ویکی‌پدیا:ایختیلاف حلی

ویکی‌پدیا، آچیق بیلیک‌لیک‌دن

بۇ صفحه، باشقالارلا اختلاف اؤز وئرن زمان ائتمه‌لی ایش‌لری آچیقلاییر. داها آرتیق بیلگی‌لری ویکی‌پدیا:آداب معاشرتده تاپین.

۱-جی آددیم: قوْنو اۆستونده تمرکز ائدین[دَییشدیر]

قۇنو اۆستونده تمرکز ائدین، دییشدیرن‌لر اۆستونده یوْخ. ویکی‌پدیا طرف‌سیزلیک اصلی اۆستونده چالیشیر. اگر بیر مقاله‌ده بیر یانلیش یا دا طرف‌لی بیر یازی گؤروب، باشارساز اوْنو دۆزلدین. بوْ ایش اوْلمازسا، اوْنو دییشدیرمه‌ده دؤزوم‌لو اوْلون، چالیشین اوْنو دانیشیق‌لا دییشدیرن. گئچرلی قایناق‌لار ایشلدین. یوْخلانیلابیلرلیک اصلینه گؤره قایناق‌سیز یازی‌لار گله‌جک‌ده دییشدیریلیب، سیلینه بیلر.

هر زمان اؤز دییشدیرمه‌لرینیزی آچیقلایین، آچیقلامالارینیز بیر خط‌دن آز یئر ایسته‌سه، دییشدیرمه قیساسینیایشلدین یوْخسا دانیشیق صفحه‌سیندن یارارلانیب، دییشدیرمه قیساسیندا «دانیشیق صفحه‌سینه باخ» یازین.

۲-جی آددیم: قوْنو فوری‌دیر؟[دَییشدیر]

قیسایول:

فوری بیر دۇروم قابا گلسه، اوْنو اداره‌چی‌لر بیلدیری تابلوسوندا بیلیندیرین یا دا صفحه قوْروموساینی دییشدیرمک اۆچون بیر ایستک یازین. بیر اداره‌چی سیزین ایستگینیزی یوْخلایاجاق.

۳-آددیم: دؤزوم‌لو اوْلون[دَییشدیر]

قیسایول:

دۇروم‌لارین چوخو فوری دئییل. اؤزونوز ایله مقابل طرفه بیر آز فرصت وئرین. قوْیون مسئله‌دن بیر آز گئچیب، سوْنرا بیر صمیمی دانیشیق سالین. مشکل‌لری حل ائتمک اۆچون هئچ چاغ گئج دئییل. اؤزل‌لیک‌له یئنی ایشلدن‌لر ویکی‌پدیانین سیاست‌لرله دۇروم ایله تانیش اوْلونجا اوْن‌لارلا دؤزوم‌لو اوْلون.

۴-جو آددیم: مقابل طرف ایله دانیشین[دَییشدیر]

قیسایول:

قوْنویا گؤره دانیشیق صفحه‌سینده باشقالارلا دانیشیب، اؤز باخیش‌لارینیزی بیلیندیرین. بحث‌لرده آرام اوْلون حسن نیت فرضینی نظرده آلاراق، مسئله‌نی شخصی ائتمه‌دن، دانیشیقلا بیر اوْرتاق باخیشا چاتماغا چالیشین.

۵-جی آددیم: باریش[دَییشدیر]

دانیشیغا گیره‌رک دؤیوشو قورتارین. قوْنونون داها آیدین‌لاشماسی اۆچون باشقا ایشلدن‌لرین باخیشینی دا یوْخلایین.

۶-جی آددیم: باشقالاردان کؤمک آلین[دَییشدیر]

قابلکی آددیم‌لار سیزین اختلاف‌لارینیزی حل ائتمزسه، دۇرومونوزا گؤره آشاغی‌داکی یوْل-یؤندم‌لرین بیرینی سئچینː

دییشدیریجی کؤمک‌چی‌لری
دییشدیریجی کؤمک‌چی‌لری تجربه‌لی ایشلدن‌لر اوْلاراق، سیزه بیر اۆرتاق باخیش ایله اجماعا چاتماق و اختلاف‌لاری حل ائتمک اۆچون کؤمک ائدیرلر.
اصلاحی باخیش ایستمک
باخیش ایستک‌لرینه باش وۇرون.
اۆچونجو کیمسه‌نین باخیشین آلین
بیر طرف‌سیز اۆچونجو کیمسه‌یه مراجعه ائدیب اۆچونجو باخیش ایسته‌یین.
قوْنویا گؤره سوْروشون
بیر قوْنوسال ویکی‌پروژه‌نین دانیشیق صفحه‌سینده سوْروشون.
سیاست‌لره گؤره سوْروشون
سیاست‌لرین دانیشیق صفحه‌سینده اؤز سوْرغونوزو یازین.
بیلدیری تابلولاریندا کؤمک ایسته‌یین
بۇ قوْنولاردا اختلاف‌لارینیز اوْلورسا، اوْن‌لارلا تانیش اوْلان دییشدیریجی‌لرین باخیشی ایله تانیش اوْلماق اۆچون، آشاغی‌داکی یئرلرده ایستک‌لرینیزی یازین:
غیررسمی آراچیلیق
اختلاف‌لاری آرادان آپارماق اۆچون. آراچیلیق توْپلوغونا باش وۇرون.
رسمی آراچیلیق
بۆتون اختلاف طرف‌لری‌نین موافقت ایله آراچیلیق ایستک‌لریندن بیر آراچیلیق ایسته‌یین. آراچی‌لار طرف‌سیز باخیش‌لا، اختلافی حل ائتمگه چالیشاجاق‌لار.
بیر باخیش‌آلما (نظرسنجی) قۇرون
قوْنونو آیدین‌لاشدیریب، باشقالارین باخیشینی بیلمک اۆچون بیر باخیش‌آلما (نظرسنجی) قۇرون، آنجاق سس‌وئرمه‌ دانیشیغین یئرینی آلمادیغینی اۇنوتمایین.

سوْن یوْل: داورلیک[دَییشدیر]

قاباقکی بۆتون آددیم‌لاری آتاراق، اختلافی حل ائتمگه چاتماساز، داورلیک ایسته‌یین. داورلیک کوْمیته‌سی داورلیک سیاستینه گؤره قوْنونی آراشدیریب، بیر قطعی تصمیم توتاجاق.

بیرده باخ[دَییشدیر]