شاهین دژ

ویکی‌پدیا، آچیق بیلیک‌لیک‌دن
پرش به ناوبری پرش به جستجو
سایین قالا افشار
سایین قالا.jpg


نقشه اوستونده یئری
سایین قالا افشار در ایران قرار گرفته‌است
سایین قالا افشار
سایین قالا افشار
بیلگی‌لر
اساسی قویولوب 1318[۱]
ایلک آدی سایین قالا افشار

صائین قالا

صائین دژ

اهالی ۳۷٬۹۶۲[۲] نفر (۲۰۱۱)
نقلیات واسیطه‌سی کودو ایران ایران ل ۲۷
سوی و دیل آذربایجان تورکجه‌سی
مذهب و دین موسلمان شیعه
بلدیه باشچی‌سی علی مؤمنی[۳]
ساعات قورشاغی سایین قالا بلدیه سی


سایین قالا افشار شهری باتی آذربایجانین گونئی شهرلریندن بیری دیر. بۇ شهر اوستانین گونئی دوغوسوندا یئرلشیب قوزئی دن میاندوآب (قوشاچای) بولگه سی باتی آذربایجان اوستانینده گونئی دن سقز بولگه سی کوردوستان اوستان دن دوغو دان تکاب (تیکان تپه) باتی آذربایجان دا و باتی دان بوکان (بی کند) بولگه سی باتی آذربایجان اوستانین آراسیندا یئرلشیب و قونشو دور. بوُ شهرین اکثریتی تورک دورلر و آذربایجان تورکجه‌سینده دانیشیرلار. سایین‌قالانین اصلی اهالی‌سی افشارلاردیر. سایین قالا ایله تکاب (تیکان‌تپه)، افشار محالی آدلانیر.

آد[دَییشدیر]

  • سایین قالا: بوُ شهر محلی دیلده سایین‌قالا، شاهن دژ یوخسا شاهان دژ آدلانیر. پهلوی زامانی شهرین آدی «صایین‌قالا» دان «صایین‌دژ» ه چئویریلیب، جومهوری ایسلامی ایران زامانی «شاهین‌دژ» ه چئویریلدی.[۴]
  • افشار: افشارمنطقه سی ایکی اونملی موشخص سانکی فرقلی هاوا لا بیرلشیب بۇ منطقه باتی آذربایجان اوستانین گونئی دوغوسوندا بیجار، گروس، خمسه زنجان و سراسکند میانا آراسیندا یئرلشیب افشار منطقه نین (یوخاری ماحالین اورتاسی) تیکان تپه دیر و اوبیری منطقه نین سایین قالا اورتاسیلا (آشاغی ماحال) آدلانیب.[۵]

تاریخ[دَییشدیر]

صفویه[دَییشدیر]

شاه‌عباس صفوی اترک گونئی‌ینده اوْلان افشار اویماقلاریندان آذربایجانا کؤچوتدوروب، بیجار، ساققیز و زنجان آراسیندا یئرلشدیردی. افشار بؤیوکلری صفویهنین آخیرلاریندا داها چوخ گوجلندی‌لر. بوُ بؤلگه‌نین افشارلاری اؤزلری‌نی قاسم‌لی افشارلاریندان بیلیرلر.[۴]

زندیه[دَییشدیر]

زندیه چاغیندا سایین‌قالا داها چوخ آبادلانیر. بازارچالار و کَروانخانالار شهرده تیکیلیب، اطراف بؤلگه‌لرین خالقی عراق و شامداکی مذهبی یئرلره گئتمک اوچون بوُ شهردن گئچیب مووقّتاً شهرده قالیردی‌لار. بوُنا گؤره شهرین نوُفوسو آرتیریلمیش ایدی.[۴]

نادرشاه افشار چاغی[دَییشدیر]

