آوار تورکجه‌سی
آوارلارین دیلی ایله باغلی معلومات اولدوقجا آزدیر و بو معلوماتین آزلیغی بو باره‌ده تام امینلیکله سؤز دئمه‌یه مانئع اولماقدادیر. یازیلی منبعلرده تاپیلان آوار عونوانلاری و اینسان آدلاری آلتای دیللری عائیله‌سینده یاییلمیش آدلاردیر. آرکئولوژیک معلوماتا گؤره آوارلارا عایید یازیلی متنلر چؤزولمه‌یه‌جک قدر قیسادیر. آوار دیلی ایله باغلی معلوماتی اؤزونده ساخلایان تک بیر آبیده ناد- سنت- میکلوس (Nad-Sent-Miklosh) آدلی بیر باتمیش گمیدن چیخمیشدیر. آنجاق یونان حرفلری ایله یازیلمیش متن روس دیلچی ائ. هئلمیسکی(E. Helimski)، قروپو طرفیندن تدقیق اولوناندان سونرا ایستیفاده اولونان دیلین تونقوزجا اولدوغونو سؤیله‌میشدیر[۱]. باشقا بیر دیلچی او. مودراک(O. Mudrak) ایسه دیلین بولقارجایا (اسلاو بولقارجا. تورک دیللری عائیله‌سیندن اولان بولقار تورکجه‌سی ایله قاریشیق سالینمامالیدیر.) اوخشارلیغینی ایددیعا ائتمیشدیر[۲]. ماجار تاریخچی آندریاس رونا- تاس(András Róna-Tas) ین باخیشینا گؤره آوارلار ایلک دؤنملردن اعتیباراً تورک دیلی نین بیر لهجه‌سینی دانیشماقدا ایدیلار. خارواس (Szarvas) شهرینده تاپیلان ایگنه قوطوسونداکی یازیلار آندریاس رونا- تاسا گؤره تورک دیلینده یازیلمیشدیر. قابور وئکونی (Gábor Vékony) بو یازیلارین ماجار دیلینده اولدوغونو سؤیله‌میشدیر. آمّا بیر نتیجه‌یه یئتیشمک ایمکانی اولمامیشدیر[۳]. میلادی آلتینجی عصرین تاریخچیسی مئناندروس پروتئکتور (Menandros Protektor)، آوارلارین دیلینین هونلارین دیلی ایله عئینی اولدوغونو بیلدیرمیشدیر. بونو نظرده آلساق کی دیل بیر توپلومون کؤکونو بیلدیرن عامیللردن بیریدیر، اوندا آوارلارین اوغور تورکلریندن اولدوقلارینی سؤیله‌یه بیلریک.
قایناق
[دَییشدیر]- تورکجه ویکی‌پدیا
-
- ^ Eugene Helimski. "ТУНГУСОМАНЬЧЖУРСКИЙ ЯЗЫКОВОЙ КОМПОМЕНТ В АВАРСКОМ КАГАНАТЕ И СЛАВЯНСКАЯ ЭТИМОЛОГИЯ" (Rusça). Helimski.com. 29 Nisan 2011 tarihinde kaynağından arşivlendi. Erişim tarihi: 4 Nisan.
- ^ O. Mudrak-Tuna Bulgarları'nın dili ve kültürü (Rusça). Starling.rinet.ru
- ^ Vékony Gábor 2005: Magyar őstörténet - Magyar honfoglalás. ISBN 963-9402-16-8