ویکی‌پدیا:ویکی‌پدیا نه دئییل؟
 | بۇ صفحه ویکی‌پدیا سیاستلریندن بیری ساییلیر. بۇ سیاست چوخلو ایشلدنلر طرفیندن قبول اوْلونماقدادیر و بۆتون ایشلدنلر اونو رعایت ائتمه‌لیدیر. بۇ سیاستلرده هر دییشیک‌لیک اۆچون اؤنجه اوْنون اۆستونده ایجماع اوْلمالیدیر. |
 | بۇ صفحه بیر باخیش‌دا: ویکی‌پدیا بیر آنلاین بیلیکلیکدیر و یوخاری کیفیت‌لی بیلیک‌لیک ياراتماق وظیفه‌‌سی قوْيموش کؤنوللو ایشلدنلر امگی حسابینا گلیشیر. ویکی‌پدیادان آیری یوْل‌لاردا ایشلتمک دۆشونجه‌سیندن وازگئچین. |
ویکی‌پدیا آنلاين بیلیکلیکدیر و قاباق‌لارینا یوخاری کئیفیت‌لی بیلیک‌لیک ياراتماق وظیفه‌‌سی قوْيموش کؤنوللو ایشلدنلر امگی حسابینا بؤیویور. ویکی‌پدیا ویکی‌جمعیت عۆضولری‌نین مۆتقابیل احتیرامی اساسیندا چالیشیر. ویکی‌پدیانین بئش کؤک داشین نظره آلاراق بۆتون ایشلدنلر بیلمه‌لی‌دیرلر کی، ویکی‌پدیا آشاغی‌داکی‌لار دئيیل:
ایستیل و فوْرمت
[دَییشدیر]ویکی‌پدیا کاغیذ بیلیک‌لیک دئيیل
[دَییشدیر]ویکی‌پدیا کاغیذ بیلیک‌لیک دئيیل. بۇرادان بئله چیٛخیر کی، حقیقت‌لرین گئچرلیگی و بۇ صفحه‌‌ده گؤرسدیله‌جک باشقا اصل‌لری پوْزماماق شرطی ایله موضوع سايینا و مضمون حجمینه هئچ بیر محدوديت يوْخ‌دور.
بۇ قانون مقاله موضوعلارینا آزادلیق وئرمیر. مقاله موضوعو بئش کؤک داشا اۇيغون اوْلمالیدیر.
بیرده مقاله‌لر اوْخوناق‌لی اوْلمالی، دیال-آپ و بعضی تیپ بروزرلرین ایشلدن‌لرین بیلیک‌لیک‌دن داها راحات فایدالانماغی اۆچون بللی، منطقی ایله اۇيغون حد چرچیوه‌سینده اوْلمالیدیر.
بللی بیر حددن سوْنرا مقاله‌لرین موضوعلاری طبیعی اوْلاراق داها کوْنکرئت باشلیق‌لار آلتیندا بؤلونمه‌سینه احتیاج يارانیر. بۇ زامان مقاله‌نین مۆقدمه‌سینده اوْنون قێسا مضمونو قالیر. کاغیذ-چاپ بیلیک‌لیک‌لرینده بعضی موضوعلاری چوْخ قێسا، قۇرو و يا تکجه ساییم بیلگیلر مجموعه سی کیمی گؤرسدیلمیش‌دیر. ویکی‌پديادا کاغیذا قناعت ائتمگه احتیاج اوْلمادیغی اۆچون بۇرادا ایسته‌نیلن موضوع گئنیش شکیلده عکس ائتدیرمک، باغلی باغلانتی‌لار آرتیرماق، مقاله‌نین موضوعونو و آختاشیری يئنیله‌مک و س. اوْلار.
بۇ هم ده اوْ دئمک‌دیر کی، باغلیب موضوعدا مقاله‌لری تکجه بیر آدین باشقاسیندان داها گئنیش شکیلده ایشلندیگی اۆچون یوْللاندیرما صفحه‌لریندن فایدالانماق‌لا بیرلشدیریلمه‌سینه احتیاج يوْخ‌دور. بئله حال‌لاردا "بیرده باخ" بؤلومونده بۇ جۆر مقاله آدلارینی گیردیرمک گرک‌دیر کی، اوْخوجو موضوع ایله باغلی بۆتون بیلگیلر ایله تانیش اوْلا بیلسین.
موضوع
[دَییشدیر]ویکی‌پدیا بیلگی‌لرین آغینا-بوْزونا باخمادان يازیلدیغی توْپلو دئيیل؛ هر هانسی بیر بیلگی‌نین دوْغرو و يا فايدالی اوْلماسی هئچ ده بۇ بیلگی‌نین مطلق بیلیک‌لیکه گیردیرمه‌سینه حق وئرمیر. بیرده بللی تیپ بیلگی‌لرین ویکی‌پدیايا گیردیریلمه‌سینه گؤره دانیشیق‌لاردا اجماع يارانماسی اۆچون آشاغی‌دا گؤرسدیلن “ویکی‌پدیا نه دئيیل” قانونلاری گؤزل میثالدیر.