قمری هیجری ۱۱۴۲-جی ایلدن، عثمانلی دؤلتی آذربایجانی توُتموشدو. تیمورپاشا، آذربایجانین عثمانلی باشچی‌سی، تبریزده قالیردی. نادرشاه همدانی توُتاندان سوْنرا، سنندج یولوندان قاییداندا، تیمورپاشا تبریزین عثمانلی حاکیمی، علیرضاپاشا موکری حاکیمی ایله ال‌بیرلری‌نین آذربایجانین بیر بؤلومونو توُتوب اعتیبارلی شهرلرینده یئرلشیب او بؤلگه‌لرده حمله ائتمکده اولماقلاری‌نی ائشیتدی. بوُنا گؤره کیرمانشاها گئتمک‌دن واز گئچیب، ق.هـ. ۱۱۴۳ده کوردوستان یولوندان صفاخانا آدلانان سایین‌قالانین کندلری‌نین بیرینه گیریب سوْنرا شهره گیردی. شهرده بیر مودّت قالاراق دوشمانین موقعیتین بیلندن سوْنرا، عثمانلی‌لارین قوشاچایدا (میاندوآب‌دا) اوْلان قوشون باشچیلیگی‌نا حمله ائتدی. عثمانلی قوشونو آز مودّت دایانیب، نادرین گوجونو دوشونندن سوْنرا قاچدی. نادرشاه عثمانلی قوشونونو اوشنویهیه‌جه ایزله‌ایب چوخونو اؤلدوردو. بئله‌جه آذربایجانین چوخلو بؤلومو عثمانلی دؤلتی‌نین الیندن چیخیب، قوشاچای، ماراغا، سویوق‌بولاق (مهاباد) و توُفارقان (آذرشهر) بؤلگه‌لری قایتاریلدی. نادرشاه افشار قمری ۱۱۵۸-جی ایلده، موصول دؤیوشوندن قاییداندان سوْنرا، عثمانلی دؤلتی ایله صولح ائتدی. بوُ چاغدا افشار ائلی‌نین اورگین اله گتیرمک اوچون، یئنی‌دن سایین‌قالایا گلیب، افشار بؤیوکلری‌نی او جومله‌دن محمدکریم‌خان اورمونون حاکیمی و محمدمومن‌خان سایین‌قالانین حاکیمی‌نی حیسابا چکدی. اونلارین خیلاف ائتمکلری‌نین بیلینمگینه گؤره، نادر اونلاری کور ائتدی. نادرشاه نئچه گون سایین‌قالادا قالیب، قوشاچایدان ساری اورمیه یه گئتدی. عثمانلی قوشونونو قیراندان سوْنرا، اورمو، ماراغا و سایین‌قالاداکی افشار ائلیندن ۱۲مین خانواده‌نین خوراسانین ابیورد شهری‌نه کؤچمه‌لرینه امر ائتدی. بعضی قایناقلاردا سایین‌قالاداکی افشار ائلیندن ۳مین خانواده‌نین خوراسانا کؤچوروله‌رک، بلباس کوردلری‌نین اورمونون لایجان بؤلگه‌سینده عوصیان ائدیب اورمو، ماراغا و قوشاچایا چوخلو خسارت ووُردوقلاری‌نین خبری یئتیشدی. نادر توواراق قوشون گؤندریب، سویوق‌بوُلاق و قوشاچای یاخین‌لیغیندا بلباسلار قیریلدی‌لار.[۴]

نادرشاهین سایین‌قالایا گلیب عثمانلیلارین ساواشینا گئتمگی، نادرشاه ایله افشار بؤیوکلری‌نین آراسین ساز ائتدی. اوندان سوْنرا سایین‌قالا، افشار ائلی‌نین حؤکومت مرکزی، چوخلو اعتبار قازاندی.[۴]

قاجار چاغی[دَییشدیر]

نادرشاه اؤلندن سوْنرا قمری ۱۱۶۰دا یئنه بلباسلار عوصیان ائدیب بؤلگه‌نی تالاییب اؤلدورمگه مشغول اولدولار. بوُ آرادا عباس میرزا بیر عیدّه‌نی بلباسلارین ساواشینا گؤندریردی؛ آذربایجانین آغ‌ساققاللاریندان احمدخان موقدم، اونلارین بیری ایدی. بلباسلار سولدوز و سایین‌قالادا خالقی اینجیدیردی‌لر؛ احمدخان موقدم بلباسلاری ائله یئرلری‌نه اؤتوتدو کی ایللر بویوجا داها عوصیان ائده بیلمه‌دیلر. شیخ عبیدالله شمذینی عوصیانیندا، اینتیقام اوچون موکری‌لر و سویوق‌بولاق خانلاری ایله، سویوق‌بولاق و ماراغانی توُتاندان سوْنرا قوشاچایا حمله گتیردی‌لر، آنجاق سلیم‌خان چاردولی آداملاری‌نین دایانماسی ایله یئنه قیریلدیلار.[۴]

