ویکی‌پدیا:ایشلدن آدی سیاستی

ویکی‌پدیا، آچیق بیلیک‌لیک‌دن
پرش به ناوبری پرش به جستجو

ایشلدن آدی سیاستی، نئجه ایشلدن آدی سئچمک و اوْنون فایدالارینی توضیح وئریر. ویکی‌پدیادا داها یاخشی چالیشماق اۆچون ایشلدن حسابی یاردا بیلرسینیز. ایشلدن حسابی‌نین چوخلو مزایا و فایدالاری واردیر. یاراتدیغیز حسابا نئجه گیرمگی اؤیرنمک اۆچون ده کؤمک:سیستمه گیریش صفحه‌سینه باخین.

موناسیب ایشلدن آدلاری[دَییشدیر]

سیزین ایشلدن آدینیز اؤز آدینیز یوْخسا بیر مستعار و تاخما آد اوْلا بیلر.

موناسیب اوْلمایان ایشلدن آدلاری[دَییشدیر]

قیسایول:

بۇ بؤلوم موناسیب اوْلمایان ایشلدن آدلارینی بللی‌لشدیریر. بۇ معیارلاری ایمضالاردا دا ایشلتمک اوْلار.

بئله ایشلدن آدلارینی ایشلتمک اوْلماز:

  • آلدادیجی آدلار ایشلدنه گؤره آیری‌لاری ایشتیباها سالان آدلارا دئییلیر: ایچینده مودیر، ادمین، روبات، ایستوارد و ... کیمی آدلار اوْلوب، ویکی‌‌پدیادا منصبی اوْلماق توهمینی یارادان، آی‌پی آدرسینی اوْخشار آدلار و... .
قیسایول:
  • تبلیغاتی آدلار بیر شیرکت، تشکیلات، سایت، محصول و ... نی تبلیغ ائدن ایشلدن آدلارینا دئییلیر.
بیر ایشلدنین آدی شیرکت یوْخسا سایتا مربوط اوْلسا، آنجاق اوْنا گؤره تبلیغاتی چالیشماسی اوْلمازسا، حسابینی باغلاماق اوْلماز آنجاق اوْنا آدینی دییشدیرمک اۆچون تاپشیریلمالی‌دیر.[۱]
  • توهین‌لی و تفرقه‌سالان آدلار آیری ایشلدن‌لری اینجیدیب، اوْنلارا توهین ساییلان آدلارا دئییلیر.

سیزین بئله ایشلدن آدینیز اوْلورسا، سیزین حسابینیز باغلانا بیلر، آنجاق سیز بیر یئنی و موناسیب حساب یارادا بیلرسینیز.

آیری‌لاری سیزین صلاحیت‌لرینیزه گؤره ایشتیباها سالماماق اۆچون سیزین ایشلدن آدینیزدا ایداره‌چی، ادمین، ایستوارد، بازرس و اوخشار آدلار یوْخسا admin، sysop یا moderator اینگیلیسجه موعادیل‌لری اوْلماز. سیزین حسابینیز روْباتیک اوْلمازسا، آدیندا bot ایشلده بیلمزسینیز. بیرده ایشلدن آدینیز ویکی پروژه‌لری‌نین آدی مثلا: «ویکی‌پدیا»، «ویکی‌مدیا»، «ویکی‌سؤزلوک» و... اوْلا بیلمز.

ویکی‌پدیا تاپشیریر بۇنلاردان اۇزاق گزین:

  1. دیری آدلیم آدام‌لار آدی.
  2. اینجیدن یوْخسا بیر سیاسی، مذهبی و ... اینانج ضدی اوْلان آد.

دوْغرو آد[دَییشدیر]

قیسایول:

سیز اؤز حقیقی و دوْغرو آدینیزلا ویکی‌‌پدیادا چالیشا بیلرسینیز، آنجاق نظرده سالین، بۇ ایش شاید سیزین ویکی‌پدیادا و حقیقی یاشاییش‌دا اینجیمگینیزه سبب اوْلا بیلر.

بیر آدلیم شخصین آدی ایله حساب آچساز گرک همن اوْ آدلیم شخص اوْلدوغونوزو ایثبات ائده‌سینیز یوْخسا حسابینیز باغلاناجاق. سیزین دوْغرو آدینیز اوْ آدلیم‌لا اوْخشاسا، صفحه‌نیزده آدلیم شخص اوْلمادیغینیزی بیلیندیرمه‌لیسینیز.

سایت‌لار آدرسی[دَییشدیر]

ایمیل آدرسی، آی‌پی و سایت‌لار آدرسی یاخشی ایشلدن آدی دئییل‌لر. سیزین آدینیز بیر سایت آدی آنجاق com. ، ir. و ... سیز اولورسا ایشکالی یوخ‌دور، مثلا سیزین ایشلدن آدینیز بیلیم‌سسی اوْلا بیلر آنجاق بیلیم‌سسی.کام یوْخسا اینگیلیسجه‌سی بیر بللی سایتی تبلیغ ائتدیگی اۆچون یاخشی آد ساییلمیر.

