ایقبال (قزئت)
ایقبال (قزئت) | |
|---|---|
|
| |
| سوروملو مودور | صنعت‌الله عین‌الله‌يئو-ابراهيموو (6.3.1912-20.9.1913)،
سید حسین صادق‌زاده (22.9.1913-8.10.1914)،محمدعلی عبدالعزیز و محمد امين رسولزاده (9.10.1914-27.4.1915) |
| یاییلان ایللر | 1912-1915 |
| دیل | آدربایجان تورکجه‌سی |
| یاییلان یئر | باکی، آذربایجان |
| موضوع | گونده‌لیک قزئت |
| بوتون سایلار | 1023 |
ایقبال باکیدا یاییلان گونده‌لیک قزئت ایدی.
تاریخی[دَییشدیر]
1912-1915-جی ایللرده باکیدا، آذربایجان تورکجه‌سینده نشر ائدیلمیشدیر. 1023 نؤمره‌سی چیخمیشدیر. اونلاردان 459-او صنعت‌الله عین‌الله‌یئف-ابراهیموفون (6.3.1912-20.9.1913)، 299-او سید حسین صادق‌زاده‌نین (22.9.1913-8.10.1914)، 265-ای ایسه محمدعلی عبدالعزیز و محمد امین رسول‌زاده‌لرین (9.10.1914-27.4.1915) ناشیرلیگی و باش مؤلیفلیگی ایله بوراخیلمیشدیر. "ایقبال"-ین اساس مؤلیفلری صنعت‌الله عین‌الله‌یئو-ابراهیموو، سید حسین صادق‌زاده، محمد امین رسولزاده، حاجی ابراهیم قاسیموو، نریمان نریمانوو، محمد هادی، عبدالله شایق، عباس صحت، علی نظمی، خلیل ابراهیم، اکبر اکبروو و ب. ایدی.
فعالیتی[دَییشدیر]
قزئتین مقصد و مرامی اونون بیرینجی ساییندا درج ائدیلمیش باش مقاله‌ده شرح اولونموشدور:
"ایقبال" قزئته‌سی میلّتیمیزین مادّی و معنوی سعادتین، ایقبالینا خیدمت آرزوسو ایله نشره باشلامیشدیر".
موستملکه‌چی ایمپیریالیست دؤولتلرین یاخین و اورتا شرقده تؤرتدیکلری تخریباتلارین، روسیه ایمپراتورلوغونون ر موستملکه‌چیلیک و روسلاشدیرما سیاستی‌نین تنقیدی، میلّی دیرچلیش ایدئیالاری‌نین تبلیغی، میلّی ادبیاتین اینکیشافی، آنا دیلی‌نین موستقیل‌لیگی و یاد تاثیرلردن تمیزلنمه‌سی، قادین آزادلیغی، معاریفین خالقا یاخینلاشماسی و میلّی‌لشمه‌سی ― "ایقبال"-ین توخوندوغو اساس مؤوضولار ایدی. قزئت موختلیف پروبلئملری واحید مقصد اطرافیندا بیرلشدیریر، میلّی موستقیل‌لیک ایدئیالاری‌نین تبلیغینه خیدمت گؤستریردی.
قایناق[دَییشدیر]
- ایقبال (قزئت) // آذربایجان خالق جومهوریتی ائنسیکلوپئدیاسی. — باکی: "لیدئر" ،2005. — 2 جیلدده. — ایکی.جیلد. — صحیفه لرین سایی:472. — ص.: 38-39. — ISBN 9952-417-44-4.
