ویکی‌پدیا:دییشدیرمه ساواشی

ویکی‌پدیا، آچیق بیلیک‌لیک‌دن
پرش به ناوبری پرش به جستجو

دییشدیرمه ساواشیندا — اۇزون زامان توافوقا گله بیلمه‌ين ایشلدنلر مقاله‌نی موداویم اؤز ایسته‌دیکلری مضمونا قايتاریرلار. دییشدیرمه ساواشی عادتا ایداره‌چیلردن بیری‌نین مقاله‌نی قوْروماسی و يا ساواشدا ایشتیراک ائدن ایشلدنلرین بیرینی یوْخسا هر ایکیسینی بلوکلاماسیندان سوْنرا سوْنا چاتیر.

ویکی‌پديادا دییشدیرمه ساواشینا چاغریلمیش ایداره‌چی‌نین مقاله‌نی قوْروماسی دۆزگون آددیم سايیلماییر. بۇنو تکجه طرفسیز ایداره‌چی ائتمه‌لی‌دیر. بۇ زامان‌دا تکجه بیر طرفین مۆدافیعه ائتدیگی دییشمه‌نین سئچیلمه‌سی دۆزگون دئيیلدیر.

دییشدیرمه ساواشلاری ایصطلاحی‌نین ویکی‌پديادا ایکی اساس ایستیفاده‌سی واردیر. بۇ صفحه‌‌ده ایکی ایشلتمگه ده آچیقلیق گتیریلیر. بعضیلری، تِرمینی؛ بیر مقاله‌ده ایکی و يا داها چوْخ ایشلدنین بیریلری‌نین دییشدیرمه‌لرینی قایتارما عملیاتینی تکرارلاماسی اوْلاراق تعریفلر. آیریلاری تعریفی قبول ائده‌رک؛ ایکی و يا داها چوْخ یازانین داواملی اوْلاراق مقاله‌نین بؤيوک بیر قیسمتینی (خۆصوصییله يازیچیلار آراسینداکی سؤزلو قیسمتلر) ديَیشدیرمه‌سی اوْلاراق داها دا گئنیشلَدَر. آنجاق ایکینجی ایشلتمه‌سینی آچیقجا تشخیص ائتمک چتیندیر؛ فردلر، بعضی حاللاردا، قیسماً ديَیشدیریلن قیسمتین، بیر "دؤيوش" مئيدانا گتیریب اوْلوشدورماياجاغینی دانیشیقلی تاپار و بۇ تعریفین ایشلتمه‌سینی قبول ائتمز.

ایکینجی تعریفی قبول ائدنلر اوّلجه بیر قایتارما دۇئلی اوْلدوغونو نظره ساخلايار. لاکین اوْنلارا گؤره، بو ایصطلاحین تنظیمله‌مه دؤيوشونون تک بیر تیپینی تعیین ائتمه‌سینه موخالیف، گئنیشلَدیلمیش احاطه‌‌ده تنظیمله‌مه دؤيوشلرینی تعیین ائتمک اۆچون غئيری‌کافی‌دیر. بۇ کیمی حرکتلر مۆطلق، بوتون معناسی ایله "تنزیمله‌مه دؤيوشلری" اوْلاراق آدلاندیریلمايا بیلیرسه ده، چوْخو ایشلدنه گؤره ثمره‌‌سیز بؤلوملرین ایصرارلا تۇتولماسی و ناخوش بیر شیکلده داواملی علاوه‌‌-چیخاردیلماسینا بۇ گؤزله باخیلیر.

طرف‌سیز دۆشونجه‌ده‌کی ایشلدنلر بۇ نوع داواملی ائدیلن دییشدیرمه‌لر و شخصلر آراسینداکی حلسیز مساژلاشمالاری گؤردوگونده، اوْنلاری دانیشیقلارین حلّی پروسِسینه گیرمه‌لری اۆچون تشویق ائتمه‌لی‌دیر. مقاله اوستونده ياشانان آنلاشیلمازلیق، ثابیت قالماسینی الدن وئررسه ایشلدنلر مقاله‌نین قوْروما آلتینا آلینماسی اۆچون ایستک ائده بیلر.

هۆجۇما شامیل اوْلان حاللاردا، هۆجوم ائدن شخصلر قۇراللارین اؤن گؤردوگو شرطلرده جزالاندیریلا بیلر.

