ویکی‌پدیا:ادب
 | بۇ صفحه ویکی‌پدیا اۆچون بیر تاپشیرمادیر. تاپشیریقلار٬ رعایت اوْلونماسی لازیم اوْلان بیر ایستاندارد اوْلاراق ویکی‌پدیاچیلار طرفیندن قبول اوْلونماقدادیر. آنجاق دییشدیریلمه‌سی مۆمکوندور و ساغلام دۆشونجه ایله اله آلینماسی گرکدیر. صفحه‌ده دییشیک‌لیک ائتمه‌دن قاباق٬ بۇ دییشیک‌لیک‌لرین ویکی‌پدیاچیلاردان تأیید آلدیغینا امین اوْلون. اۇیغون گؤرمه‌دیگینیز بیر مادّه وارسا٬ دانیشیق صفحه‌سینده سببلری ایله آچیقجا یازین. |
 | بۇ صفحه بیر باخیشدا: شیدّتلی بیر اینتیقادلا٬ دانیشیغی طرفسیز بیر سطحدن شخصی بیر سطحه داشیمیش اوْلارسان. یاخشی گؤروشله چوْخ داها مۆتخصّیصجه بیر ایش‌بیرلیگی یارادا بیلرسن. |
یازیلارین بیر ده یازارلاری واردیر. اگر مضونلاریندان حدّیندن آرتیق شیدّتلی اینتیقاد ائدرسن اینجی‌یه بیلرلر. بئله شیدّتلی بیر اینتیقادلا٬ دانیشیغی طرفسیز بیر سطحدن شخصی بیر سطحه داشیمیش اوْلارسان. فایدالی و یارادیجی بیر دانیشیق اوْلاجاغی یئرده شخصی ساواشا چئوریلر. یاخشی گؤروشله چوْخ داها مۆتخصّیصجه بیر ایش‌بیرلیگی یارادا بیلرسن.
بۇ صفحه ویکی‌پدیانین بئش کؤک داشی‌نین یانیندا آیری اهمیتلی داورانیش قانونلارینی سؤیله‌ییر.
- شخصی حمله‌لر: دانیشیقلاردا و اینتیقادلاردا سوْیوق‌قانلی قال٬ قاباغینداکینی اینجیتمه‌‌مه‌یه دیقّت ائت. اینتیقادین بیر چوْخ یوْلو واردیر؛ ان آز آجی وئرن یوْلو سئچ.
- یاخشیلیغا اینان: داییماً قاباغینداکینی بیلیجی بیر اینسان اوْلدوغونا و اوْنون معلوماتینی ویکی‌پدیایا کؤچورمک ایسته‌دیگینه اینان. کیچیک بیر آزینلیق ائشیگینده بۇرداکی اینسانلارین هدفی عئینی سنینکی کیمی ویکی‌پدیانی بؤیودوب گؤزللشدیرمکدیر. سنه بیرینجی باخیشدا زهله‌سیز گلن بیر شئی اۆچون بلکی آیری بیری‌سی‌نین منطیقی سببلری اوْلا بیلر. سببینی آچیقلامادان دییشیک‌لیک‌لری تکرار سیلمک ده حؤرمتسیزلیقدیر. ائدیلن دییشیک‌لیگه نه‌یه معنا وئره‌مه‌دیگینی اوْ ایشلدنین دانیشیق صفحه‌سینده آچیقلا.
- جانا یاخین اوْل: صمیمیت و یاخشی گؤروشلولوک مۆتخصیصلیگین بیر قانادی‌دیر. معلومات آلیش-وئریشینی و یارادیجیلیغی مۆمکون ائدن٬ یاخشی گؤروشلولوکدور. اگر اوْلدوقجا بیر شئیی بَیَندییسن٬ بۇنو آچیقجا بللیلشدیر. گؤزل بیر شئی سؤیله‌مک چوْخ زحمتلی بیر شئی دئییلدیر آنجاق انگیزه اثری چوْخ بؤیوکدور. سندن سوْروشولموش سواللاری جاوابسیز بۇراخماماق دا یاخشی گؤروشلولوکدن‌دیر.
