ویکی‌پدیا:نیزاکت

ویکی‌پدیا، آچیق بیلیک‌لیک‌دن

ویکی‌پديادا نیزاکت ویکی‌پديادا ایشلدنلرین عمل ائتمه‌لی اولدوغو قايدالار مجموعه‌سیدیر و اونلار نزاکتسیزلیک حاللاری‌نین قاباغینی آلماغا یارانیبدیر. نزاکتسیزلیکدن منظورویکی‌پدياچی “شخصیتی هدفه آلان، موناقیشه و استرس موحیطی يارادان رفتار” باشا دوشمه‌لیدیر. اونا گؤره ده اصل ویکی‌پدياچی آیری ویکی‌پدياچی ایله نزاکتله داورانمالیدیر.

نزاکت اصلی طرفسیزلیک اصلیندن سونرا ویکی‌پدیانین ان اهمیتلی اصللریندن‌دیر. طرفسیزلیکدن چیخیش ائتمه‌ين ایشلدنین حرکتی نزاکتسیزلیک کیمی سیرالانا بیلر.

هانسی عمل‌لره گؤره ایشلدن باغلانا بیلر[دَییشدیر]

  1. ادبسیزلیک.
  2. شخصیته باغلی تحقیرلر.
  3. حؤکملو، ادالی توندا آیری ایشلدنلره گؤستریشلر وئرمک.
  4. ضعیف بیلیکلرینه و تجروبه‌سیزلیکلرینه گؤره هانسیسا ایشلدنلری اله سالماق.
  5. "اؤزونوزه گؤتورمه‌يین، ..."، "ادبسیزلیک اولماسین، ..."، "سیزی تحقیر ائتمک ایستمیرم، آمما دئمه‌لیيم کی، ..." فورموندا باشلايان ایستک یوْخسا باخیشلار.
  6. يالان دانیشماق و يا کیمیسه آلداتماق.
  7. اساسسیز اتهاملار.
  8. ایشلدنلره محل قويماماق ("گؤرمه‌میشم، ائشیتمه‌میشم").
  9. ایشلدنلره دینی، قومی، میللی، جینسی، جینسی تمايل خصوصیتلرینه گؤره شخصی حمله‌لر (آد هومینئم).
  10. ایستئهزا، ریشخند، آجیلاما، سانجما، ساتاشما.
  11. قئيری-ائتیک ایفاده‌لر ایشلتمک.
  12. آیریلارین شخصی ایشلدن صفحه‌لرینده دیخالت ائتمک.
  13. آیری ایشلدنلرین پیاملارینی دییشدیرمک (نیتیندن آسیلی اولمادان).
  14. ایشلدنلره تحقیرآمیز آدلار وئرمک و يا اونلاری اساسسیز خارابکار آدلاندیرماق.

نزاکت قايدالاری‌نین پوزولماسی هانسی فسادلار يارادا بیلر[دَییشدیر]

  • ایشلدنده ویکی‌پديادا چالیشماسی‌نین داياندیرماسینا، ویکی‌پدیادان کوسمه‌سینه؛
  • ایشلدنده مقاله‌لرین دَییشدیرمه‌یه اولان هوسین آزالماسینا؛
  • ایشلدنده ویکی‌پديايا اینامین آزالماسینا؛
  • آیری ایشلدنلرده عصبی چیرپیشمایا، لازیمسیز دانیشیقلارا؛
  • مقابل طرفین دفاعی قارد توتماقلا، تحقیره کئچمه‌يه، حؤرمتسیز جاواب قايتارماغا؛
  • ویکی‌پدیا ایشلدنلری آراسیندا کوسکونلوک، بعضا ایسه نیفرتین يارانماسینا؛
  • گله‌جکده فرقلی دانیشیقلارا یئر يارادیلماسینا؛
  • ویکی‌پدیادا آیری ایشلدنلر آراسیندا ناراحاتلیغا؛
  • ایشلدنلر آراسیندا دوشمنچیلیک احوال-روحیيه‌سی‌نین يارانماسینا.

نزاکتسیز، غئؽر موناسیب چالیشمانین قاباغینی آلماق اوچون[دَییشدیر]

  • دَییشدیرمه ساواشی‌نین، سؤزلشمه‌لرین سونو گؤرونمورسه، اونلارین قاباغی ایداره‌چیلر و آیری چالیشقان ایشلدنلر طرفیندن آلینمالیدیر؛
  • ایشلدنلر آراسیندا سؤزلشمه‌لرین درینلشمه‌سینه يول وئریلمه‌مه‌لیدیر؛
  • نتیجه‌یه چاتمازسا بحث‌ائدنلرین آراسیندا دانیشیقلارا فاصیله وئریلمه‌سی پیشنهاد ائدیلمه‌لیدیر (فاصیله هر ایکی طرفه پیشنهاد اولونمالیدیر)؛
  • توهینه توهین، تحقیره تحقیرله جاواب وئرمه‌ينلر ویکی‌جمعیت طرفیندن ساپورتلانمالیدیر؛
  • توهین ائدن ایشلدن ویکی‌جمعیتین قیناغینا هدف اولمالیدیر؛
  • چیرپیشمانین يارانما سببی آراشدیریلمالی، لازیم گلرسه بونا سبب اولان مقاله ایداره‌چی طرفیندن قوْرونمالیدیر؛
  • نتیجه‌یه چاتمازسا ایداره‌چیلر طرفیندن هر ایکی طرفه چیرپیشما يارادان بو نوعمؤوضوع‌لو مقاله‌لرده دَییشدیرمه ائدیلمه‌سینه معين مدته ممنوعیت قويولا بیلر.