ویکی‌پدیا سؤزلوک و يا سؤز و دئییم‌لرین فایدالانماسی اۆچون بیلگی کیتابچاسی دئيیل. ویکی‌پدیا مقاله‌لری آشاغی‌داکی‌لار دئيیل:
1. سؤزلرین معناسینی ایفاده ائدیلدیگی يئر – ویکی‌پدیا سؤزلوک اوْلمادیغی اۆچون هر هانسیسا بیردئییم‌ین و يا سؤزون معناسینا ایفاده ائتمک اۆچون يئنی بیر مقاله ياراتماق لازیم دئيیل. بۇ جۆر ایفاده تکجه مقاله‌نین اولینده وئریلمه‌لی‌دیر. اگر سیزین قاباغینیزا بۇ جۆر موضوعلو مقاله چێخارسا، چالیشین اوْنو بیلیک‌لیک معلومات ایله وارلی‌لاشدیرین. بعضی حال‌لاردا سؤز و افاده اؤزو بیلیک‌لیک مقاله موضوعو اوْلا بیلر. بیرده، رقم‌لره گؤره مقاله‌لر ده استثنادیر.
2. سؤزلرین معناسینی ایفاده ائدیلدیگی لیست – یوْللاندیرما صفحهلر و فهرست‌لری چێخماق شرطی ایله سؤزلرین و يا ایفاده‌لرین معنالاری گؤرسدیلمیش لیست‌لر ده ویکی‌پدیادا اوْلمامالی‌دیر.
3. سؤزلرین يئرلرینه گؤره ایشلدیلمه‌سی و يا ژارقوْن و فرازئوْلوْژی ایفاده‌لرین ایشله‌دیلمه‌سی اۆچون بیلگی کیتابچاسی دئيیل – ویکی‌پدیا قاباغیندا بۇ و يا آیری افاده‌نین نطق‌ده يئرینی بللی‌لشدیرمک کیمی وظیفه‌‌لر قوْيمامیش‌دیر. بۇرادا اینسان‌لارا گؤزل نطقین سیرلری اؤيردیلمیر. آنجاق بللی حال‌لاردا بیلیک‌لیک مقاله موضوعوندا بۇ و يا آیری سؤزلردن معنا فرقی وئرمه‌سی اۆچون هارادا فایدالانماسی بیلدیریله بیلر.
بیرده، ویکی‌پدیانین قارداش پروژه‌سی - ویکی‌سؤزلوک‌ده واردیر کی، محض اوْندان سؤزلوک کیمی فایدالانا بیلرسینیز.
ویکی‌پدیا سیزین اؤز دوشونجه‌لرینیزی و اورجینال آراشدیرما نتیجه‌لرینی و يا يئنی، قاباقجا هئچ بیر يئرده چاپ اوْلونمامیش معلوماتلاری يئرلشدیرمه‌نیز اۆچون يئر دئيیل‌دیر. بۇنا گؤره ده آشاغی‌داکی تیپ معلوماتلارین ویکی‌پدیادا يئرلشدیریلمه‌سی ممنوعدور:
1. ایلکین (اوْرجینال) آراشدیرما نتیجه‌لری، یعنی يئنی نظریه‌‌لرین تقدیم اوْلونماسی، يئنی حل يوْل‌لاری، اورجینال ادعالار، مؤوجود دئییم‌لرین يئنی تعریف‌لرین وئریلمه‌سی، يئنی يارادیلمیش دئییم‌لرین و س. اگر سیز هر هانسیسا بیر موضوعدا اورجینال آراشدیرماز وارسا، چالیشین آراشدیرمالارینیزین نتیجه‌لرینی تانینمیش، گئچرلی نشرلرده و يا اینترنتده مشهور پوْرتال‌لاردا يئرلشدیره‌سینیز. سیزین ایشینیزین نتیجه‌لری تکجه اوْ زامان ویکی‌پديادا گؤرونه‌جک کی، اوْ، هامی طرفیندن قبول ائدیلمیش معلومات اوْلسون. سؤزسوز کو، رئسئنزیيالی (نئچه نفر طرفيندن گوزدن گئچن) درگیلر ویکی‌پدیانین تکجه بیلگی قایناغی دئيیل، آنجاق سیز چالیشمالیسینیز کی، سیزین وئردیگیز بیلگیلر گئچرلی قایناقلاردان اوْلسون و يوْخلانیلا بیلسین. سیزین کیتاب و آیری چاپ نشرلرینه و يا معتبر وب-قایناق‌لارینا استناد ائتمه‌نیز گیردیردیگیز بیلگی‌نین تکجه سیزین دۆشونجه‌نیز اوْلمادیغینا و اوْنون گئچرلیگینی گؤرسدیر.