قمری هیجری ۱۳۰۰-جو ایللرده، حیدرخان افشار میرپنج‌لیک (سرهنگ‌لیک) منصبی ایله سایین‌قالانین حاکیمی ایدی. اوغوللاری مرکزی حؤکومت ایله یاخشی آرالاری وار ایدی؛ بوُنا گؤره حیدرخان بؤلگه‌نین گئچَرلی بؤیوک‌باشلاریندان ساییلیردی. حیدرخان اؤلندن سوْنرا اوغلو مَحمدخان سایین‌قالانین حؤکومتی‌نه قویولدو. سوْنرا مظفرالدین‌شاه چاغیندا حسین‌علی‌خان، بؤلگه‌نین گوجلو خانلاریندان و سایین‌قالانین حاکیمی، ق.هـ. ۱۳۱۶دا یمین لشکری عونوانی و اوندان سوْنرا داها آرتیق چیخارلی اولماسی‌نا گؤره ساعدالسلطان عونوانی‌نا چاتدی.[۴]

قاجار چاغی شهرده قولوکندی آدلانان بیر بازار و ناوچالی بوُلاغی‌نین یاخین‌لیغیندا بیر مسجید تیکیلدی. ناصرالدین‌شاه چاغیندا امیرکبیرین امری ایله بیر حامام و بهمن آدلانان بیر بازار تیکیلیب، هشتلر بازاری و بیر باشقا حامامین تیکیلمه‌سینه قرار اوْلدو. گئتدیک‌جه شهر یئکه‌لیب قولو کندی، هشتلر و اوستادلار محله‌لری یاراندی.[۴]

پهلوی نین اوللری[دَییشدیر]

شرف الدین میرزا قهرمانی‌نین یازدیغینا گؤره سایین قالا بیر کیچیک شهر ایدی. بازارلاری تهرانین بازارلاریندان انلی و ایکی قات دا عیمارتی وار ایدی. هابئله اونون بؤیوک‌لوگو بیجاردان آرتیق ایدی. اونون بئش یوز آتدیمیندا بیر بؤیوک جیغاتی آدیندا چای گئچیردی. سایین قالانی سمیتقو امری ایله اودلامیشدی‌لار و شهرین گؤرونتوسو گؤرنی ناراحات ائدیردی. تامام دوکانلار، ائولر و بازاری اودلاییب آپارا بیلن شئی‌لری آپاریب آپارا بیلمه‌ینی داغیدمیشدی‌لار. .[۶]

خالق[دَییشدیر]

دیل[دَییشدیر]

۱۳۳۱-جی ایل‌لرده «حسیعنلی رزم آرا» نین یازدیغینا گؤره، سایین‌قالانین ۳۱۷۰ نفرنۆفوس و اولاراق دیللری بوتونلوکده تورکجه و مذهبلری شیعه موسلمانی دیر.[۷] سایین‌قالا اهالی‌سی‌نین اصلی دیللری تورکجه دیر. ایندیلیکده ده چوخلو خالقی تورکجه دانیشیرلار.[۴]

مذهب[دَییشدیر]

سایین‌قالا اهالی‌سی‌نین مذهبی شیعه‌لیک و سونّولوک دور.[۴]

جمعیت[دَییشدیر]

سایین قالا شهری‌نین نوُفوسو ۱۳۸۵-جی ایلده ۳۴٬۲۰۴ باش ایدی. ۱۳۹۰-جی ایلده بوُ شهرین نوُفوسو ۳۸٬۳۹۶ نفره چوخالیب.[۸]

ایل جمعیت[۹]
۱۹۵۲ ۳٬۱۷۰
۱۹۸۶ ۱۹٬۵۱۲
۱۹۹۱ ۲۳٬۵۱۳
۱۹۹۶ ۲۹٬۰۲۰
۲۰۰۶ ۳۴٬۲۰۴
۲۰۱۲ ۳۷٬۹۶۲

