ویکی‌پدیا:اینجیتمک

ویکی‌پدیادان، آچیق بیلیک‌لیک‌دن

اینجیتمک، بیله-بیله بللی ایشلدن و یا ایشلدن‌لرله، اوْنلاری تهدید ائدیب، قوْرخوتماق اۆچون یوْخسا ویکی‌پدیادان قوْوماق اۆچون پیس و هۆجۇمی رفتارا دئییلیر.

گۆدوش[دَییشدیر]

گۆدوش، آیری ایشلدنی اینجیتمک اۆچون، اوْ ایشلدنین اوْنلاردا چالیشدیغی مقاله‌لری گۆده‌رک، اوْنلاردا مۆخالیف دییشدیرمه ائتمه‌یه دئییلیر.

خۆصۇصی شخصی ایطلاعاتی لو وئرمک[دَییشدیر]

بیر ایشلدنین شخصی ایطلاعاتینی، ریضایت‌سیز عۆمۇمی ائتمک و آیریلارلا پایلاشماق و یا ایشلدنین شخصی ایطلاعاتینا ال تاپماق اۆچون چالیشماق٬ اینجیتمک و شخصی حمله میصداقی ساییلیب، خطاکارین سوْن‌سۇز باغلانماسینا سبب اوْلا بیلر.

ایشلدن صفحه‌لرینده اینجیتمک[دَییشدیر]

ایشلدن صفحه‌سینده چوْخلو یالان، ایفتیرا و سبب‌سیز ایخطار پیاملاری قوْیماق، سبب‌سیز زاپاس آدلاندیرماق و باخیشینی دییشدیرمک اۆچون سیخماق، اینجیتمک میصداق‌لاری ساییلا بیلر.