2. اوْرجینال کشف. اگر سیز بیلیمه يئنی بیر تعریف و يا آنلايیش داخیل ائتمیسینیزسه، يئنی اوْيون قۇراللاری، يئنی رقص حرکت‌لری و س. بۇ کیمی اوْرجینال کشف‌لرینیز گؤره بیلگی‌نی ویکی‌پديادا ساخلاماق ایسته‌يیرسینیزسه بۇ موضوعدا آیری بیر گئچرلی قایناق بیلگی وئرمه‌لی‌دیر. ویکی‌پدیا "۱ گۆنلوک ادعالار" اۆچون يئر دئيیل‌دیر.
3. شخصی مقاله دئيیل‌دیر کی، بۇرادا سیز بۇ و يا آیری موضوع ایله باغلی دۆشونجه‌نیزی افاده ائده‌سینیز. ویکی‌پدیا بشریتین بیلیک‌لری‌نین ییغیلماسی اۆچون نظرده تۇتولموش‌دور. بۇ کیمینسه شخصی دۆشونجه‌نیزی عۆموم‌بشری بیلیک‌لرین ترکیب بؤلومو ائتمک اۆچون واسطه دئيیل‌دیر. ائله حال‌لار اوْلا بیلر کی، هر هانسی بیر کیمسه‌نین دۆشونجه‌لری عمومی دانیشیق موضوعو اوْلسون. آرزووْلوناندیر کی، بۇ جۆر دۆشونجه‌لر ایکینجی بیر شخص طرفیندن (یازارین اؤزو طرفیندن يوْخ) يازیلسین. ویکی‌پدیایا گؤره شخصی دۆشونجه‌لرینیزی و يا بۇنون‌لا باغلی فیکیرلرینیزی باش‌ویکی‌یه بیلدیره بیلرسینیز.
4. دانیشیق فوْروم‌لاری. لطفاً، دایم يادینیزدا ساخلايین کی، بیزیم مقصدیمیز بیلیک‌لیک ياراتماق‌دیر. سیز اؤز همکارلارینیزلا اوْنلارین ایشلدن دانیشیق صفحه‌‌لرینده دانیشا بیلرسینیز. مقاله‌لرین دانیشیق صفحه‌‌لرینده ده بۇ مقاله‌يه باغلی سواللارا گؤره دانیشین، لاکین دانیشیغی مقاله‌نین اؤزونه گئچیرمه‌يین. بیرده، ياددا ساخلايین کی، دانیشیق صفحهلری مقاله‌لری تکمیل‌لشدیرمک، موضوعا گؤره دانیشماق اۆچون‌دور، مقاله‌نین موضوعونا گؤره دانیشماق و يا فنی کؤمک ایستمک اۆچون يئر دئيیل‌دیر. بۇنون اۆچون آذب‌ویکی‌ده کند مئيدانی و IRC کانالی مؤوجوددور.
5. ژۇرنالیستیک. ویکی‌پدیا جاری حادیثه لر گؤره اوْرجینال قایناق نقشینی اوْیناماز. ویکی‌پدیا اوْرجینال قایناق دئيیل. بۇنون اۆچون ویکی‌پديانین قارداش پروژه لرینده بیری اوْلان ویکی‌خبر مؤوجوددور و محض اوْرجینال بیلگی قایناغی اوْلماسی اۆچون يارادیلمیش‌دیر. بیرده، قئيد ائدیلمهلیدیر کی، ویکی‌پديادا تاریخی اهمیتلی جاری حادیثه لره گؤره کفايت قدر دایره المعارفلیک مقاله‌لر واردیر کی، ویکی‌پديانین آنلاین بیلیک‌لیک اوْلماسی بئله مقاله‌لری سرعتله يئنیله‌مگه امکان وئریر.
ویکی‌پدیا آزاد تریبون، منبر یا دا تبلیغات یئری دئيیل
[دَییشدیر]ویکی‌پدیا آزاد تریبون و يا وبلاق اوْلمادیغیندان؛ صحبت، دانیشیق، تبلیغات و يا موعظه اۆچون آيریلمیش يئر دئيیل. بۇنا گؤره‌ده ویکی‌پدیا مقاله‌لری آشاغی‌داکی‌لار دئيیل‌دیر:
1. تبلیغات و يا نَيینسه طرفینی تۇتماق مقصدیله چێخیش. البته کی، ویکی‌پديادا بۇ جۆر چێخیشلارا گؤره اوْبيئکتیو يازی‌لار اوْلا بیلر – بۇ زامان طرفسیزلیک اصلینه عمل ائتمک گرک‌دیر. اگر اؤز دۆشونجه‌لرینیزین اۆستونلوکلرینی باشقالارینا گؤرستمک اۆچون بۇرا گلمیسینیزسه، بیلین کی، ویکی‌پدیا سیزین يئرینیز دئيیل. لطفاً اؤزونوزه وبلاق يارادین، فوْروم‌لارا قاتیلین و يا بۇنون اۆچون آیری واسطه‌‌لردن فایدالانین.