طبیعی دوُروم[دَییشدیر]

جوغرافیا[دَییشدیر]

سایین قالا شهری سایین قالا بولگه سینین اورتا بولومونده یئرلشیب بۇ شهر تیکان تپه نین ۸۶ کیلومتیر قوزئی باتیسیندا هابئله قوشاچایین ۶۰ کیلومتیر گونئی دوغوسوندا یئرلشیب دیر و دنیز سولاریندان ۱۳۶۰ متیر بویو واردیر.[۱۰]

جوغرافیایی یئری[دَییشدیر]

سایین‌قالا شهری باتی آذربایجان اوستانینین گونئی‌ینده یئرلشیب‌دیر. جوغرافیایی یئری ۴۶ درجه ۳۳ دقیقه ۴۵ ثانیه گیرینویچدن جوغرافیایی دوغو اوُزوناسیندا و ۴۶ درجه ۴۰ دقیقه ۳۰ ثانیه ایستیوادان دوغو انینده یئرلشیب‌دیر.[۴]

جغرافیایی دوروم و قونشو شهرلر
قوزئی: سراسکند شهری، مراغا شهری، قوشاچای
دوغو: تیکان تپه شهری Brosen windrose.svg باتی: بی کند شهری
گونئی: سققیز شهری

چایلار[دَییشدیر]

سایین‌قالا بؤلگه‌سی جیغاتی (زرینه رود) چایی‌نین دوغو قیراغیندا یئرلشیب‌دیر.[۴]

هاوا دوُرومو[دَییشدیر]

اورمو گؤلونون گونئی طرفی‌نین یاغینتی‌سی ایلده ۶۰۰ میلی‌مِتیردن آرتیق دیر.[۱۱]

دپریم[دَییشدیر]

فرهنگ[دَییشدیر]

سینما[دَییشدیر]

سایین‌قالادا بیر سینما وار دیر.[۴] بوُ سینما نئچه ایل دیر باغلی دیر.[۱۲]

کیتابخانالار[دَییشدیر]

سایین‌قالا بؤلگه‌سینده ۴ عومومی کیتابخانا وار دیر.[۴]

سیاست[دَییشدیر]

بلدیه[دَییشدیر]

سایین‌قالانین بلدیّه باشچی‌سی «علی مؤمنی» دیر.[۱۳]

مجلیس وکیل‌لیگی[دَییشدیر]

تیکان‌تپه، قوشاچای و سایین‌قالا بیرلیکده بیر اینتیخابیه حؤزه‌سی ساییلاراق ایکی مجلیس وکیللری وار دیر.[۱۴] بوُ اینتیخابیه حؤزه‌نین بؤلونمه احتمالی وار دیر.[۱۵]

شهر ایسلامی شوراسی[دَییشدیر]

سایین‌قالانین ایسلامی شوراسی‌نین عوضولری رأی ترتیب ایله بوُنلار دیر: مرتضی فرامرزی، علی ایمانی، آرزو همت‌زاده، سهراب محمدزاده، رضا بشارتی، حسین علیزاده، نوبخت دوستی.[۱۶]

مکتب‌لر[دَییشدیر]

عمومی مکتب لر[دَییشدیر]

۹۰ جی ایل لرین آمارلاری اساسیندا شاهین دژ بولگه سینده ابتدائی مکتبی ۱۱۴، راهنمایی مکتبی ۳۴، عمومی متوسطه مکتبی، بیلیم یوردان اونجه ۱۵ واحید دیر هابئله ۳۸۵ ابتدایی کیلاسی، ۱۶۷ راهنمایی و ۱۲۳ عمومی متوسطه کیلاسی واردیر ائله کی بۇ بولگه نین پایی اوستانین بوتون کیلاس لاریندان یوزدن ۹۵/۲ دیر هابئله طلبه لرین سیخینلیغی کیلاسلار دا بوتون مقطع لرده ۲۷ نفر دیر و بئلجه اوستانین اوچونجو قاتیندا یئرلشیر. بولگه نین هنری مکتبی یوخدور و ۹۰–۱۳۸۹ تحصیلی ایلده، ۱۸۲۹۹ طلبه بوتون مقطع لرده تحصیل آپاریب لار ائله کی بونلاردان یوزده ۹۱/۴۲ قیز طلبه لری و یوزده ۰۹/۵۷ اوغلان طلبه لریمیش بۇ بولگه نین بوتونلیکده طلبه لری یوزده ۷۲/۴۳ کندلردن و یوزده ۲۸/۵۶ شهرلردیمیش هابئله بولگه نین بوتونلیکده طلبه لری قیز و اوغلان اوستان دا یوزده (۸۱/۲، ۸۷/۲، ۷۴/۲) پایلارین آلیب لار. بولگه ده ۲ استثنایی اوشاقلاری اوچون مکتب اولاراق ۹ کیلاس و ۱۳ اویرتمه کادری وار.[۴]