✓ : ایشلدن:میثال.کام، ایشلدن:آلیس@میثال.کام

شیرکت‌لر/تشکیلات‌لار آدی[دَییشدیر]

قیسایول‌لار:

بیر شیرکت، تشکیلات، گروه، محصول و ... آدینی ایشلدن آدی عنوانیندا ایشلتمک، تبلیغ میصداقی ساییلیب، قبول ائدیلمز.

  • بیر ایشلدنین بئله آدی و تبلیغاتی دییشدیرمه‌لری اوْلورسا، باغلانار.
  • بیر ایشلدنین بئله آدی اوْلسا، آنجاق اوْنا گؤره تبلیغاتی چالیشماسی اوْلمازسا، حسابینی باغلاماق اوْلماز آنجاق اوْنا آدینی دییشدیرمک اۆچون تاپشیریلمالی‌دیر.

✓ : ایشلدن:شیرکت آدی، ایشلدن:فلان محصول، ایشلدن:حساب‌بازاریابی، ایشلدن:دانشجویان‌فلان

غیر لاتین آدلار[دَییشدیر]

سیز ایشلدن آدینیزی غیرلاتین حرف‌لر سئچه بیلرسینیز آنجاق نظرده سالین: عربی، سیریلیک، چینی، ژاپنی یوْخسا یونانی کیمی غیر لاتین خطلر آیری ایشلدن‌لره اوْخونماز و خط میخی گؤرونه بیلر؛ اوْنا گؤره بئله ایشلدن آدی اوْلان ایشلدن‌لره لاتین ایمضالاردان فایدالانماق تاپشیریلیر.

اوْخشار ایشلدن آدلاری[دَییشدیر]

قیسایول:

اوْخشار ایشلدن آدلارینی تکجه ایداره‌چیلر یارادا بیلرلر.بۇ ایش اۆچون ایداره‌چیلر بیلدیری تابلوسونا گئتمه‌لیسینیز. آنجاق قاریشدیرماماق اۆچون سیزین ایشلدن آدینیز، بیر چالیشقان ایشلدنین آدینا چوْخ اوْخشار اوْلا بیلمز.

اویغون اوْلمایان ایشلدن آدلارلا نه ایش گؤرک؟[دَییشدیر]

بئله بیر موناسیب اوْلمایان ایشلدن آدینی راست گلسز، بۇ ایش‌لری گؤره بیلرسینیز:

ایشلدن‌له دانیشین

یئنی ایشلدن‌لر احتمالا بۇ سیاستی اوْخوماییب، اوْنلا تانیش دئییل‌لر. اوْنلارلا دانیشیب، آدلارینی دییشدیرمک اۆچون تشویق ائدین.

آیری‌لارین باخیشینی یوْخلایین

دانیشیق‌لا بیر یئره چاتماساز، ایشلدن آدین موناسیب اوْلماماسی اۆچون آرخایین اوْلماق اۆچون، آیری ایشلدن‌لرین باخیشینی یوْخلایین.

آیدین پوْزما

بیر ایشلدن آدی، آیدینجا غئیرموناسیب و بۇ سیاست ضدنه اوْلورسا، اوْنو ویکی‌پدیا:ایداره‌چیلر بیلدیری تابلوسو/اویغون اولمایان ایشلدن آدلاری صفحه‌سینده بیلیندیرین.

ایشلدن آدی دییشدیرمک[دَییشدیر]

ایشلدن آدلارینی باشاباش آد دییشدیرن‌لر یوْخسا ایستواردلار دییشدیره بیلرلر.بۇ ایش اۆچون باش‌ویکی یه باش وۇرمالیسینیز. آنجاق نظرده سالین؛ دییشدیرمه‌سی اوْلمایان یۆخسا آز اوْلان حساب‌لارین آدینی دییشدیرمزلر.

اوْرتاق حساب‌لار[دَییشدیر]

هر حساب بیر نفرین تمثیلی‌دیر و اوْنو نئچه نفرله اوْرتاقجا ایشلتمک اوْلماز. بیر حسابین رمزینی عموم‌لا پایلاشماق ممنوع‌دور و اوْ حسابین باغلانماسینی باعیث اوْلار.

نئچه یدک حسابدان فایدالانماق[دَییشدیر]

ایشلدن‌لره دلیل‌سیز نئچه حسابدان فایدالانماق تاپشیریلمیر. بۇنون بیر ایستیثناسی رباتیک حساب‌لاردیر، آنجاق دلیل‌سیز نئچه حساب‌دان فایدالانماق زاپاسبازلیق ساییلیر و ممنوع‌دور.

ایشلدن آدینی سیلمک[دَییشدیر]

ویکی‌پدیادا چالیشماسی اوْلان ایشلدن آدلارینی سیلمک اوْلماز. آنجاق ویکی‌پدیا:ایشلدن صفحه‌لرینه گؤره اؤز دانیشیق و ایشلدن صفحه‌نیزین سیلینمه‌سینی ایسته‌یه بیلرسینیز.

اتک یازی[دَییشدیر]