2. فردی تبلیغ يئری دئيیل. اؤزونوزه گؤره و ائتدیگینیز ایش‌لر ایله باغلی يازسانیز دا يازدیغینیزین آیری بۆتون مقاله‌لرده اوْلدوغو کیمی دایره المعارفلیک ایستانداردلارا موناسیب شکلده اوْلماسینی یاددان چبخارتمایین. طرفسیزلیک اصلینه مخصوص دیر وئرین. احتیاج اوْلمادیقدا آوتوْبیوْقرافیک مقاله‌لرده چوْخلو مقداردا ائؤیک باغلانتی‌لار یازمایین، بۇ ممنوعدور.
3. تجاری تبلیغ يئری دئيیل. محصول‌لارلا و يا شرکت‌لرله باغلی مقاله‌لر طرفسیزلیک اصلینه موناسیب شکلده ایطلاعات وئرمک اۆچون يازیلا بیلر. بحث ائدیلن شرکت‌لره گؤره تکجه یازارین دئيیل، آیری‌لارین دا بیلمه‌سی، شرکتین ویکی‌پديايا دۆشمه‌سی اۆچون اهمیتلی اوْلماسی و تانینماسی دا گرک‌دیر. بیرده، گیردیریلمیش بیلگی اۆچونجو بیر شخص طرفیندن يوْخلانیلا بیلمه‌لیدیر. یعنی کیچیک شرکت‌لره گؤره مقاله‌لر يازماق اوْلماز. تجارت شرکت‌لرینه باغلانتی‌لار تکجه مقاله ایله باغلی دقت چکن مدرک‌لر و يا ایری کمپانی‌لره باغلانتی وئردیکده اوْلار. ویکی‌پدیا هر هانسی بیر شرکتی ساپورت ائدمز.
ویکی‌پدیا باغلانتی‌لار، مدیا فايل‌لار و يا گؤرونتولر اۆچون کوْلکسیون دئيیل
[دَییشدیر]ویکی‌پدیا نه یوْللاندیرما صفحهسی، نه ده عکس و بۇنا اوْخشار مدیا فايل‌لارینی ساخلانیلماسی يئری‌دیر. ویکی‌پدیا مقاله‌لری بیرده آشاغی‌داکی‌لار دئيیل:
1. تکجه ائشیک باغلانتی‌لارین عبارت لینک مجموعه‌سی. هر هانسیسا مقاله‌يه مقاله‌نین موضوعونا موناسیب بیر نئچه لینک آرتیرماق اوْلار. آنجاق، حددن آرتیق ائشیک باغلانتی وئرمک اوْلماز.
2. تکجه ایچ باغلانتی‌لاردان عبارت اوْلان لینک مجموعه‌سی. قئيد اوْلونمالی‌دیر کی، بۇرايا یوْللاندیرما صفحهلری عاید دئيیل.
3. هئچ بیر سئچیم آپاریلمادان اجتماعی واریداتدا (کپی رایت قانونوندان آزاد اولان‌لار) اوْلان مواد ایله بیلگی‌لرین مجموعه‌سی. مثلا، کیتاب‌لارین بۆتون مضمونو، آچیق برنامه کوْدلاری، تاریخی سندلر، مکتوب‌لار، قانون‌لارین بۆتؤو متنی، بَياننامه‌لر و س. بۇ تیپ، آنجاق اوْرجینال‌دا ديَری اوْلان ماده‌لر. بۇ جۆر بیلگیلر ویکی‌قایناق‌دا يئرلشدیره بیلرسینیز. آنجاق، اوْ دا قئيد ائدیلمهلیدیر کی، بۇ قۇرال‌لارا اساسلانیب اجتماعی واریدات حساب ائدیلن (مثلا، 1911-جی ایلده نشر ائدیلمیش بریتاننیکا بیلیک‌لیکی) قایناقلاردان ویکی‌پديايا دایره المعارفلیک بیلگی گیردیریلمز.
4. آچبقلاییجی يازی ایله مۆشايیت اوْلونمايان، ساده عکسلر و يا مدیا فايل‌لار مجموعه‌سی. اگر سیز عکس و يا رسم سرگیله‌مک ایسته‌يیرسینیزسه، لطفاً بۇ عکسه گؤره دایره المعارفلیک بیلگی وئرین و ویکی‌مدیا آنبارینا (Commons) آرتیرین.
