شامانیزم

شامانیزم — بۆتون دینلرین چیخیش قایناغی اوْلاراق بیلینن اسکی بیر اینانج سیستمی. شامانیزمین کؤکنلری میلاددان اؤنجه ۵۰ مینلی ایل‌لره کیمی دایانیر. طبیعته عیبادت ائدن، یاغیش، قار، گۆنش، یئل، … کیمی طبیعت گۆجلرینه عیبادت ائدن بیر اینانج شکلیدیر. چیخیش مرکزی اوْرتا و قۇزئی آسیا اوْلاراق بیلینسه ده، اۇزاق شرق، قۇزئی و گۆنئی آمریکا و اوسترالیا کیمی یئرلرده ده ایزلری تاپیلمیشدیر.

شامانیزم (تۆرکلرده گؤی تانری اینانجی) هله ده قۇزئی و اوْرتا آسیا تۆرکلرینده گؤرونور. شامان سؤزجوگو هیندوستاندا یاشایان پالی‌لرین دیلینده روحلاردان ایلهام آلان معناسیندا اوْلان سامانا سؤزجوگوندن گلیر. تۆرکجه قارشیلیغی حرکته کئچیرن، حرکتلی آنلاملی «قام» سؤزجوگودور. قاملار قادینلاردان دا اوْلور، حتی سیبری شامانلاری‌نین روایتلرینده ان گۆجلو شامان قادیندیر.