شخصی بیر ياریشا چئوریلمیش اوْلان قایتارما ساواشلاری ویکی‌پديانین اساس اصلرینه تامام ایله عکسینه، هر ایکی ایشتیراکچی اۆچون ده تأثیری پیس اوْلار، و عۆمۇمیتله اۆچ دفعه‌‌ قایتارما پوْزونتوسو سببی ایله ایشتیراکچی‌لارین قاباغی آلینماسی ایله نتیجه‌لَنیر. بۇ تکجه قایتارما حمله‌سینی عیبارت حرکتین يئرینه، دانیشیقلی شخصلر ایجماع مِتودلاری و يا وضعیتی قۇرتارماق اۆچون آلتِرناتیو مِتودلار آختارمالی‌دیر. بو شیکلده امکداشلیق ایچینده ائدیلن دییشیک‌لیک‌لر، اینعیکاس اوْلاراق ائدیلن قایتارما حرکتیندن چوْخ داها ساغلام اوْلاجاق و داها دوْغرو و هر ایکی طرف اۆچون ده داها دوْيوروجو بیر مادّه اوْلما احتیمالینی ضمانت آلتینا آلاجاق. داها آز تجرۆبه‌لی ایشتیراکچیلار، دۆشونمه‌سیزجه و غئيری‌کافی بیر دییشدیرمه ائتمیش و بۇ ائتدیگی دییشیک‌لیگین اۇيغون اوْلمادیغی ایکی و یا داها چوْخ آدام طرفیندن میثاللارلا آنلادیلاراق قایتاریلمیش اوْلدوغو حالدا و يا پیس نیّت‌لی و يا اساس اصلره اۇيغون گلمه‌سی مۆمکون اوْلمايان دییشدیرمه‌لر ائتمیش اوْلدوغو حاللاردا دییشدیرمه ساواشینا گیررسه، غرضسیز بیر راضیلیق آختارماق يئرینه وضعیته سون وئرمک داها اۇيغون‌دور.

یوخاری سیخلیقداکی قایتارما ساواشلاری، کئچمیش یوخلاما ایشلتمه‌سینی فايداسیز حالا گتیرر، معنالی بیر شکیلده تؤحفه ائدن ایشلدنلرین ایشینی چتین‌لشدیره‌رک، ژورنالی و سوْن دییشدیرمه‌لرین بۇ شکیلده دوْلوب داشماسینا سبب اوْلار. آشاغی سطحده‌کی قایتارما ساواشلاری، ویکی‌پديا بیرلیگی اۆچون چوْخ مۆشکوله سبب اوْلما مئيیلینده دئيیل (بو گؤروش هله کسینلشمه‌میشدیر.). تجرۆبه‌لی ایشلدنلره گؤره، واندالیزم ائتمک اۆچون ائدیلن دییشیکلرده قایتارما عملیاتلاری آراسیندا بیر ساعات ويا داها چوْخ گؤزله‌يه‌رک، واندالیزمین داوام ائتمه احتیمالی سالینار. چوْخ واقت، بۇ نوع مۆشکول يارادان ایشلدنلر ماراغینی ایتیریب، آيریلار.


دییشدیرمه ساواشلاری بیر چوْخ سببه یییه اوْلا بیلر. بو سببلر آراسیندا، بۇنلار گؤستریله بیلر (لاکین تکجه بۇ سببلرله محدود اولمادیغی اۇنودولمامالی‌دیر): سیاسی فیکیر، دینی گؤروش و دیگر اینانجلارلا باغلی سببلر؛ حدّیندن آرتیق بوْش واقت؛ دارگؤروشلولوک/ اؤن‌فیکیر؛ اؤزونو اۆستون گؤرمه و مۆعيّن بیر ایشلدندن خوْشلانماماق.

ویکی‌پدیاداکی تجرۆبه‌لی ایشلدنلرین تاپیشیریغی بۇدور: تکجه بیر دفعه‌‌ قایتارین و داها سوْنرا دانیشین.

  • فیکیر آيریلیغی ياشايان اینسانلار، فرقلی بیر ياناشما ساغلام‌فیکیر گؤستره بیلر.
  • طرفسیز ایشلدنلر بو دییشدیرمه‌لرین قاباغینی آلماق اۆچون دیقّت ائدر و راحات‌لیق‌لا تدبیر آلا بیلرلر.
  • روْمانتیک اوْلاراق اوْرتالیق قیزیشدیغیندا، اؤز دۇيغو و دۆشونجه‌لرینی اینجَله و سويوق‌قانلی قالا بیلمک اۆچون تئز-تئز مؤوضودان اۇزاقلاش.
  • اۇنوتمايین، ۲۴ ساعات عرضینده قصداً دؤرد دفعه‌‌ قایتارما عملیاتی ائتمک (وپ: ۳گد قايداسی) ویکی‌پديا اصلری‌نین پوْزولماسی و بلوکلانما ریسکی داشی‌يیر.

قایناقلار[دَییشدیر]