ویکی‌پدیا وبلاق، پۇل‌سوز هاست، اجتماعی شبکه و خاطیره سايتی دئيیل
[دَییشدیر]ویکی‌پدیا آیری آدلیم سرورلر کیمی سیزه وبلاق، ایجتماعی شبکه، شخصی سايت ياراتماق و ب. بۇ کیمی ایمکان‌لار وئرمیر. ویکی‌پدیا صفحهلری بیرده آشاغی‌داکی‌لار دئيیل‌دیر:
1. شخصی صفحهلر. ویکی‌پديانین وارلیلاشدیرماسینا چالیشان ایشلدن‌لرین ایشلدن صفحهلری واردیر، آنجاق بۇ صفحه‌‌لرده وئریلن بیلگیلر تکجه ویکی‌پدياداکی فعالیته دایر اوْلمالیدیر. اگر سیز شخصی صفحه‌‌نیزی و يا وبلاق ياراتماق ایسته‌يیرسینیزسه، لطفاً بۇ جۆر خیدمت‌لر سۇنان سرورلرین خیدمت‌لریندن فایدالانین. ایشلدن صفحه‌لری‌نین مقصدی ایجتماعی شبکه، باشقا ایشلدن‌لرله باغلانتی دئيیل، بیلیک‌لیک اۆزرینده‌کی فعالیتی داها دا چالیشقان ائتمک اۆچون بازانین يارادیلماسی‌دیر
2. شخصی فايل آنباری. لطفاً تکجه مقاله‌لرده استفاده ائده‌جه‌يینیز فايل‌لاری يۆکله‌يین. فایداسیز فايل‌لار بیر مۆدت سوْنرا سیلینیرلر. اگر سیزده فایدالی حساب ائتدیگینیز علاوه فايل‌لار و عکسلر وارسا لۆطفاً اوْنو ویکی‌مدیا آنبارینا يۆکله‌يین، بۇرادان ویکی‌پديايا باغلانتی وئریله بیلر.
3. تانیشلیق خدمتی. ویکی‌پدیا تانیشلیق مقصدی اۆچون استفاده ائدیلمه‌مه‌لی‌دیر. ایشلدن صفحه‌‌لرینده بۇ مقصدله وئریلمیش بیلگی‌نین اۆستونلوک تشکیل ائتمه‌سی يوْل‌وئریلمزدیر.
4. خاطیره سايتی. ویکی‌پديادا ياخین‌لارینیزین و دوْستلارینیزین خاطیره‌سی ياد ائدیلمیر. بۇ جۆر شخص‌لره گؤره يارادیلمیش مقاله‌لر شخصلرین بیلیک‌لیک‌سل اهمیتی ضابیطه‌لرینه اۇيغون اوْلمالیدیر.
ویکی‌پدیا کاتالوق دئيیل
[دَییشدیر]ویکی‌پدیا بۇ چاغاجا مؤوجود اوْلموش و يا مؤوجود اوْلان شئي‌لرین کاتالوْقو دئيیل‌دیر. ویکی‌پدیا مقاله‌لری آشاغی‌داکی‌لار دئيیل‌دیر:
1. ضعیف باغلیلی معلوماتین لیستی و يا آنباری. بئله معلوماتلار، میثال سؤزلر، موعظه‌لر، اۇيدورما و يا رئال پئرسوْناژلارا گؤره اطلاعاتلار عایددیر. سؤزلر اۆچون ویکی‌پديانین قارداش پروژه سی واردیر- ویکی‌سؤز. سؤزسوز کو، بۇ قۇرال بللی معنادا موضوع ایله باغلی اوْلان و يا اوْنو اهمیتلی درجه‌‌ده وارلیلاشدیران لیست‌لرین يارادیلماسینی ممنوعلاشدیرمیر. بیرده بۇ قانون ویکی‌پديانین ایشینی ساده‌لشدیرمک اۆچون دیگر باغلانتی‌لار جدولی و باشقا جدول‌لرین، بیر-بیری ایله عمومی موضوع ایله باغلی اوْلان کیچیک مقاله‌لرین بیرلشدیریلمه‌سینیده قاداغان ائتمیر.
2. گئنئلوْژی معلوماتلار و يا تلفوْن-سوال کیتابچاسی. تکجه اوْ شخص‌لره گؤره مقاله‌لر يارادیلا بیلر کی، بۇ شخصلر اؤز چالیشمالاری ایله اوْلدوقجا آدلیملیق قازانمیش اوْلسون‌لار. بۇ جۆر شخص‌لره گؤره مقاله‌لر اۆچون کؤک قایناقلاردان بیری ده ائشیک قایناقلار اوْلماسی‌دیر. ویکی‌پدیا "آغ صفحه" دئيیل‌دیر.