- الدن یاپیش: یئنی ایشلدنلری گؤزل بیر خوْش‌گلدین ایله ایستقبال ائت. اوْنلارا٬ ویکی‌پدیا مئشه‌سینده ایتمه‌مه‌لری اۆچون کؤمک الینی اۇزادیب یوْل گؤستر. سنه گلمیش یازیلارا جاواب وئر و سنه کؤمک ائدیلدییسه تشکّور ائت. بوْشا گئدن اینتیقاد قۇرما چالیشمالاری٬ چوْخ اۆزوجودور.
- راحت اوْل: هرکسین آرا سیرا پیس بیر گۆنو اوْلار و اوْ گۆن تحمّولو نوْرمالیندان داها قیسا اوْلا بیلر - درین بیر نفس آل و راحاتلا. اوْ زامان ایسترسین آزالار٬ چوْخ قیریلغان اوْلمازسان و داها دوْغرو داورانارسان.
- هامیمیز کؤنوللو اوْلاراق بۇراداییق: هئچ کیمسه بۇرادا وئردیگی امک اۆچون پۇل آلماییر. اگر بیری‌سیندن بیر شئی ایسته‌ییرسن٬ اوْنا خواهیش ائت؛ آمّا ایستک‌لری‌نین بیر لحظه‌ده یئرینه گتیریلمه‌سینی گؤزله‌مه‌یه حاقّین یوْخ! بلکی اوْ شخص اوْ آن ویکی‌تعطیلاتینا چیخمیشدیر؟! هامیمیز ویکی‌پدیانین بیر پارچاسی‌ییق - سن اؤزون یازارسان و بیر ایشلر گؤره بیلیرسن. جسور اوْل! اگر آیریلاری سنین ائتدیک‌لرینی بَیَنمزسه٬ دانیشیق صفحه‌لرینده یا آنلاشیب بیر یوْلونو تاپارسینیز یا دا ائتدیک‌لرینی قایتارارسان.
- بیره‌بیر گؤروش: قاباغینداکی شخص ایله بیره‌بیر ایرتباط قۇرمایا چالیش و مثلاً ویکی‌پدیا:دانیشیغی ایشلت. اگر ائتدیگیندن آرخایین دئییلسن٬ اوْرادا گؤروشلرینی اؤیرنه بیله‌جگین و آراچی اوْلا بیله‌جک تجرۆبه‌لی یوْلداشلار تاپارسان. بئله‌جه٬ دییشیک‌لیک ساواشینا چئوریله بیله‌جک بیر ایختیلافی داها باریشچیل بیر شیکلده حل ائده بیلرسن.
- هرکسین گؤزو قاباغیندا ساواشما: ایکی شخص ساواشاندا هرکس طرفیندن عاییب‌لانا بیلرسن٬ یوْلداشلار دا بۇنا اۆزولر. بۇ مسأله‌نین حلّی اۆچون ده ال‌وئریشلی دئییل٬ چۆنکو هئچ‌بیریمیز هرکسین گؤزو قاباغیندا حاقسیز چیخیب اۆزوموزو قاراتماق ایسته‌مریک! اوْنا گؤره بئله وضعیتلرده ایمئیل٬ دانیشیق صفحه‌سی٬ ... یا دا گیزلیلیگی قوْرویاجاق هانسیسا بیر آیری ایرتباط یوْلونو ایشلت.
- باغیشلا و یاددان چیخارت: اۇزون زاماندیر ویکی‌پدیادا چالیشان هرکس ان آز بیر دفعه بیری‌سییله چیرپیشمایا گیرمیشدیر. کۆسمک و اینجیمک بئله آنلاردا طبیعی کی نوْرمال‌دیر آمّا «کینه‌لی» اوْلما. حرکتلری یاددان چیخارتماسینی بیل٬ اؤزون ده همیشه باغیش ایسته‌مه‌یه آچیق اوْل و ایختیلافلاری موناسیب بیر زامان سوْنرا چاتدیر. بلکی ده مسأله سنین آنلادیغین کیمی دئییلدیر٬ بلکی ده هر شئی ساده‌جه بیر غلط آنلامانین نتیجه‌سیدیر.
| عومومی باخیش | |
|---|---|
| عومومی اصل‌لر | |
| مؤحتوا سیاستلری | |
| آیری مؤحتوا سیاستلری | |
| مؤحتوا تاپشیریقلاری | |
| داورانیش سیاستلری | |
| داورانیش تاپشیریقلاری | |
| دییشدیرمه تاپشیریقلاری | |
| ویکی‌مدیا تشکیلاتی | |