بیلیم یوُردولار[دَییشدیر]

سایین‌قالانین ایکی «پیام نور بیلیم یوردو» مرکزی وار دیر.[۴] پیام نور بیلیم یوُردو ۱۳۶۷ده، ۵ ریشته ایله ایشه باشلادی.[۱۷]

آزاد اسلامی بیلیم یوردو دا بوُ شهرده وار دیر.[۱۸]

دینی مکتب‌لر[دَییشدیر]

سایین‌قالانین ایکی عِلمیه حؤزه‌سی، بیری کیشی‌لره و بیری قادینلارا، واری دیر.[۴] «امام محمد باقر» علمیه حؤزه‌سی ۱۳۸۹-جو ایلده مووقّت جواز آلیب ۲۰ طلبه ایله ایشه باشلادی. ۱۳۹۰دا، قوم علمیه حؤزه‌سیندن سطح۱ رسمی جوازی آلیب شهریور آییندا حؤزه تیکینتی‌سی قوُرولدو. بلدیّه و خیّیرلر حؤزه تیکینتی‌سینه گؤره، شهرین ان یاخشی یئرینده ۸۰۰۰ موربّع متیر یئر وئریب ۹ دئی ۱۳۹۰دا حؤزه تیکینتی‌سی آچیلدی.[۱۹] سایین‌قالانین قادینلار علمیه حؤزه‌سی «الزهراء» آدلانیر.[۲۰]

شهر مؤعضللری[دَییشدیر]

ساختمان تیکینتی لرین اشقال لرین و نوخاله لرین کوچه و خیابان لارا توکولمه سی سایین قالا شهرین بۇ اونملی موعضل لریندن دیر کی بۇ گوزل شهر اونلا اوزبه اوز دیر.[۲۱] هابئله سایین قالا شهرینده آچیق ایتلرین کوچه پاچا و خیابان لاردان گزمک لری سایین قالا شهرینده بیر سیرا موشکول لر یارالدیب هامی دان چوخ جانبازان شهرکینده و کوشتارگاه منطقه سینده خرمده و قلی کندی ده بۇ موشکول وار دیر و اوزباشلارینا دولانماق لاری خطرلی و نیگران ائتملی بیر وضعیت یارالدیب هابئله اونلاری سایی لاری دا چوخالماق دا دیر.[۲۲] سایین قالانین آیری بیر موشکول و موعضل لری عیبارت دیر:سایین‌قالادا ریفاهی ایمکاناتین آز اولماسینا گؤره، طبیب آز دیر.[۲۳] و سایین‌قالادا فاضلاب سیستِمی یوخ دور.[۴]

یوللار[۲۴][دَییشدیر]