3. کاتالوْقلار، سوال ماده‌لری، اِلکتروْنیک برنامه کؤمک‌چی‌لری،بیرده ایش اۆچون قایناق. مثال اۆچون، رادیوْ حاقیندا مقاله‌لرده، بیر قانون اوْلاراق، گله‌جکده باش وئره‌جک حادیثه لری، نؤوبتی هفته برنامه‌سی، اهمیتلی اوْلمايان کادر ديَیشیک‌لیک‌لرینی، تلفوْن نؤمره‌لرینی و ب. بۇ کیمی معلوماتلاری يئرلشدیرمک گرک دئيیل. بیرده، بۇ جۆر مقاله‌لرین دانیشیق صفحه‌‌لرینده‌ده يۇخاریدا سادالانان معلوماتین يئرلشدیریلمه‌سی يوْل‌وئریلمزدیر، بۇ صفحه‌‌لرده مقاله مضمونو دانیشیلیر. ویکی‌پدیا "ساری صفحه" دئيیل‌دیر.
4. ساتیش کاتالوْقلاری. ویکی‌پديادا جنس‌لرین دَیَری گؤرسدیلمز، ویکی‌پديادا محصول‌لارین دَیَرلری‌نین گؤرسدیلمه‌سی اۆچون قایناق و اساسلی سبب گؤرسدیلمه‌لی‌دیر. اساسلی سبب‌لره میثال کیمی نادر محصول‌لارین دَیَری، اقتصادی بیلگی دایر مقاله‌لرده موقایسه ائتمک اۆچون دَیَر گؤرسدیله بیلر. باشقا بیر طرف‌دن کۆچه دَیَرلری-اهمیتسیزدیر. کۆچه دَیَرلری چاغ ایله یئردن آسیلی اوْلاراق کسکین فرقلنه بیلر. اوْنا گؤره‌ده ایندی ساتیش‌دا اوْلان محصول‌لارین کۆچه دَیَری گؤرسدیله بیلمز. بیرده، ویکی‌پدیا ساتیش کؤمک‌چی‌سی دئيیل کی، اوْنون واسطه‌‌سی‌له رقابتده اوْلان محصول‌لارین دَیَرینی و يا بیر محصولون مختلف اؤلک‌لرده دَیَرلری مقایسه ائدیلسین.
ویکی‌پدیا تعلیمات کیتابچاسی، يوْل گؤرسدن و يا درسلیک دئيیل
[دَییشدیر]ویکی‌پديا-بیلیک‌لیک‌سل قایناق‌دیر، راهنما و يا درسلیک دئيیل. ویکی‌پدیا مقاله‌لری آشاغی‌داکی‌لار ساییلمامالی‌دیر:
1. راهنمالار. ویکی‌پدیا اینسان‌لارین، يئرلرین و اشيالارین عکسی مؤوجوددور، آنجاق بۇ اوْ دئمک دئيیل‌دیر کی، ویکی‌پدیا راهنما، مصلحت (حقوقی، طیبعی و ب.) و پیشنهادلار، "پراکتیکی مصلحت‌لر" منبعی ساییلمامالی‌دیر. بۇرا بیرده اؤيرَدیجی پروقراملار، اوْيون راهنماسی و رئسئپتلر عایددیر.
2. دوْلانما تعلیماتی. میثال اۆچون پاریسه گؤره مقاله‌ده ایفیل بوْرجو، لۇور سارايی کیمی اوْریئنتیرلر قئيد ائدیلمهلیدیر، داها سیزین سئودیگینیز هتلین کۆچه آدرسی، تلفوْن نمره‌سی و يا سئویم‌لی قهوه‌نیزین دَیَری گؤرسدیله بیلمز. ویکی‌پديا، بیرده، داها چوْخ هتل تعلیماتینا، يئمک راهنمالارینا، دوْلانما تعلیماتینا و بۇنلارا بنزر معلوماتلار اۆچون ده يئر دئيیل‌دیر. بونلار اوچون ویکی‌نین قارداش پروژه سی (ویکی‌دوْلانما) واردیر.
3. اینترنت تعلیماتی. ویکی‌پدیا تکجه طبیعتی تصویر ائتمه‌مه‌لی‌دیر، بیرده سايت‌لار و اینترنت قۇللوق‌لارا گؤره بیلیک‌لیک‌سل مضمونلو بیلگی وئریله بیلر. گئنیش جمعیته بللی اوْلان سايت‌لارین نایلیتلری، اوْنلارین تاریخی اهمیتینه گؤره يئنی بیلگیلر وئرمه‌لی‌دیر.
4. درسلیکلر و قئيدلر. ویکی‌پدیا بیلیک‌لیک‌سل قایناق‌دیر، درسلیک دئيیل. ویکی‌پديانین مقصدی حقیقت‌لری گؤرسدمک‌دیر، فنی تدریس ائتمک دئيیل. مثال اۆچون موضوعو پیلله-پیلله آچان، درسلیک متن‌لری کیمی اوْخونان مقاله‌لر ياراتماق و دییشدیرمک گرک دئيیل. بۇنون اۆچون ویکی‌پديانین قارداش پروژه لری ویکی‌کیتاب و ویکی‌قایناق واردیر.