نزاکتسیز، غئیر موناسیب رفتار معرضینده قالان ایشلدن نه ائتمه‌لیدیر[دَییشدیر]

  • توهینه توهینله، تحقیرله جاواب وئرمه‌يین؛
  • چیرپیشمانی درینلشدیرمه‌يین، دؤزوملو اولون؛
  • سیزه حؤرمتسیزلیک، تحقیر ائدیلدیکده ایداره‌چیلره باش وۇرون و وضعیتی آچیقلایین؛
  • تحقیره جاواب وئرمک مجبوروييتینده‌سینیزسه بونو باشاردیقجا يوموشاق و ادبله ائدین؛
  • ویکی‌جمعیتین سیزین دانیشیقیتیزی ایزله‌دیگینی یاددان چیخارتمایین، اونون رغبتینی قازانماغا چالیشین (ادبسیز و نزاکتسیز ایشلدنه هئچ کیم رغبت ائتمز)؛
  • دانیشیغی داها دوز بحثه‌ طرف يؤنلدین؛
  • دانیشیق "منطقه‌سینده" مووقتی آيریلین، چالیشمانیزی ویکی‌پدیانین آیری مقاله‌لرینه، پروژه‌لرینه يؤنلدین؛
  • دانیشیقلارینیزدا "تشککور ائدیرم"، "حؤرمتله"، "عذر ایسته‌يیرم"، "زحمت اولماسا"، "سیزین چالیشمانیزی قیيمتلندیریرم" و س. بو کیمی ایفاده‌لردن ایستیفاده ائتمه‌يه چالیشین؛
  • ایشلدنه اولان شخصی خوشاگلمز موناسیبتینیزی بروزه وئرمه‌مه‌يه چالیشین.

واسطه‌‌چیلیکله نزاکتسیزلیغی ایداره ائتمک[دَییشدیر]

طرفلردن بیری حاضر اولماسا بئله اینسانلار بعضا راضیلاشماق اوچون چالیشا بیلرلر. مثلا، موشکول یارادان مقاله ترکیبینده بیر نقطه‌‌يه عاید ده، و طرفلر آراسیندا هله ده تحقیرله سؤزلر سؤيله‌نیرسه، ناراحاتچیلیغی آرادان آپارماق چتینلشیر. بو تحقیرله سؤزلره سون وئرمک ان ياخشی باشلانیشدیر. بو سببدن طرفلر آراسیندا عدالت تامین ائدیلر و آچیقلیق اورتايا چیخار.

نزاکتسیزلیغی آچیقلاماق[دَییشدیر]

بعضی ایشلدنلر اؤزلرینه دئيیلن پیس سؤزلردن بعضا چوخجا تأثیرلنه بیلر، و موخالیف دورمانین اصل قايناغینا چئوریله بیلرلر. کؤمکچی بیر بحث سرگیله‌مک مقصدی ایله اونلارا بو سؤزلرین هانسی سببلردن اؤتری صرف ائدیلدیگینی، نزاکتسیز رفتارلارین غلط اولدوغونو آمما ائدیلن شرحلرین آراسیندا اعتبارلی سايیلاجاق سببلرین ده اولدوغونو آچیقلاماق داها موناسیبدیر.

عصب‌لشن شخص، بو سؤزلرین سؤزو سؤزجويونه ایستیفاده ائدیلمه‌دیگینی آنلايیب، سؤيله‌نَن‌لرین یاددان چیخاردا بیلر و شرح ائدن آدامی دا باغیشلايا بیلر.

موخالیف چیخان آدامین شرحلرینی فرقلی بیر شیکلده ایفاده ائتمک[دَییشدیر]

واسطه‌‌چیلیک پروسئسی‌نین سونوندا، واسطه‌‌چی شخص دانیشیق کسلره مقاله و دانیشیق صفحه‌‌لرینده قاتیلان الوئریشسیز جومله‌‌لری سیلمه‌لرینی چاغیرا بیلر. ایشلدن دانیشیق و يا حمله مقصدی ایله يارادیلمیش مقاله‌لری تمامیله سیلمه‌يه قرار وئره‌بیلیلر.

بنزر شیکلده، چیرپیشانلار بیر-بیرلریندن عذر ایسته‌مه‌يه قرار وئره بیلرلر.

باغیش ایسته‌مک[دَییشدیر]

واسطه‌‌چیلیک چوخ واخت طرفلرین بیر-بیرینه سؤيله‌دیکلری سؤزلر اوزوندن قیریلدیغی زامان اورتايا چیخار. عذر ایسته‌مک، موشکولو بیر حله قوووشدورماق و يا طرفلر آراسیندا راضیلاشما تامین ائتمک دئيیل. داها دا دوغروسو عذر، طرفلر آراسیندا کئچن بیر مراسیملری و باریشی تامین ائتمک اوچون دئيیلن سؤزلردیر.

بعضی کسلر نزاکتسیز داورانیشلارا معرضینده قالدیقلاری اوچون موخالیف طرفدن عذر گؤزله‌يه بیلر. بو سببله آراداکی اوزلاشماغی تامین ائتمک اوچون صمیمی بیر شیکلده عذر ایسته‌مک لازیمدیر. دئيیلن عذر باغیشلانیلماغی ایسته‌مه‌نین بیر يؤنرگسیدیر.