ویکی‌پدیا:بئش کؤک داش

ویکی‌پدیا، آچیق بیلیک‌لیک‌دن
قیسایول‌لار:

ویکی‌پدیا سیاست‌لری بئش کؤک داشا دایانیر:

  1. BluePillar.svg
    ویکی‌پدیا بیر بیلیک‌لیک‌دیر. ویکی‌پدیا نه ساواش مئيدانی، نه شخصی اینترنت صفحه‌‌سی، نه هر هانسیسا گۆنده‌لیک سايتی، نه تبلیغات یئری، نه خاطره‌لر دفترچه‌سی، نه سیٛناق یئری، نه ده باغلانتی‌لار (ایچ یوخسا ائشیک) مرکزی‌دیر. اگر بۇردا دۆشونجه‌لرینیزی يازماق، دۆشونجه‌لر یئریتمک، اوْرجینال آراشدیرمالارینیزی بؤلوشمک ایسته‌يیرسینیزسه - دئمه‌لی، آدرسی یانلیش گلمیسینیز. بۇ نیتینیزدن داشینین و ویکی‌پدیانین اولدوقجا دقیق و آیدین بیلگی بازاسینا چئوریلمه‌سینه اؤز هدیه‌لرینیزی وئرین. اگر بۇ اصله راضی دئيیلسینیزسه، صفحه‌‌نین يۇخاری ساغ بوجاقداکی "چیٛخیش" دۆیمه‌سینی سئچین.
  2. GreenPillar.svg
    ویکی‌پدیانین طرف‌سیز باخیشی واردیر. بۇ اوْ دئمک‌دیر کی، مقاله يارادارکن و يا هر هانسیسا اوْلان مقاله‌يه یازی آرتیریب و ديَیشیک‌لیک‌لر ائدرکن طرف‌سیز اوْلماق گرک‌دیر. مقاله‌ده طرف‌لی باخیش ممنوع‌دور. اگر هر هانسیسا موضوعا گؤره بیر نئچه نسخه اوْلورسا، اوْن‌لارین هر بیری مساوی حق‌لی سايیلمالی، بیر ورژنین "دۆزگون"، باشقاسینی ایسه "غلط" اوْلدوغو ادعا ائدیلمه‌مه‌لی‌‍دیر.
  3. YellowPillar.svg
    ویکی‌پدیانی دییشدیریب، پایلاشیب، فایدالانماق آچیق و پۇل‌سوزدور. گنو آچبق يازما لیسانسینا باغلی‌دیر و اۇيغون شکلده پايلانا و ديَیشدیریله بیلر. اۇنوتمايین، مقاله‌لر هر کیمسه طرفیندن ديَیشدیریله بیلر و هئچ بیر قۇرومون نظارتی آلتیندا دئيیل؛ بۇنا اۇيغون اوْلاراق يازدیغینیز هر بیر شئي باشقا ایشلدن‌لر طرفیندن ديَیشدیریله و يايیملانا بیلر. مقاله‌لره یازار حق‌لری و گفدل لیسانسی پوْزونتوسونا يوْل آچان هئچ بیر شئي آرتیرمایین.
  4. OrangePillar.svg
    ویکی‌پدیادا اختلاف‌لی مقاله‌لر اۆچون اؤزل یؤندم‌لر واردیر. بۇ دانیشیق‌لارا قاتیلماسانیز بئله ویکی‌پدیاچی يوْلداش‌لارینیزلا چالیشین هر زامان احتیرام‌لی اولون. مهربان اوْلون. اگر بیر قوْنودا چوْخ هاي-کۆي وارسا چالیشین بۇ دانیشیغا قاتیلماياسیز. کیچیک مقیاس‌لی دییشدیرمه‌لر اۆچون چالیشین ، چیرپیشمایین. اۇنوتمايین - ویکی‌پدیادا بیرگه چالیشمانیز اوچون ۴۷٬۴۲۲ مقاله وار. دانیشیق چاغی چالیشین دوشونجه‌نیزی اثبات ائده بیله‌جک قایناق‌لارینیز (منبع‌) اوْلسون، اگر اوْنلار يوْخ‌دورسا باشقا طرفین حق‌لی اوْلدوغونو دۆشونون. سس‌وئرمه و يا بۇنا بنزر حال‌لاردا فرق‌لی ایشلدن آدلاریندان فایدالانیب نتیجه‌نی اؤز خيرینیزه ديَیشمه‌يین، بۇنون قاباغی آلینیر. دوشونجه‌نیزی آچیق و راحت بیر شکلده بیلدیرین.
  5. RedPillar.svg
    ویکی‌پدیادا بو بئش قورال‌دان سوْنرا هئچ قورال یوخ‌دور. مقاله‌لره دۆزه‌لیش‌لر ائتمکدن، بۇ مقاله‌لره آرتیردیغیز بیلگی‌لرین یانلیش اوْلاجاغیندان قوْرخمايین. ایسته‌نیلن مقاله‌نین اسکی ورژنی ساخلانیلیر. هئچ کیم اوْنو سیله بیلمز. یعنی سیز نه "قصداً"، نه ده "تصادفن" ویکی‌پدیايا زیان وۇرا بیلرسینیز. یانلیش‌لار اوْنسوز دا دۆزلدیله‌جک. بۇرا يازی‌لان هر بیر مقاله، بیلگی‌لر ویکی‌پدیانین سرورلرینده ساخلانیر. حتی ایداره‌چیلر اوْنلاری سیلسه‌لر بئله، اوْنلار "تاریخین آرشیوینه" يوْخ، ویکی‌پدیانین آرشیولرینه "گؤندریلیر". بیرجه بۇنو اۇنوتمايین - سیزین بۇرادا يازدیق‌لارینیز هم دۆنه‌نینیز، هم بۇ گۆنونوز، هم ده صاباحینیز اۆچون اهمیت‌لی‌دیر. گئچمیشینیزه، بۇ گۆنونوزه و صاباحینیزا حؤرمت ائدین.

بیرده باخ[دَییشدیر]