جمعیت
[دَییشدیر]ویکی‌پدیا دموکراسی یئری دئيیل
[دَییشدیر]ویکی‌پدیا دموکراسی و يا آیری سياسی سیستمین تست مئيدانی دئيیل. دانیشیق چاغی حقیقتی اۆزه چیٛخارماق اۆچون دانیشیق، اجماع الده ائدیلمه‌سی داها اولویت‌لی‌دیر، نه اینکی سس‌وئرمه. باشقا سؤزله، هئچ ده چوْخلوغون فکری ویکی‌پديانین رسمی سیاستی کیمی قبول ائدیلمه‌مه‌لی‌دیر. آنجاق بللی مساله‌‌لرین حل ائدیلمه‌سینده سس‌وئرمه داها تأثیرلی نقش اوْينايا بیلر، مثلا سیلینمه‌يه آداخلی اولان مقاله‌لرین سیلینمه‌سینه گؤره سس‌وئرمه.
ویکی‌پدیا بۇروکراسی دئيیل
[دَییشدیر]ویکی‌پديا-وکیل‌لرین تکمیللشدیرمه مکانی، اوْنون سیاستلری ده -ویکی‌جمیتین سوْن هدفی دئيیل. بۆتون بۇ سیاستلر ویکی‌پديانین وارلیلاشدیرماسی چاغی مئيدانا چیٛخا بیله‌جک سیخینتی‌لاری داها راحت حل ائده بیلمز اۆچون يارادیلمیش‌دیر، اوْنا گؤره‌ده بۆروْکراتیک مانعلردن اوْلدوقجا قاچماق گرک‌دیر. هر هانسیسا بیر سیاست ویکی‌پديانین وارلیلاشدیرماسینا مانع تؤره‌دیرسه، اوْلدوقجا اوْندان يان قاچماق گرک‌دیر. بئله حال‌لاردا داها چوْخ ایچری سسینیزه قۇلاق آسین، سیاستلرله اصل‌لری پوْزولماياجاق بیر شئي کیمی گؤرمه‌يین. بۆتون دۆشونجه آيریلیق‌لاری دانیشیق ائدیلمهلیدیر، سیاستلرین بۆروْکراتیک فوْرم‌دا دقیق گؤزله‌نیلمه‌سینه احتیاج يوْخ‌دور.
ویکی‌پدیا دؤيوش مئيدانی دئيیل
[دَییشدیر]ویکی‌پدیا کیمسه موخالیف دۆشونجه بیلدیرمه‌يه، شخصی چاتیشمامازلیق ادخال ائتمه‌يه، نَيسه موخالیف مناسبت بیلدیرمک اۆچون يئر دئيیل. ویکی‌پدیا دانیشیق‌لارینی شخصی درگیرلیق چئویرمک بیزیم مقصدیمیزه و اصول‌لاریمیزا ضد حرکت ائتمک دئمک‌دیر.
هر بیر ایشلدن باشقاسی ایله اۆنسیتده ملایم، سس‌سیز و امک‌داشلیق رۇحوندا اوْلمالیدیر. دۆشونجه‌لری سیزین دۆشونجه‌نیزه ضد اوْلان ایشلدنلری، تحقیر ائتمه‌يین، قوْرخوتمايین، تضییق گؤرستمه‌يین. ياخشی اوْلاردی کی، دۆشونجه آيریلیغینا سوْيوق ياناشاسینیز و اوْنو سس‌سیز-ملایم دانیشیق ایله حل ائده‌سینیز. اگر موخالیف طرف اؤزونو سیزه موخالیف آجیقلی آپاریرسا، امکداشلیغا گئتمک ایستمیرسه، تحقیر و تيیق گؤرسدسه بۇ هئچ‌ده سیزه عینیله بۇ فوْرم‌دا اوْنا جواب وئره بیله‌جه‌يینیز دئمک دئيیل. چالیشین رقیبین بۇ جۆر دۆشونجه‌لرینه "قۇرو جواب" وئره‌سینیز، يا دا هئچ وئرمه‌يه‌سینیز.
چاتيشمامازلیق اؤز گۆجونوزه حل ائتمه‌يین اوْلدوقجا آنلادیق‌دا آیری ایشلدن‌لرین کؤمگیندن یارارلانین.
بیرده مقاله‌لری تکجه رقیبه اوْنون حاق‌سیز اوْلدوغونو گؤرسدمک اۆچون دییشدیرمه‌یین.
