مئرگئن

ویکی‌پدیادان، آچیق بیلیک‌لیک‌دن
(ائلوانیره-دن يوْل‌لاندیریلمیش)

مئرگئن - تۆرک میفوْلوْژیسینده عاغیل تانریسی. پئرگئن خان و يا مئرئگئن خان اوْلاراق دا خاطیرلانیر. هر شئيی بیلیر. عاغیلی و ذکانی تمثیل ائدیر. گؤيون يئددینجی قاتیندا اوْتورار. مۆدریکلیک صاحبیدیر. هر شئيی بیلدیگی اۆچون هر شئيه گۆجو يئتر. اوْخو و يايی واردیر. مۆدریکلیگی ایله آتدیغی اوْخ هدفیندن يايینماز. اینسانلارا مۆدریکلیک وئریر. علمی و فلسفه‌نی حمایه‌‌ ائدیر.

ائتیموْلوْژی[دَییشدیر]

(بئر / پئر / مئر) کؤکوندن تؤره‌میشدیر. اوْخچو، نیشانجی، قهرمان دئمکدیر. مغولجادا مۆدریک، داهیلیک دئمکدیر. مانچژور دیلینده ده بیره-بیر عئینی شکیلده مئرگئن اوْلاراق آدی کئچر.

قایناقلار[دَییشدیر]