سایین‌قالا سایین‌قالا سایین‌قالا
اورمیه - ۲۰۲ کیلومِتیر تهران - ۵۷۹ کیلومتیر همدان - ۳۲۷ کیلومتیر
سنندج - ۲۷۲ کیلومتیر تبریز - ۲۲۰ کیلومتیر اردبیل - ۴۳۰ کیلومتیر
ایصفهان - ۸۲۳ کیلومتیر کرج - ۵۴۵ کیلومتیر ایلام - ۵۷۰ کیلومتیر
بوشهر - ۱۳۱۳ کیلومتیر شهرکرد - ۹۲۲ کیلومتیر بیرجند - ۱۷۳۷ کیلومتیر
مشهد - ۱۴۷۴ کیلومتیر بجنورد - ۱۲۸۹ کیلومتیر اهواز - ۸۸۲ کیلومتیر
زنگان - ۲۴۸ کیلومتیر سمنان - ۷۹۹ کیلومتیر زاهدان - ۲۰۴۷ کیلومتیر
شیراز - ۱۳۰۷ کیلومتیر قزوین - ۴۲۱ کیلومتیر قوم - ۷۱۴ کیلومتیر
کرمان - ۱۵۵۲ کیلومتیر کرمانشاه - ۴۰۴ کیلومتیر یاسوج - ۱۱۵۵ کیلومتیر
گرگان - ۹۸۳ کیلومتیر رشت - ۴۴۵ کیلومتیر خرم‌آباد - ۵۷۰ کیلومتیر
ساری - ۸۴۹ کیلومتیر اراک - ۵۲۳ کیلومتیر بندرعباس - ۱۸۴۵ کیلومتیر
یزد - ۱۲۰۳ کیلومتیر

ایدمان[دَییشدیر]

سایین‌قالانین ورزیشی یئرلری بوُنلار دیر: شهید بهشتی مجموعه‌سی، کشاورز، محمودآباد (خانیملار)، هاچاسو (تمرینی تورپاق مئیدان، هاچاسو کندی)، هولاسو (تمرینی تورپاق مئیدان، هولاسو کندی)، سوربن کشاورز کندی (ایدمان سالونو)، صفاخانا کندی (ایدمان سالونو)، هولاسو کندی (ایدمان سالونو)، شهید شهرتی۲، شهید شهرتی۱، جهاد کشاورزی ایدمان سالونو.[۲۵]

بهداشت و درمان[دَییشدیر]

سایین‌قالانین تکجه بیماریستانی «شهید راثی» بیماریستانی دیر. بوُ بیماریستان ۱۳۷۴ده ۹۶ تخت ظرفیتی ایله قوُرولاراق، ایندیلیکده ۵۰ تخت ایله ایشله‌ایر. بیماریستان‌دا اوْلان تخصّوصلار بوُنلار دیر: داخلی، جرّاحلیق، قادینلار، اوُشاقلار.[۲۶]

مدیا و درگی‌لر[دَییشدیر]

رادیو و tv[دَییشدیر]

دیجیتال رادیو و tvدن بهره‌لنمک، سایین قالا بؤلگه‌سینین خالقی‌نین قدیم ایستک‌لریندن دیر. ائله کی بوُ فرهنگی ایش سونو باتی آذربایجان اوستانینین صیدا سیما مرکزی طریقی ایله یولا سالیندی. ایندیلیکده سایین‌قالا اهالی‌سی ۲۰ tv کانالی و ۱۵ رادیو کانالی‌نی ان گؤزل کئیفیت ایله توُتا بیلیرلر.[۲۷][۲۸]

درگی‌لر[دَییشدیر]

ایندیلیکده سایین قالا شهرینده بیر نئچه درگی و خبرگوزاری یاییلماق‌دا دیر.

مَحله‌لر[دَییشدیر]

شاهین دژ محله لری

خورمده | قیزیل ناو | کوشتارگاه | آزادگان شهرکی | جانبازان شهرکی | فرهنگیان شهرکی | قولو کندی | قاپان تپه سی | هاچاسو | فاطمیه | شهید رجایی شهرکی | مسکن مهر | جهاد محله سی

گؤرمه‌لی و تاریخی یئرلر[دَییشدیر]

شابلون:نئچه سۇتون‌ل

سایین‌قالانین طبیعی گؤرمه‌لی یئرلری بوُنلار دیر: جیغاتی چایی (زرینه رود)، هولاسی دره‌سی، قیز کؤرپو دره‌سی، قره قیه دره‌سی، قلای کچان داغی، قره داش داغی، آغاجاری دره‌سی، زینالو دره‌سی، پیرمَحمد دره‌سی، گراو دره‌سی، سایین‌قالا دوزو، سلیم‌خان یایلاغی، هوار همزه یایلاغی، آغداش یایلاغی و …[۴]

سوغات و ال ایشلری[دَییشدیر]