ویکی‌پديادان ایشلدنلر، پروژه‌نین اؤزو و ویکی‌مديا تشکیلاتی اۆچون حقوقی و يا آیری بیر خطر ياراتماق اۆچون فایدالانمایین. خطرلر يوْل‌وئریلمزدیر و سیزین ویکی‌پدیا صفحه‌‌لرینی دییشدیرمه‌نیز محدودلاشدیریلماسینا گتیریب چێخاردا بیلر.
ویکی‌پدیا آنارشیسم دئيیل
[دَییشدیر]ویکی‌پدیا آزاد و آچیق‌دیر، آنجاق بۇ آزادلیق و آچیقلیق ویکی‌پديانین سوْن مقصدی-بیلیک‌لیک ياراتاماق مقصدینه ضد گلدیک‌ده محدودلاشدیریلیر. بۇنا گؤره ویکی‌پديا-هر بیر کسین آغزینا نه گلدی دانیشا بیله‌جه‌يی بیر يئر دئيیل. ویکی‌پديانین آزاد و اؤزونواداره ائدن بیر پروژه اوْلماسی هئچ ده آنارشیسمین جمعیت‌ده یاشاییش قابیلیتینی يوْخلاماسی کیمی قبول ائدیله بیلمز. بیزیم مقصدیمیز بیلیک‌لیک ياراتماق‌دیر، آنارشیسمین مرزرینی بللی‌لشدیرمک دئيیل. بئله بیر نیتینیز وارسا، سیزی آنارکوپدیایا چاغیریریق.
ایشلدن صفحهنیز شخصی مالینیز دئيیل
[دَییشدیر]يۇخاریدا سادالانمیش محدوديت‌لرین چوْخو، بیرده، سیزین ایشلدن صفحه‌نیزه ده عایددیر. ایشلدن صفحهنیز سیزین شخصی صفحهنیز و يا وبلاغیز دئيیل. داها گرک، بیلمه‌لی اوْلدوغونوز شئي اوْدور کی، ایشلدن صفحهنیز سیزین دئيیل. بۇ صفحهلر ویکی‌پديانین بیر بؤلومودور و اوْن‌لار ویکی‌پدياچی‌لار آراسینداکی اۆنسیتی ساده‌لشدیرمک اۆچون‌دور.
و آنجاق...
[دَییشدیر]ویکی‌پدیا بیرده آیری، بۇ لیستی گیردیرمه‌ین چوْخ سايلی دهشتلی ادعالار مکانی دئيیل. بیز گۆن بوْیوندا میليوْن‌لارلا دییشدیریجی‌دن بیری‌نین آغلینا گله بیله‌جک هر هانسیسا بیر پیس ادعانی اولدن گؤره، بیله و اوْنو بۇ لیسته داخیل ائده بیلمه‌ریک. اوْنسوزدا بۇ لیست اؤزو اوْنون نتیجه‌سینده يارانیب کی، هانسیسا بیر ایشلدن ویکی‌پدیا اۆچون بئله پیس ادعالار دۆشونموش‌دور. بۆتونلوک‌له کفايت چوْخلو اساس ییغیب ویکی‌پدیايا پیس نیتله گلمک "چوْخ پیس بیر فکردیر".
نه ائتمه‌لی اوْلدوغونوزو بیلمه‌دیکده
[دَییشدیر]اگر، سیز، "اؤرنک مقاله" مقاله‌سینه گؤره نه ائتمه‌نین لازیم اوْلدوغو باره‌ده دۆشونسه‌نیز، اؤزونوزه بۇ سۇالی وئرین: "اوْخويوجو میثال مقاله‌نین باشلیغیندا نه گؤرمه‌يی گؤزله‌يیر؟"
اگر يۇخاریدا گؤرسدیلمیش قایدالارین هر هانسیسا بیر مقاله‌ده پوْزولدوغونو دۆشونورسونوزسه:
- مقاله‌نی چالیشین دۆزگون حساب ائتدیگینیز حالا گتیرین،
- مقاله‌نی اۇيغون اوْلا بیله‌جک آیری بیر مقاله‌يه یوْللاندیرین،
- بۆتونلوک‌له يارارسیز اوْلدوغونو دۆشوندويونوز مقاله‌لرین سیلینمه‌سی اۆچون باغلی شابلوْن آرتیرین،
- داها ياخشی اوْلار کی، بۇنو آیری ایشلدنلر ایله دانیشاراق گئچرلی قایناق حالینا گتیره‌سینیز.
| عومومی باخیش | |
|---|---|
| عومومی اصل‌لر | |
| مؤحتوا سیاستلری | |
| آیری مؤحتوا سیاستلری | |
| مؤحتوا تاپشیریقلاری | |
| داورانیش سیاستلری | |
| داورانیش تاپشیریقلاری | |
| دییشدیرمه تاپشیریقلاری | |
| ویکی‌مدیا تشکیلاتی | |
