ویکی‌پدیا:فیکیر بیرلیگی

ویکی‌پدیادان، آچیق بیلیک‌لیک‌دن

ویکی‌پدیا فیکیر بیرلیگی اساسیندا چالیشیر و گلیشیر. فیکیر بیرلیگینی الده ائتمکده ده اینجه و مؤدبانه دانیشیق‌لارلا بحث‌لرده اوْلور. بللی بیر موضوعدا فیکیر بیرلیگینه یئتیشرکن، اوْ موضوعدا یئنه دانیشیق اوچون ویکی‌پدیا ایجتیماعی‌نین وقتی هدر اوْلمادیغی اۆچون، فیکیر بیرلیگی بیر ویکی‌پدیا تاپشیریغی اوْلاراق بیلینیر. عمومیتله دانیشیق صفحه‌لرینده الده ائدیلن دانیشیق‌لار فیکیر بیرلیگینه چاتیشیر. بۇ یوْل‌لاردان آرتیق حل اختلاف یؤندم‌لریندن ده فایدالانماق اوْلار.

منطیقلی بیر فیکیر بیرلیگینه چاتماق[دَییشدیر]

فیکیر بیرلیگی٬ آنجاق بۆتۆن ایشلدنلر موضوعا گؤره فرقلی گؤروشلرینی دوْغرو و اۇیغون بیر شکیلده تانیملاماق اۆچۆن یاخشی نیّتله و بیرلیکده چالیشدیقلاریندا اوْرتایا چیخار.

آیری ایشلدنلرین اعتیراضلارینا رغماً٬ اهمیت‌سیز و چوْخ کیچیک بیر شئیی بیر مقاله‌یه آرتیرماغا ایصرار ائتمک٬ موضوعا لازیم اوْلمایان بیر آغیرلیق گتیرمه‌سی سببی ایله فیکیر بیریگی‌نین ایخلالی دئمک اوْلاجاقدیر. منطیقلی و مقبول دۇروشون نئجه بیر شئی اوْلدوغونو بللی ائتمک چتیندیر. اؤزونکولره تضاد اوْلان اوْ دۇروشلارا سس وئرن یاخشی ایشلدنلر منطیقلی اوْلا بیلیرلر. آنجاق٬ عینادکارلیق و ایصرارلا غریبه بیر دۇروش گؤسترمک و یاخشی نیّتلی دۆنیاگؤروشلرینی گؤرمزدن گلمک٬ ویکی‌پدیانین فیکیر بیرلیگی آنلاییشینا ترس دۆشر.

بیر ایشلدنین ائتدیگی دییشیک‌لیک‌لر غرضلی کیمی گؤرونسه ده٬ بۇ دییشیک‌لیک‌لرین تماماً اوْ مقاله‌نی توسعه وئرمک ایستگیندن قایناقلانان بیر یاخشی نیّتله ائتمیش اوْلا بیله‌جگینی یاددان چیخارتمایین. ایشلدنلر دائیماً قاباقلارینداکی یاخشی نیّتلی اوْلدوغونو وار سایمالی و ادبلی اوْلمالی‌دیرلار.

فیکیر بیرلیگی دییشیلمز دئییل[دَییشدیر]

اگر بیرلیکده آلینمیش بیر قرارین ایشدن دۆشدوگونو دۆشونورسه‌نیز٬ ویکی‌پدیاچیلارین سیزینله عئینی فیکیرده اوْلوب اوْلمادیقلارینی آنلاماق اۆچون٬ میثالین کند مئیدانیندا و یا مقاله‌نین دانیشیق صفحه‌سینده موضوعو آراشدیرا بیلرسینیز. اؤزونوزدن یئنی بیر فیکیر بیرلیگی اعلان ائده بیلمزسینیز.

ویکی‌نین طبیعتی٬ داواملی دییشیم ایچینده اوْلماسی‌دیر. ویکی‌یه هر گۆن یئنی اینسانلار گلمکده٬ یئنی ایطلاعات و فیکیرلر سایه‌سینده داها قاباق صاحیب اوْلمادیغیمیز دۆنیاگؤروشلری تۇتماقداییق. ایستر سس‌وئرمه ایله٬ ایستر فیکیر بیرلیگی ایله آلینمیش اوْلسونلار٬ قدیم تصمیملری دییشدیرمک اۆچون بیر یوْل اوْلماسی اهمیتلی‌دیر. بئله‌لیک‌له٬ آلینان قرارلار پراکتیک اوْلاراق هئچ بیر زامان٬ قراردان دالی دؤنولمز معناسیندا «باغلاییجی» دئییل.

ایستیثنالار[دَییشدیر]

بوُ موضوُعلاردا فیکیر بیرلیگی قۇروُلمازː