرفته اؤلکه‌لری‌ندن بیری ساییر.

توپلوم بیلیمی

دیل

نوروژین دیلسل نقشه‌سی

گؤرونتولر

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

==قایناقلار==