جاماییکا

جاماییکانین یئری اورتا آمریکا و کاراییب دنیزینده

جاماییکا (اینگیلیسجه. Jamaica) اورتا آمریکا بؤلگه‌سینده کاراییب دنیزینده یئرلشن بیر آدا و اوْلکه آدی دیر. بۇ آدا بؤیوک آنتیللر آدالار توپلوسونون بیر آداسی دیر. ساحیل‌لری‌نین اوزونلوغو 1022 ک.م.-دیر. اراضی‌سی اساساً داغ‌لیقدیر. ساحیله یاخین اراضی‌لرینده اووا‌لیق‌لار وار. ان یوکسک نقطه ماویداغ‌دیر (2256 م.). کریستوف کولومب جاماییکانی 1494-جو ایلین می آیی نین 5-ینده تاپمیشدیر. جاماییکا دونیادا بوکسیت ذخیره لرینه گؤره 4-جو، هاسیلاتینا گؤره 2-جی یئری توتور. اؤلکه اوچون توریسم اساس گلیر قایناقلاردان بیری‌دیر. جاماییکا نین توپلوم سایی سی (نفوسو) 2015جی ایلده 2,950,210 نفر ایمیش و باشکندی کینگستون دور. جاماییکانین رسمی دیلی اینگیلیسجه. جاماییکالیلارین چوخو پروتستان مسیحی و آزینلیغی دا کاتولیک دیرلر.

جاماییکانین بایراغی

جاماییکانین خریطه سی