سایین‌قالا و اطراف کندلرینده مینه یاخین خانواده ال ایشینه باخیرلار و نئچه فرش کارگاهی دا وار دیر. گئچمیشلرده ساخسی‌چی‌لیک ایشینه ده باخیلیردی آنجاق ایندیلیکده داها بوُ ایشه باخیلمیر.[۴]

هوتِل‌لر[دَییشدیر]

سایین‌قالانین هوتِلی یوخ دور. بیر ۱۳ اوتاقلی، ۳۵ تخت‌لی درجه۱ مهمان‌پذیری وار دیر.[۴]

محلی یئمک و غذالار[دَییشدیر]

تیکان‌تپه و افشار منطقه‌سی‌نین محلی یئمگی ماوکا دیر. «شوْر» تکجه ایرانین بوُ بؤلگه‌سینده تاپیلاراق، افشارلارین یئمکلریندن دیر.[۲۹]

آدلیم لار[دَییشدیر]

شهرین گؤرونوشو[دَییشدیر]

سایین قالا داغلارباغی پارکیندان

قایناقلار[دَییشدیر]

  1. پورتال وزارت کشور
  2. http://www.amar.org.ir/Portals/2/pdf/jamiat_shahrestan_keshvar3.pdf
  3. شهرداری شاهین دژ
  4. ۴٫۰۰ ۴٫۰۱ ۴٫۰۲ ۴٫۰۳ ۴٫۰۴ ۴٫۰۵ ۴٫۰۶ ۴٫۰۷ ۴٫۰۸ ۴٫۰۹ ۴٫۱۰ ۴٫۱۱ ۴٫۱۲ ۴٫۱۳ ۴٫۱۴ ۴٫۱۵ ۴٫۱۶ ۴٫۱۷ ۴٫۱۸ ۴٫۱۹ ۴٫۲۰ معرفی شهرستان, فرمانداری شاهین دژ
  5. محمدی، علی، تاریخ تکاب افشار، فصل هجدهم - وجه تسمیه تکاب وافشار صفحه ۹۳–۹۸
  6. ختم غائله سیمیتقو - شرف الدین میرزا قهرمانی - میرهاشم محدث - تاریخ مۆعاصیر ایران - پردیس دانش - 1392 - صفحه:52
  7. فرهنگ جغرافیایی ایران جلد 4 - حسینعلی رزم آرا انتشارات ستاد ارتش - 1331 - صفحه :295
  8. شهر شما چقدر جمعیت دارد؟
  9. предполагаемое
  10. مرجع شهرهای ایران
  11. اقلیم استان آذربایجان غربی, سازمان هواشناسی
  12. سینمای شاهین دژ به انباری تار عنکبوت بدل گشته است!! , پایگاه خبری تحلیلی شاهین پیام
  13. درباره شهردار, شهرداری شاهین دژ
  14. تفکیک حوزه انتخابیه ؛ آرزوی دیرینه مردم تکاب , عصر ایران
  15. احتمال جدایی حوزه نمایندگی میاندوآب، شاهیندژ، تکاب, فاش
  16. منتخبان شورای شهر شاهین دژ معرفی شد, مهر نیوز
  17. مختصری در مورد دانشگاه پیام نور, دانشگاه پیام نور مرکز شاهیندژ
  18. دانشگاه آزاد اسلامی واحد شاهین‌دژ
  19. امام محمد باقر شاهیندژ, مرکز مدیریت حوزه علمیه استان آذربایجان غربی
  20. سرکشی از حوزه‌های علمیه امام باقر (ع) و الزهرا شاهین دژ و مدرسه علوم دینی مهاباد, مرکز خدمات حوزه‌های علمیه
  21. شاهین پیام
  22. شاهین پیام
  23. کمبود پزشک از مشکلات حوزه سلامت در شاهین‌دژ است , قطره
  24. فاصله و مسیر جاده شاهین دژ به مراکز استانها، بهراه
  25. اماکن ورزشی شهرشاهیندژ-استان آذربایجان غربی, مدرسه‌نیوز
  26. مشخصات بیمارستانهای استان آذربایجان غربی
  27. خبر سولدوز
  28. فاش آنلاین
  29. غذاهای سنتی و محلی استان آذربایجان غربی, سایت آشپزی