اود آنا

ویکی‌پدیا، آچیق بیلیک‌لیک‌دن
پرش به ناوبری پرش به جستجو

اوْد آنا - تۆرک، آلتای و تاتار میفوْلوْژیسینده آتش ایلاهه‌سی. مۆختلیف تۆرک دیللرینده ووْت (وۇت، اۇغوْت، اۇووْت) آنا اوْلاراق دا بیلینر. مغوللار گال ائجئ دئیرلر. اوْجاغی و ایچینده‌کی آتشی قوْرویار. قێرمیزی پالتار گئیمیش یاشلی بیر قادیندیر. اوْد دیلیملریله دالغالانان قێرمیزی ایپکدن بیر خالاتی واردیر. گنج آل بیر مادیان اۆزرینده سیاحت ائدیر. اۇزون قێرمیزی ساچلاری واردیر، ساچلاری هؤرگولودور و اوْد دیلیملرینه ایشاره‌دیرر. دؤشلری چوْخ بؤیوکدور. اوْد آنا، عمومی اوْلاراق ائولرده‌کی و چادیرلارداکی اوْجاقلاری و آتشینی قوْرویار. هر اوْجاغا بیر اییئ (قوْرویوجو رۇح) گؤندریر. یئددی اوْغلو واردیر و یئددیسی ده اوْد تانریسیدیر. یئر اۆزونده‌کی ایلک اوْجاغی اۆلگنین قێزلاری یاندیرمیشدیر. سوْنرا دا اوْد آنایا امانت ائتمیشدیر. اوْد آنا هر بیر اوْدا و اوْجاغا بیر اییئ (قوْرویوجو رۇح) گؤندریر. دوْققوز آتش چایی‌نین قوْوشاغیندا دوْققوز گۇشه‌لی میس بیر ائوده یاشاییر. ائوین، اؤلکه‌نین قوْرویوجولوغونو دا ایشاره‌لر. اؤز اۇشاغینی یئدیگی دئییلر. بۇ وضعیت آتشین آرتیب-آزالان یالیملی طبیعتینی خاطیرلادار. گؤی یئردن آیریلارکن یارادیلمیشدیر. مغوللاردا نیکاحین سیمووْلودور. کاراچایلاردا "تئب آنا" فوْرماسی ایشله‌دیلیر و تابیتی آدلی اسکیف اوْد تانریسی ایله علاقه‌‌لیدیر. تاتار میفوْلوْژیسینده اوْد آتاسی، اوْد اییئسی و اوْد آناسی بعضا تک بیر وارلیغا وئریلن مۆختلیف آدلار اوْلدوغو گؤرونور. لاکین آرالارینداکی ان اهمیتلی فرق، اوْد اییئسی‌نین یالنیز معین بیر اوْجاغا و یا آتشه باغلی اوْلماسیدیر. اوْد آناسی و اوْد آتاسی ایسه بۆتون اوْجاقلارین و آتشلرین صاحبیدیر و ایسته‌دیگی‌نین یانینا گئده بیلر. اوْد اییئلرینی بۇ آتشلری قوْروماق اۆزره اوْد آنا و اوْد آتا گؤندریر.

ائتیموْلوْژی[دَییشدیر]

(اوْد/اوْت) کؤکوندن تؤره‌میشدیر. آتش دئمکدیر. مغولجادا اوْد سؤزونون اۇلدوز معناسینا گلمه‌سی ایسه دقت چکیجیدیر. داقور دیلینده هوْد سؤو ده يئنه اۇلدوز دئمکدیر.

بیرده باخین[دَییشدیر]

قایناقلار[دَییشدیر]

  • آذربایجان جۆمهۇریتی تۆرکجه‌سی ویکی‌پدیاسی‌نین ایشلدنلری طرفیندن یارانمیش«Od Ana»، مقاله‌سیندن گؤتورولوبدور. (۲۴ اوْکتوبر ۲۰۱۷ میلادی تاریخینده یوْخلانیلیبدیر).
  • Türk Əfsanə Sözlüyü, Dəniz Qaraqurd, Türkiyə, 2011, (OTRS: CC BY-SA 3.0)